HOSEA 1:10 - Allah Wene Fano Wene Hupla Inane

¹⁰ A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

HOSEA 1:10 ပူးပေါင်းရင်းမြစ်များ

KEJADIAN 13:16

An nen he, haren tagomangge mene inebe mondok hokhorogo, ilingage kweangma inenggi wenasu mondok elo'lek welagarek andi hak, hinebe inenggi wenasu mondok elo'lek mene hilinghinabigin o.

KEJADIAN 22:17

An nen hobugalep hokhorogoat fanothafik, haren tagongge mene inebe hesagal pogoroba hokhorogo welagarek andi hangge inom, i al i laut yenggelek era'lukwe welagarek andi hangge inom, mondok sik-pikhogo hilinglasuageluk hilinghafik, iren tagomangge mene o inaselei mene welagaikharekwe andoma mabenetfisaluk logouwageluk hilinginafik, igin o.

KEJADIAN 32:12

Haren he, An nen yi mene ti mene fano hilinghafi logolik, haren tagongge menere, inebe mondok hokhorogo, afuni inenggi wenasu mondok elo'lek mene, ial laut yenggelek esanggokwe welagarek andi hak wokhesigin, iluk wene wa'netigin a'nogo hendawimo ebesin o, neisena,” iluk samban isikhe.

2 SAMUEL 7:24

Nit ninunggulenu Israel mene andi, hat honggwarek hagainafuri mondok logouwagaluk, wo'ninafigindik, nineisena Allah harat agagin andi, neisena.

YESAYA 43:6

Hat hombalak andi nen an legeisogo nobagakhi logouwagaluk elalinafigisik, it inebe mondogat An nenuba wolinafi andi nen he, it inebe i elesikwe fikhit werek mene inom, i ambutkwe fikhit werek mene inom andoma fikhalogo wulakfisa wesuageluk An nen yagaisagain o. A'nogo yagaisamo re hit hinagainafuri alage mene re yatkwe-yatkwe andoma nen inambotkwe lakfisa wesugun. Nen hinagainafuri helime yenggerugwi re o unggut-unggut welagaikharekwe omanogo nen sugulogo wesugun.

YESAYA 48:19

Haren tagomangge mene re ial higit sik-pik u hagat, An nen it inobaget hilingitu were'ma, it hobuk alomat lasu lek hago,” iluk ikhe isikhe.

YESAYA 63:16

Hat he nit nineisena lek nogo? Nit nineisenaat welagen o. Abraham inom Yakub inomen he nit he inonggot meneat he, nineisena Tuhan Hat enek he, nit nineisena welagen, o eroma nen engge ninagap telninafendek mene welagen.

YESAYA 64:8

A'nogo meneat he, nit nineisena Tuhan he, Hat hebe aro. Nit mondogat ninebe kweang tangge mene abiweak mene Hat henggi nen afe halogo pugunhogo elalninafigin mene welago o, neisena.

YESAYA 65:1

Tuhan nen ikhi logolik, ”An he nagainafuri nen yaganetunem onggo yagaisagain iluk foukhogo welagiba nen he iren An noba samban ili'lagwi lek. An he it ninom ambi asugun iluk nenangorinafu welagiba nen he, it An hera'nabi weri'lagwi legat. An nen it inoba yagaisikhi logolik: An nebe yi o, An nebe yi o! Igin iluk foukhogo welagiba nen, unggulenu andi re An wolnabi'lago lego.

YESAYA 66:20

O kweang andomaba nen he it sugulogo waga logolik hinagaila'lak hit hinunggulenu mene An nagaiyekhogo iluk wo'nesuogeluk woginarek wesugun. Iren afuni andoma woginarek he o Yerusalem An nandom mondok horek meneba andoma, afuni Israel mene nen inetokhogo gandum obalik fanonggeba talogo An Tuhan naiba wo'nesi weri'lagwi a'nogo hakhogo, iren kuda inom, keledai inom, unta inom, kereta pedati ba wurik mene inom, oba liakfembik waluk wesugun o.

YEREMIA 33:22

An nen he namingmingengge Daud ambisangma mene inom, imam inunggulenu Lewi mene inom he inebe iren tagomangge mene ekhe inom sebet fisugunem he, it inebe hilingik logoggun mene re ial i laut esanggokwe welagarek andi hak inom, nen hesagalenggen pogoroba liakhugunem werek andi hak hilingi'mo inenggi wenasu mondok elo'lek logogin.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

HOSEA 1:9

Takhikhemo re, Tuhan nen yaganeti logolik, ”Hit An nagainafuri legat. Nen, An hit hineisena legat andi nen he, hit An nagainafuri lek iluk u hak he, enu Lo-Ami salin o,” iluk yaganete.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

YOHANES 1:12

A'nogo herakfisasukwa meneat he, it afuni ekhe nen at ebe wanhukwasik he, inendawinggen at oba himbiret fesukwama, Allah nen at againafuri ebe mene asuageluk miginafikhe.

ROMA 8:19

Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

IBRANI 11:12

A'nogo takhasikhe andi nen, agun Abraham ebe yaman agaikhesik wa'lasu hak welagaikhe meneat he, at ebe misigat mene nen tago mene inebe hesagal pogoroba hokhorogo welagarek andi hak inom, ial i laut yenggelek esanggokwe welagarek andi hak inom, hokhorogo inenggi wenasu mondok elo'lekhogo wialagaukwa andi.