HOSEA 11:10 - Allah Wene Fano Wene Hupla Inane

¹⁰ Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

HOSEA 11:10 ပူးပေါင်းရင်းမြစ်များ

AYUB 37:1

Abolok mil-milengge hilingiterek mene andi nen he an nendawimoet leigetik, nen nendawinggenma ogo pong-pongenggeri'lago.

MAZMUR 119:120

Hat hoba nendawimo ailo agunem he noak leigeti lagi, wene Haren tekhogo ikhi lagen mene andoma faget an he nailo nek ari'lago.

MAZMUR 2:11

Tuhan ebe hinailorogo logolik, At faget enek hilingiti logoino o.

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 2:5

Yago, hit afuni Yakub en tagomangge mene yi sani, nineisena Tuhan aselek oba louwogen he we'ni o!

YESAYA 31:4

Tuhan nen an noba ikhi logolik he, ”Singa nen ninggerek engge sebelek logolik, it ap wam domba konharek mene esa logalek omanogo nen inane hokhorogo kwetu mene omanogo faget ailo agi'lek welagarek andi hakhogo re, An nen hobuk Punu Sion a'nogo faget weim yabimbik sebelogo fisogo logogin o.

YESAYA 42:13

At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YESAYA 64:2

Endu e nolfugunem amulok lagagik i isa'la'luk abolok igik ikherek andi hak hilingfein o. A'nogo hilingitunem Hat homame hokho mene andi haselei mene ineilenggen heambik hebe inelu asuagaluk hilinginabin o. Ariginhunem he afuni inunggulenu lombok Hat helokhoma nen inoak elekwe abolok igin.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

YEREMIA 2:2

”Hat hebe afuni o Yerusalem welagaikharek mene inoba lambik he, wene mel yagaisano: Hit afuni Israel mene yi sani. Aben hemi ket iginapluk, inendawinggen hundik welagaikharek andi hak, hit hinebe oan oba nenat An noba lomborogo logolik hinendawinggen An noba hundik were'ma, o leikwe yi mene ti mene awi yago lekwe andoma nombo'ne mondok nikhi lagagip a'nogo hinoba ebeti o.

YEREMIA 25:30

Yeremia ahwi, An nen hat hoba nane igi mene andem he haren mondogat yagaisano. It inoba yagaisikhi logolik, ”Tuhan ane re pogoroba nen pararak eri'lago o. At ebe werek oba obalik mondok fano hore'ma omanogo nen he againafuri inom weim yabigiluk hum liabi'logo. Ap anggur enggen perelharek oba nen abologet hugunem hilingiterek hak, Aren abologet hamo re yi afuni ti afuni o kweangma welagaikharek mene mondogaren holugun.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

YEREMIA 50:4

Tuhan ane ikhi logolik, ”Linggene andem oba re afuni Israel mene inom, Yehuda mene inom he, An it ineisena Allah nebe hera'nabik inebe seberogo le arik noba wesugun.

YEREMIA 7:6

Ap pok mene inom yenggerugwi suarek mene inom, hemi sogwe mene inom sebelogo fisagarek mene andi re ariginhi logou fuk. O kweang yiba nen ap weak hilingiti'lek kwelek he inoasu fuk. Nen kembu ilah omanogo inoba apne wanhi logou fugat. Hiren a'nogo hilingiti logogun halok he hinebe weaget hinabigin enggere.

YEREMIA 7:9

Hiren he ap inangge hinatik, ap watik, babi lagik, hineranhogo wene igik, Baal oba warogo wogetik, nen dewa hit hinonggot mene omanogo apne wanhik, hilingiti lagep.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

AMOS 1:2

A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.

AMOS 3:4

Mene singa enggama logolik, at ninggerek mene higi'lengengge nen, ane kouwasumo re higit nogo a? At singa eagwi kiling elema logolik, ninggerek mene ekhe herakhigi'legengge nen ane kouwasumo re higit nogo a?

AMOS 3:8

Mene singa ane kouwatu halok, sa hagen ailo'lek hambuk haluk logou hak nogo? Nen At Tuhan Lego Mondok welagarek mene ane ikhe halok, sa nen it afuni ekhe yagaisigi'lek kamo u hak nogo?” iluk isikhe.

MIKHA 4:5

Afuni inunggulenu lombok o kweangma welagaikharek mene nen he, inanggembu dewa omanogoba himbirik logolik apne helikhi logouwak, oba nen nit enek he nineisena Tuhan Allah oba lomborogo logolik, ninenggi hundik-handik andomaba At enek fogeratu mondok logogun.

HABAKUK 3:16

A'nogo hilingitunem wene andi nesanggo holhirik he, nendawinggen abolok igik, nambe lei'leik igik, ikhi logolik he, noak yeli agul hangge kuluk-kalak igik, noak elekwe helela igik, igirek meneat he, it ap ninoasuogoluk weri'lagwi mene andi, Allah nen weagerinabi wesigin o, iluk he nafe morogo nabolo'legat logogin o.

ZAKHARIA 10:10

O Mesir en inom Asyur en inom An nen it inaiba sugulogo woginarek wesigin. A'nogo fisa wesimbik, it inonggwarek inanggweang oba andoma fisamo logogun. An nen o Gilead inom Libanon inom ogo woginarek wesumo, o kweang andomaba mondogat it mene nek hoporek logogun o.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

ZAKHARIA 8:7

An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

KISAH PARA RASUL 24:25

A'nogo holek werek kwelek, higithogo hilingiti logogun wene andi inom, inendawinggen sebelek logogun wene andi inom, hobuk Allah nen afuni inanema waganogo wene inoba figik, kotik, igin wene andi inom, yagaisugunem, Feliks ailo agaikhe. Ailo agaikhesik he, ”Yogondak wene arat egen o. Hobuk ugun mene higit aga halok he, wolheagain o,” iluk ambotkwe lakfesikhe.

ROMA 8:1

Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.

2 PETRUS 2:10

It andi esin hangge re, Allah inendawimo sebelfuluk, yi mene ti mene inendawinggen en nunggunem weak hilingirik nikho andi, Allah nen wene inoba fagaino. Inailo lek inobabut weak hilingiti logolik, pogoroba mene fogerinafu welagaikharek mene andoma, it inailo legat inabok weak palhi logogun andi.

WAHYU 10:3

mene olo mene hangge enu singa andi mene ane kwe ikherek andi hak ane hokhorogo ugunem, wene onggo re, unggunggu ebe 7 nen mene inane pakhogo yagati lagaikha.