HOSEA 10:11 - Allah Wene Fano Wene Hupla Inane

¹¹ Attak Israel he sapi ket souge mene hakhogo yanggulik mene hilingik logolik, gandum enggen loligin mene agaiyekhogo hilingik welaga. A'nogo hilingi'mo re An nen at oroak ebema andem pugetfuluk li'luk lagu aplere hebisigi. Oba nen yogondak he An nane ninghogo yagatu kwelek at yabu engginhogo hilingiti logouwageluk wene mondok tekhogo igi. Yehuda mene re kweang kusuageluk An nen mimingisigin, nen Israel mene re enggen taleluageluk yagasigin.

HOSEA 10:11 ပူးပေါင်းရင်းမြစ်များ

YESAYA 28:24

Ap yabu wanharek mene nen he awingge yasigiluk inenggi hundik-hundik yabu tagalhik, ebe wanhik, enggen talelhik ugu mondok welagarek lego.

YEREMIA 28:14

Tuhan Omame Mondok Hokho mene, Allah afuni Israel mene ineisena a'nogo nen ikhi logolik, ”Aren he e pia andi re posiemanggen enggin mene yi afuni ti afuni inunggulenu lombok andoma inoba fagain o. Nen, iren he raja Babel mene Nebukadnezar a'nogo obaget hilingiti logogun. Tuhan ane ekhe inom ikhi logolik he yi mene ti mene eil polok mene andoma ogore Nebukadnezar inggiba nek fagain ikhe o,” iluk yagati.

YEREMIA 46:20

Mesir he sapi sei mene hakhogo hilingik oba nen he, mulisobon utara fikhiren ane yingisi weri'lago.

YEREMIA 50:11

Tuhan nen ikhi logolik, ”Yago hit Babel hinap yi re, hit he An nagainafuri mene telogo woginabuogeluk hilingitep. Hit he wam kuda nen ane kweti logolik agaiyegen hukhogo lagagik pigik hilingiterek hak, nen wam sapi engga tekhigik nilik laga logolik hilingiterek hak hilingiti lagep.

HOSEA 11:4

An nen at ebe nendawirati lagarik, noba lomborogo logouwageluk fei wagagisik, oba enggin-fenggin were'ma An nen lebethigik, nendawi sakhoregen at nunggungge ninggi logouwageluk wogotik, ikhi lagi meneat he,

HOSEA 2:5

Hinagaisa enggali mondok lek yanani nilik nikhi logolik, mel ikherek: An ap ninom nikhi lago mene nen namburu inom, nagai inom, yosi wol mene inom, kain linen su eil puselek weak fano mene inom, e zaitun enggen amusu inom, anggur enggen amusu inom, wo'netarek mene heraginabik inoba lagain o, iluk ikherek andi.

HOSEA 3:1

Tuhan nen An yaganeti logolik yi'nogo ikhe: ”Haren, hagwe obabut agun oba lomborogo logou abirengge we yanani nilik nikherek mene andi hobuk oba lan o. Lambik he, An nen afuni Israel mene inebe An hera'nobagaluk, hunogo mene faget, Nineisena ebe yi aro, iluk fogeratarek mene andi fogeratik, anggur enggen puk mene werago tugwi kembu fisugu mene faget inamolo welagik, ugu kwelek meneat he, An nen nendawirinafirek andi hak, haren he andi hendawirasi lan o,” iluk yaganete.

HOSEA 4:16

Yago, hit afuni Israel mene yi sani, hit he hinungguloak mondok helep higit welagep! Ariginik welagepma re, An nen ninggi'nogo domba engga noageluk o leimo halharek hakhogo halhinafi logogin nogo?” iluk ikhe.

HOSEA 9:1

Hit afuni Israel mene yi sani, hiren linggene lego mene omanogo faget ebeti logolik halok he, it inunggulenu amu mene nen hilingiri'lagwi andoma hakhogo hilingiti logogubo. Hit he, hineisena Allah a'nogo herakfisegepsik at oba tiphogo welagi'legengge hilingiti lagep. Gandum enggen lolhukwe omanogo mondogat he hit hinebe uang herakhikhi logolik dewa baal oba hambenan hilingiti lagep, nen hit he, gandum dewa andi nen onggo wo'nisili'lago iluk helugu mene faget enek hinagaiyek welagep!

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

ULANGAN 25:4

Wam sapi eisogen gandum agap lilibuk warogo enggen ibiluagaluk fuluk he, enggen ekhe at nanogo iluk ambe hele te'mekhogo homasugun mondok lego. We, ekhe at noagaluk herakfikhi logoino o,” iluk yagaisasikhe.