HAGAI 2:4 - Allah Wene Fano Wene Hupla Inane

⁴ Ariginik kwelek oba nen he, yago hit hinebe mondogat yoma re! Hiren inendawimo weak a'luk hilingiti logou fuk. An nen hundik lebethinafi logogin enggere, yabu hilingiti lagep mene andi hilingitu mondogat logoino.

HAGAI 2:4 ပူးပေါင်းရင်းမြစ်များ

2 SAMUEL 5:10

Nen at Daud eisena Tuhan Allah Omame Mondok Hokho mene a'nogo nen elok lebethikhi lagaikhe andiba re, omame ekhe inomat hokho arik laga lagaikhe.

1 TAWARIKH 22:13

Allah Awene melalek yi'nogo hilingi'no ti'nogo hilingi'no iluk Tuhan nen it afuni Israel mene faget Musa wogetikhe mene andi mondogat hologo hilingiti logogin halok he, haren hilingiti logogin mene andoma ambisangma fano nek aga logogin. Hat hebe re hendawinggen hambuksek logolik hambok serogo hilingiti logoino. Ekhe mene ekhe mene andoma helokhoma agu halok he, hailorogo hilingiti logou fuk.

1 TAWARIKH 28:20

Andi nen at Daud en amlogo Salomo ba ekhe inom yagati logolik he, ”Hat he hendawinggen hambuk haluk hailo lekhogo hilingi'no. Amu meneba ekhe hailo asu fuk, yabu andi re erorano at. Tuhan Allah an nen fogerati lagi mene andi nen hat lebethiikhi logogin. Nen, Aren he hat herakhobagaluk lagain mondok lek, we hat hera'lu werek kwelek enek yabu andi mondogat eil homokhogo wusigin.

EZRA 10:18

It inagagwi inunggulenu endakwe mene woginarek welagaukwa mene a'nogo inenu palek he yi: It ap imam mene inunggulenu lomboget higik ineisok erokwe lombok he: Yosua mene ineisok erokwe lombok agaila'lak inom, Yozadok againafuri: Maaseya, Eliezer, Yarib, Gedelya inom andoma.

EZRA 5:2

A'nogo yagaisugu were'ma re, it ap nabi pire aremnogo nen ugu mene a'nogo holhukwasik he, hun Sealtiel amlogo Zerubabel inom, Yozadak amlogo Yesua inom he, o Tuhan Awi Yerusalem nekhengge fakfesukwasik wutunem it ap nabi pire andem nen leberisikhi lagaukwa.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

HAGAI 1:13

A'nogo hilingitukwama at Hagai nen afuni omanogo inoba re, ”Tuhan nen fethinarek logolik wokhinarek nikhi logogin o,” iluk ikhe, iluk yagaisasikhe.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

ZAKHARIA 8:9

Tuhan nen At againafuri inoba ikhi logolik, ”Hinendawinggen wurikhogo logoni o! Yogondak he, o An Nawi ambotkwe wusugun mene ubule fogoin oba it nabi nen wene ugunem holhi lagagip mene a'nogo re yogondak ogo holhi lagebat andi.

MARKUS 16:20

A'nogo waluk lagasikhemo re, at Yesus agoromi omanogo o yi awi ti awi mondogat wene yagaisilik lagaukwa. Wene yagaisilik lagunem he, afuni nen he, ”It wene yaganisilik wagaikha andi eberogoat,” iluk futfouwageluk, ninoe Enupogot inom hundik logolik iren elalin mene hilingiti logouwageluk Aren wene andi omamet fesikhe.]

KISAH PARA RASUL 7:9

Ninombalak omanogo inagot Yusuf oba wene palhi lagaukwasik he, ebe o Mesir waluk lagaukwasik inamingmingengge logouwageluk, ap ekhe oba onggo wanhukwa. Mene re, afuni ekhe nen at ebe hundik-handik weagetfouwogeluk ugunem he, Allah emberek hundik were'ma yi wene ti wene oba wagunem telhu mondok welagaikhe.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

YOSUA 1:6

An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

HAKIM–HAKIM 2:18

A'nogo hilingitunem, it inaselei mene nen wiik-weak hogo hilinginafunem iren he, ”Weak hilingninabi'lagwi yoma nabire,” iluk ugu were'ma, Tuhan nen endawirinapluk inane esanggo holfuluk he, inebe telinabuageluk inoe ekhe ayonggo fuluk inoba lakfisaluk leberisikhi lagaikhe. A'nogo leberisugunem, inogogwi andi inebe ineluk logolik oba re, it Israel mene inaselei mene nen inoasinogoluk telinafu welagaikhe.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.