HOSEA 1:7 - Allah Wene Fano Wene Hupla Inane

⁷ Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

HOSEA 1:7 ပူးပေါင်းရင်းမြစ်များ

2 RAJA-RAJA 19:29

At Yesaya nen a'nogo lakfei waga logolik, wene ekhe yi warogo Hizkia oba lakfei wagaikheat. A'nogo lakfei waga logolik mel yagatikhe: ”Hiren he, Allah nen wene ikhe andi eberogoat hilinglasigin, iluk fut fouwageluk inendawi wenggelogo tahun yogondak yiba inom, tahun ombo'ne logogun andiba inom, afuni nen gandum erabisak fuleligin mene ninggi logogun a'naga o. A'nogo meneat he, a'nogo ninggi logombik, hobuk it ineranen gandum inom, anggur inom, awi yakfembik enggen fano mondok palogo ninggi logogun a'naga o.

2 RAJA-RAJA 19:34

Hit o kota Yerusalem welagep mene An nonggwarek nalisikhogo inom, namingmingengge Daud alisikhogo inom, hinebe elele wokhinabimbik he, fethinarek logogin o, iluk ikhe,” iluk wene warogo lakfei wagaikhe.

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

2 RAJA-RAJA 6:18

A'nogo yerisasikhesik oba nen ap Siria mene omanogo arat inoasuogoluk kwi wagunem he, at Elisa samban mel isikhe: ”Tuhan neisena. Ap andi ineilenggen mum hilingisogo fisan o,” iluk yagatikhemo, Tuhan nen Elisa ane esanggo holhikhesik he, ap omanogo mondogat ineilenggen mondok mum hilingisogo fesikhe.

MAZMUR 33:16

Ap raja at agoromi tentara inebe hokhorogo werek andiba, omame asu lek hak. It ap tentara mene inomame hokho andi nen inebe tela lek hak.

MAZMUR 44:7

An he nonggwarek nasikheba nendawinggen himbirik welagi lek, nen an nenggarogen he nagap telnabu lek hak.

KELUARAN 14:13

A'nogo yagatukwama, at Musa nen he, ”Hinailo anggagubo. Hinendawinggen hambukhogo logoni o. Nineisena Tuhan nen telninabigiluk ekhe hilingitunem hineilenggen hogoin o. Afuni Mesir mene hineilenggen yerisegep ari hobuk hineilenggen isogoin mondok lego.

KELUARAN 14:30

At Tuhan nen afuni Israel mene Mesir mene nen inoasuogeluk wagunem telinafikhesik afuni Mesir mene inoatikhe mene omanogo inebe warek hambokhogo i esanggoma wulakfisa wagaikhe.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YEREMIA 25:5

Iren yagahisikhi logolik, hit hinanggweang Tuhan nen hit inom, hit hinombawi inom hinonggwarek hinanggweang mene asubagaigeluk wokhisasikheba oma logobagaigen he, hit hinobabut haferogo welagik, weak hilingitik hilingiti lagep mene andi herak fisani o, iluk yagahisikhi lagaukwa.

YEREMIA 25:6

It nabi-nabi andoma nen he hiren tugwi kembu amu meneba apne wanhik, obaget hilingitik, hilingiti logou fuk, hiren a'nogo hilingisugun oba re Tuhan a'mage kwelafi lagep, iluk yagahisikhi lagaukwa. Nen, hiren Tuhan ane ikherek mene higithogo hilingisugun halok he, Aren unggum hinoba fagain lego,” iluk yagaisikhi lagaukwa.

YEREMIA 33:26

An nen wene at Yakub ambisangma mene inom, nen namingmingengge Daud ambisangma mene inom faget watigi mene andi re fisogo mondok logogun. At Daud en tagomangge mene ambisangma mene misik ekhe nen he Abraham, Ishak, Yakub inambisangma mene melalinafi logouwageluk An nen wenagaisogo fagain. An nen nagainafuri inoba nendawirinafik, nen it inebeba sik pikhogo logouwageluk hilingfisigik igin aro,” iluk ikhe.

HOSEA 1:8

A'nogo yaganetesik oba nen, an hemi eak Lo-Ruhama eilak palogo re, omalik ekhe a'ma agasik, omalik ebe abengge takhikhe.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

1 SAMUEL 17:47

Nen, afuni yoma werek mene mondogaren an nen hilingitunem ineilenggen hambik, afuni Israel mene ineisena Tuhan andi re, at againafuri telinabigiluk he karok inom, sige inom oba re telinaferek lek higi, iluk inelu asugun aro. Weim yogondak yi Allah aweimat yabugun. Andi nen he, Arenat hat hebe nit ninenggiba fagain o,” iluk yagatikhe.