Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 10:13 - Allah Wene Fano Wene Hupla Inane

13 Oba nen a'nogo hilingisu mene werek kwelek haren agaumhogo amu mene hilingiti lagen, haren weak aple hilingitu mene faget enek hilingiti logolik, enggen ugu hakhogo re katokhogo hilingitarek lek mene a'nogo palhi lagen. Hat he hane heranhogo ugu meneba enggen ugu palhigik, ninggik,” ikhi lagen. Tuhan nen ane nekhengge ikhi logolik, ”Yago hit hinunggulenu Israel mene yi! Hiren he inangge kereta weim yafi lagep mene omanogo inom, nen hinagoromi sikhe fisogo inap hokho-pokhorogo werek omanogoba inom, inoba himbiret fuluk logolik hilingiti lagep,

အခန်းကိုကြည့်ပါ။ ကော်ပီ




HOSEA 10:13
19 ပူးပေါင်းရင်းမြစ်များ  

An nelu re, afuni nen yabu waganogo, awi weak mene yatunem, hobuk ebe weak meneat tatik, palhik, agarek hak, weak hilingitunemat wene weak mene inoba agarek andi, nelu o.


Ap raja at agoromi tentara inebe hokhorogo werek andiba, omame asu lek hak. It ap tentara mene inomame hokho andi nen inebe tela lek hak.


Oba nen he, At Allah nen hit hinebe mondok-mondok leget hinobagagin o. Nen hit hinebe hinailoba nen lisogo wulak hinobagai wesimbik he, afuni ineluk werek oba yoma nen hineiloak leget hinobagagin o.


Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.


Hit hinobabut a'nogo hilingiti lagep andiba inom, weak mene hilingisuogoluk hinendawimo ebeti lagep andiba inom, hinobabut oba weak mene hinoba asigin andi.


Ineranen wene agarek mene re we ferekhogo nek weinam agarek, oba nen eberogo wene andi re mondok-mondok logogin.


It afuni inobabut inawenenggak fano mene andi, fano mene nek saburagarek. Nen, it ekhe higithogo hilingisu inabit mene andi re, inobabut weak mene nek ninghogo hilingisu inamolo welagaikharek.


Ap wene sikhiphogo palharek oba andoma nen ineranhogo wene agarek mene andi re, oba unggum fugunem korologo wokhagain mondok lek.


Ap awi weak mene yasigin halok he ambisangma re enggen weak meneat paligin, hobuk at omameba yagaisikhi logombigen mondogat legasigin.


O kweangma yoma ekhe yi'nogo hilingitunem isigiregat. Afuni inebe lombok inoba hilinglasigin ilugat hilinglagarek andi nen he, it afuni sa awewerek-sa awewerek walhugunem at ekhe awe werek agarek mene andi nek onggo helikherek fuk. Nen, weim yafi logolik inomame agaikharek mene andi, hobuk yafi logolik inomame agunem isigirek legat. Nen, it inendawinggen kagalek mene andi, inebe mondogat inamburu yi mene ti mene oba heilarogo nek nunggunem isigirek legat. Nen, inobabut hebelek mene andi, inebe mondogat inangge yi mene ti mene hokhorogo nek hilinglagunem isigirek legat. Nen, it yi wene ti wene inelu mene andi, inebe mondogat inenuwerek agunem isigirek legaro.


Oba nen he, awi yago mene andi pikhit fulelogo wilifi logolik henggi yasigin sambul andiat owil isigin oba nen he, enggen fanorogo isigin lek. Logogin mene re we inelagaik logolik anggolo hagarek mene inom nen inendawimo ou enek hugu welagaikharek mene inom andi nek logogin.


Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.


Hit he An nagainafuri nen weak hilingituba re hinenggi werek irikhi lagep, andiba re hiren ebeti logolik it he weak enek hilingirik laga logouwak anggikhi lagep.


Tuhan ane ikhi logolik he, ”Afuni holhu mene nen ineranhogo wene lalhigik raja inom at agoromi at a'ma yabu hilingiri'lagwi mene inom inendawimo inagaiyeget fisogoin iluk hilingiti logolik inobabut hafeba hilingiri'lagwi andi.


An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.


Omanggum inalue nen inane lagokhogo ikhi logolik he, Afuni inobabut weak mene nenat weak hilingitarek, iluk ikhi lagaukwa andi hat he helu o. Andi nenat, an nen hat hoba weak ekhe hilinghabigin mondok lego.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ