HOSEA 1:4 - Allah Wene Fano Wene Hupla Inane

⁴ Ta'lagaikhemo, Allah nen mel yaganete: ”At Yehu nen inebe hokhorogo o enu Yizreel andoma inamep wulagaisogo inoatikhe andi nen he, an nenggi welagi'legat wene Yehu Israel mene inoe raja werek andi oba fembik he, Yehu nen tagomangge mene re inebe raja menlaga logoinogo iluk, legetfisagain o. A'nogo hilingfisagain andi nen he, hamlogo ari enu re Yizreel salino o.

HOSEA 1:4 ပူးပေါင်းရင်းမြစ်များ

2 RAJA-RAJA 10:1

Raja Ahab againafuri inom iren tagomangge mene inom inebe lambukhogo re 70 nen o kota Samaria ba andoma welagaukwa. Andiba re at Yehu nen he lisu palogo it ap hun Ahab againafuri inom iren tagongge mene omanogo inom halinafi logolik welagaukwa mene omanogo inom, o andoma inenu lego welagaukwa mene inom, o kota andiba ap kaindek inom inoba lakfikhi logolik he yi'nogo palhikhe:

2 RAJA-RAJA 10:17

Andoma asi lagaukwasik Yehu nen he Ahab ogogwi agoromi ineluk werek mene omanogo mondogat inoatukwa, nen we misik iluk ogo ekhe herak fisasukwa mondok lek. Nen, andi re Tuhan nen Eliaba yagatikhe mene a'nogo higithogo nek agaikhe.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

2 RAJA-RAJA 15:8

Hun Uzia afuni Yehuda mene inobaget inoe raja menlagaikhesik melalinafu werek kwelek enek he 38 tahun agaikheba re at Zakharia hun Yerobeam pirenek mene amlogo a'nogo afuni Israel mene faget raja menlagaikhe. A'nogo menlagaikhesik o Samaria ba andoma tugi falfaligen huli melalinafu welagaikhe.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YESAYA 8:3

A'nogo yaganetesik oba nen eil misik were'ma nen he an nagwe omalik a'ma agasik omalik ebe ta'lagama re, Tuhan en an noba ikhi logolik he, ”Omalik andi enu re Sorom weak-weak laluk he yi mene ti mene weak-weak telhu mene,” iluk salino.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

YEREMIA 20:3

A'nogo hilingitama re inenggi ombo'ne meneba hubet he at Pasyur en an nebe warogo pore'ma a'nogo nen lologo pelaknobagaikhemo re, an nen at oba yi'nogo yagati, ”Hat henu Tuhan nen salhabigin mene re Pasyur he fuk, at he ’Ap wa'ni’ iluk sal habigin o.

YEHEZKIEL 23:10

Iren at a'nogo inomameba ninghogo alfulukwa kogouk hilingisogo fagasik, karok oba warogo fagasik he eagwi re telogo helaga. He andi ambisangma hikhe mene andi faget he it hemi ekhe o yi awi ti awi andoma nen he tindelhu mondok welagaikharek.

YEHEZKIEL 23:31

Hat he hoe nen hilingiti laga mugusogo hilingiti lagen andiba re An nen hat hoe unggum wogetigi mene andem higithogo harogo wokhesigin aro,” ikhe.

HOSEA 1:6

A'nogo yaganetikhesik oba nen, he a'nogo hobuk eak a'ma agaikhesik he, omalik hele mene ekhe tatikhe. A'nogo tatikhemo, At Tuhan nen an yaganeti logolik, ”Hosea ao, An nen afuni Israel mene nendawirinabimbik, it weak hilingiri'lagwi mene sagalogo legetfagain mondok lego, andi nen he ha'logo andi enu re endawi hundik ninabi'lago lek mene iluk, Lo-Ruhama, salino.

HOSEA 1:9

Takhikhemo re, Tuhan nen yaganeti logolik, ”Hit An nagainafuri legat. Nen, An hit hineisena legat andi nen he, hit An nagainafuri lek iluk u hak he, enu Lo-Ami salin o,” iluk yaganete.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

HOSEA 9:17

Afuni Allah againafuri nen he Allah an nen obaget hilingiti lagi mene a'nogo At ane holhu re ninabit iluk herakfisagama, it inebe re afuni inunggulenu amu mene inanggelekwe leil wati logogun o, iluk ikhe.

AMOS 9:8

An Tuhan Lego Mondok welagirek mene a'nogo nen hit afuni kerajaan Israel oba weak hilingiti lagep mene andi neilenggen wokhinafi lagi. Andi nen he, An nen o kweangma yoma nen lek hilingisogo hinobagagin o. A'nogo meneat he, afuni Israel mene Yakub en tagomangge mene hinebe mondogat lek hilingisogo hinobagagin lego, iluk An Tuhan nen nane arat igi.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

LUKAS 1:13

at malaikat a'nogo nen he, ”Zakharia! Hailo agun o. Hat samban ikhi lagen a'nogo, Allah arat esanggo holhe o. Hagwe Elisabet andi eak abat takhesigin o. Takhete halok he, enu Yohanes salino.

LUKAS 1:31

Yethan, hat omalik ha'ma asimbik abat tasigin. Tasimbik he, enu Yesus salino.

LUKAS 1:63

a'nogo isukwama, at Zakharia nen he, ”Helep lisu palharek mene ekhe wo'ne'ni,” iluk enggi tum piling isikhemo wogetukwama re, ”At enu Yohanes o,” iluk, lisu palhikhe. A'nogo lisu palhikhemo afuni hokhorogo omanogo nen, ”Nailo e!” iluk fogeratukwa.

YOHANES 1:42

A'nogo yagatikhesik he, Yesus oba waluk wagaikhemo, at Yesus eilenggen at yethasikhesik he, mel yagatikhe: ”Simon Yona amlogo yi, nagore. hat henu Kepas ikhi logouwageluk salhafi o,” iluk yagatikhe. A'nogo yagatikhe andi re, nit yoma ninaneba enu helep isa u hak, Yunani inaneba Petrus agarek hak, Ibrani inaneba enu Kepas iluk salhikhe andi.

YOSUA 19:18

O it inaiba kweang andi inom he o Yisreel, Khesulot, Sunem,