HOSEA 10:12 - Allah Wene Fano Wene Hupla Inane

¹² An nen ikhi logolik, ”Hat Israel yi! Heabu ket mene senfuluk enggen awi yatu mene re katokhogo hilingitu mene andi yasin o, nen enggen palhu mene re haren hendawinggen An noba ibi-eberogo tibet fikhi logogin andiba fanot hobagagu mene palikhi logogin. Haren An heisena Tuhan hera'nabigin oba o arat horogasi waga. An wesimbik fanothinafirek mene a'nogo meiso pelabi wagarek hak pelakhisa wesigin.

HOSEA 10:12 ပူးပေါင်းရင်းမြစ်များ

MAZMUR 105:4

Hit At omame wokhisoageluk kino yagati logoino. Hundik-handik At enek fogerati logoino.

MAZMUR 72:6

At andi ebe re, meiso o leimo enggaba pi wagik, athe meiso hokho mene yabu waganekwe lupugeratik ikherek hak hilingik logouwak.

AMSAL 11:18

Afuni ina'mage weak mene ambisangma tiphogo helagarek mene andi re alomarogo hangge, oba nen he, sa nen eberogo mene hilingite halok he ambisangma onggo femhogo logogin mene helili'lagwi.

AMSAL 18:21

Inamelinggen andi nenat afuni weagerinafik, fanorinafik ikherek afuni inane ambisangma nek enggin mene helagarek.

PENGKHOTBAH 11:6

Yi mene ti mene awi hubet yasugun mene fano asigin he a? Hu'mokokwe yasugun mene fano asigin he a? Emberegat fano nek asigin he a. Hinonggot andi nen he, hubet yati la'luk hu'mokokwe set warigi'legat yati logoino o,” iluk isikhe.

YESAYA 30:23

Hiren awingge enggen feik fol-fugunem he, ebe fulelhik, enggen hokho-pokhorogo itik, enggen ebe hokhorogoat palhik, hilingiti logobagaigeluk he At Tuhan nen meiso lakhinobagai waga logogin. Hit hinanggo faget ogore engga o lei mondok lia-fiare'ma andoma fouget hinobagakhi logogin.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YESAYA 44:3

An nen kweang iringikwe andoma i wulagaisogo lakfei wagik, nen kweang agai nele pelerogo werekwe andoma meiso sogenggen mene oba sakhoratik, igin o. Nen An Nomame re haren tagongge mene inoba wogisigik, hombawi hobuk ta'lasugun mene inoba fanoet fisigik, igin o.

YESAYA 45:8

Pogoroba nen meiso higit inomame asuageluk An nen pelagisa wagirek, ma re, kweang en kwe hut fakhikheresik helaluk werek, a'nogo hilingiri'logo andiba re inagap telhu mene inom, agaugwerinafarek mene inom weinam agarek. Andoma mondogat he An Tuhan nen enek hilinglasuak anggugunem hilinglagarek,” iluk ikhe isikhe.

YESAYA 48:18

An nen nawene melalek yagahisigirek mene andoma hiren futfikhi logoumo nen he, fanot hinobagagu mene andi re i firitok igi'lek lagu mondok welagarek andi hak hilinghinobagakhi logou hago, nen haren ambisangma hilingirik lagain kwe andoma re i laut agum aloget figi'lek founalhu-lenggalhu mondok welagarek andi hak logou hagaro.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YESAYA 55:6

Hilingisu higiroba andemat Tuhan oba sugulogo waga logoni o, At ebe horokhogo were'ma andemat enu hombuk palhi logoni o.

YEREMIA 50:4

Tuhan ane ikhi logolik, ”Linggene andem oba re afuni Israel mene inom, Yehuda mene inom he, An it ineisena Allah nebe hera'nabik inebe seberogo le arik noba wesugun.

YEHEZKIEL 34:26

An nen he it inebe fanot fisambik an nandom horek mene a'nogo era'lukwe andoma logouwageluk yagaisagain. Nen iren meiso inamolo halok An nen wogisikhi logogin.

HOSEA 12:6

Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.

HOSEA 14:1

”Samaria re An noba eilnafesik nane sagalogo hilingitu nen he, unggum hela higit obaat helagain o. Afuni holhu mene aren mene andoma re weim elema nen wa'lasugun. Inomalik ketago mene re wulil tagalogo legerinafik, hemi omalik ina'ma mene re inalabut pelangetik, ugun o,” iluk ikhe.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

AMOS 5:4

Tuhan nen afuni Israel mene faget mel ikhe: ”Hinambotkwe An noba we'ni o. Wagep halok, hit hinebe hineluk logogun.

AMOS 5:6

Ma re, hit hinebe hinambotkwe nineisena Tuhan oba we'ni o. Wagep halok, hineluk logogun. A'nogo meneat he, wesugun lek halok, At ebe endu amulok melanghogo ninggerek hak waga logolik, afuni Israel mene inebe felelenghogo hinoasigin o. A'nogo inoatunem, afuni o Betel welagaikharek mene ekhe nen ogo endu andi nagulu re mondok elo'lek asigin.

AMOS 5:8

Nineisena Tuhan nenat, hesagalenggen pogoroba elalogo fesikhe, hesagalenggen andi enu Belantik inom, Kartika inom, elalhikhe. Arenat o mum mene lia hilingisogo figik, o linggene mene hubanggo hilingisogo figik, i laut hokho yenggelek mene kweisalogo kweang ambuema hukhigik isikhe andi. Nen andoma mondogat hilingitikhe mene andi ebe re At Nineisena Tuhan amu nenat hilingitikhe.

LUKAS 13:24

”It afuni hokhorogoat, kwe endep kwe kuogeluk walhogoin meneat he, elo'lek asigin andi nen he, hit kwe endep kwe andiba kubagaigen he, hinomamerogo hilingiti logoino o, iluk yagahisikhi lagi.

KISAH PARA RASUL 2:18

Andi sambul he, an namingmingengge mene, ap inom, hemi inom, an Nareagun hokhorogo inoba pelakfei wesigin o. Pelakfei wagunem he, iren an nane yagaisikhi logogun o.

2 KORINTUS 9:10

At Allah nen it awi yatarek mene awi wogisigik, sumburu ebe noageluk wogisigik, ikherek andi. A'nogoat, arenat afuni awi yasuageluk palisagarek hak, hinobabut it ekhe leberisikhi logogun andi mene wokhisigik, nen awi yatunem enggen hokhorogo isu hak, it ekhe hinendawi nen leberisugunem hokhotfigik, igin o.

YAKOBUS 3:18

E fano mene awi yatunem enggen fano iterek andi hak, afuni inobabut lioksek logolik, it ekhe inom liokhogo logouwageluk lambulinafunem inobabut higithogo fano hilingitarek andi.