Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 1:6 - Allah Wene Fano Wene Hupla Inane

6 A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.

အခန်းကိုကြည့်ပါ။ ကော်ပီ




HOSEA 1:6
11 ပူးပေါင်းရင်းမြစ်များ  

Andiba re Tuhan nen it afuni Israel mene inebe mondogat he At againafuri mene iluk anggikhi lagaikhe lek. Aren it inoba wene fuluk ap it inaselei mene inanini mondok mene inenggiba fisikhi lagaikhe. Aren it inoba ebeti'lek enggere kweang it inebe logouwageluk wogisasikheba omanogo nen waganogo huginabi lagaikhe.


at Hosea re afuni melalinafu 9 tahun werek kwelek at Salmaneser en o Samaria sebeli wagaikhe. A'nogo sebeli wagaikhesik afuni Israel mene hele warek welagaukwa mene omanogo woginarek he o Asyur lagaikhe. Nen, woginarek lagaikhesik it omanogo fenakwe re o kota Halah ba andoma fisasikhe, nen fenakwe re o wilayah Gozan oba nen i Habor horokhogo andoma fisasikhe, nen, fena fikhit he o Medai kweang oba kota-kota andoma fisilik lagaikhe.


Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.


A'nogo yaganetesik oba nen, an hemi eak Lo-Ruhama eilak palogo re, omalik ekhe a'ma agasik, omalik ebe abengge takhikhe.


An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.


Hit yenggerugwi yi, hinebe hinagaisa pailak hilingiti logolik takhinafemo re, hinebe nendawithinabigin legaro.


A'nogo logolik mel yaganete: ”Amos. Hat heilenggen yethegen andi nena mene yethegen nogo?” iluk yaganetemo, an nen he, ”Hele ilirengge ninghogo pelabek were'ma yethigi o, neisena” iluk yagati. A'nogo yagatimo, Aren he, ”An nen hele ilirenggethugu meneba wanhirik hilingiti yi re, An nagainafuri inebe re leget pa'leget kwanirek andi hangge, iluk walhigik hilingiti lagi o. Nen, An nen hilingisigin mene iluk melalogo figi mene andire agam eti'lek, ibi-eberogo nenat wene inoba feigiluk hilingiti o.


An Tuhan Lego Mondok welagirek mene a'nogo nen hit afuni kerajaan Israel oba weak hilingiti lagep mene andi neilenggen wokhinafi lagi. Andi nen he, An nen o kweangma yoma nen lek hilingisogo hinobagagin o. A'nogo meneat he, afuni Israel mene Yakub en tagomangge mene hinebe mondogat lek hilingisogo hinobagagin lego, iluk An Tuhan nen nane arat igi.


Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ