HAGAI 2:7 - Allah Wene Fano Wene Hupla Inane7 Yi afuni ti afuni inunggulenu lombok welagaikharek mene mondogat he An nen abologet hilik lambik he, it inangge yi mene ti mene werek mene andoma mondogat waluk wesumo re, An nawi wuri'mo oma mondogat he it inangge andoma nen peterek logogin. အခန်းကိုကြည့်ပါ။ |
HAGAI 2:7
36 ပူးပေါင်းရင်းမြစ်များ
At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.
O Tuhan ebe menlasimbik kweang yelandi kwelandirisagain sambul andi re Tuhan Aniniba nen inom At Omame mondok hokho mene a'nogoba nen inom inoba feinogoluk afuni andoma re oumokwe helep hokhondek mene a'makwe inom, kweang pogolema andoma inom hina'lasi kwimbik logogun. O andi asi wesigin sambul andi re kembu perak mene inom, emas mene inom iren hilingiraluk apne wanharek mene andoma re hesanggema linisamo paik inom, kundik inom, nogo i kwikhi logogun.
O Kedar en he kambing inom, domba inom andoma hat hoba waluk wesugun, nen domba ai mene o Nebayot en waluk wesugun mene andoma re haren Tuhan obaget hilingitu mene faget logogin. Warogo wogoti logogun mene andi nen he Tuhan endawimo agaiyegabeti logogin. At Tuhan nen he At Awi wurik a'nogo hokhorogo fogerasuageluk hilingisigin.
E andi An nen kweangma ap wa'la'luk lagaikhare'ma andoma mugusogo pelabumo abolok tunge'luk pugunem andi re yi afuni ti afuni inunggulenu lombok omanogo inoak leigesugun. E o Eden werek mene mondogaren inom e o Libanon oba penek agayo i hokhorogo fulogoum etunem fano mulithikherek mene omanogo nen inom nen inebe mondogat kweang a'ma paga mene nen inom he e andi pigin mene faget inendawimo agaiyeget fagain.
Andi nen ap a'nogo nen an wo'narek lagasik kwe abel utara fikhit Tuhan awi wuri'mo obalik hore'ma elokhe fikhit andoma nobagai laga. Lagama re an nen futfikhi logolik, Tuhan awi wuri'mo omanogo kwelakhugunemen he, Tuhan ebe werek iluk enekhogo re selek ombak-bak a'nogo yararet hikhi laga. Ma re, an nelokhe sogoum fogerati,
A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.
A'nogo yagaisasikhesik he, at Yesus hundik-handik Allah awi wuri'mo wene yagaisugu mondok welagaikhe. A'nogo yagaisugunem it ap Allah eisewerek inogogwi kaindek inom, Allah ane lisu palek inelu mene inom, Yahudi mene kaindek inenu werek mene inomen, ”At Yesus ebe ninggi'nogo wasuok,” iluk abok palhi lagaukwa.
Attagat wene ebe a'nogo oan hilinglagi'lek werek kwelegat, it afuni endakwe mene inendawinggen Allah oba himbiret fugunem, aren he, ”Wene hinoba mene korogo wokhaluk ninom hobuk hinambotkwe hunogo hinobagagin o,” iluk, wene fano wene oan yagaisigi'lek logolik, Abraham tak wene abok mel iluk yagatikhe: ”Yi afuni ti afuni mondogat an nen fanorinabigin andi, ero hararo,” iluk isikhemo, lisu palogo fesukwa.
ကြော်ငြာတွေ