HAGAI 1:2 - Allah Wene Fano Wene Hupla Inane

² Tuhan Omame Mondok Hokho mene a'nogo nen Hagai ba yagati logolik, ”Afuni inunggulenu ari nen ikhi logolik, o Tuhan awi a'nogo nekhengge wusugun oba re oan higit asi wagi'lego iluk ili'lagwi andi,” iluk yagatikhe.

HAGAI 1:2 ပူးပေါင်းရင်းမြစ်များ

2 RAJA-RAJA 12:7

Andiba re at Yoas nen imam Yoyada inom nen imam amu mene ekhe inom wolinafikhesik yagaisikhi logolik he, ”Hiren o Tuhan awi a'nogo nenahalok fanorogo pugunet hikhi lagap lek? O yogondak yi huli nen uang hit hinoba andogosi weri'lagwi mene andoma re ekhe fisogo logogun mondok lek. Mondogat o Tuhan awi fanogo pugun esugun mene faget fei wesugun,” iluk yagaisasikhe.

EZRA 4:23

At Artahsasta nen surat lakfesikhe mene a'nogo it Rehum inom, Simsai inom, it inagaila'lak omanogo inom, inoba pilingisogo yagaisasikhemo re, it ap a'nogo o Yerusalem lagaukwasik he, it afuni Yahudi mene nen o kota nekhengge wuti lagaukwa mene a'nogo inane nen ninghogo wusugun lek iluk kwe palhukwa.

NEHEMIA 4:10

A'nogo meneat he, afuni o Yehuda mene nen aleik wati logolik wuni kelem wuni mel isukwa: Leget meisalek mene mondok hokhorogo meneat he, ebe salmasu mene ninomame mondok lek aga o. O kota yi leget he, nit wusugun elo'lego, leget yi'nogo re, niren wanugun elo'lego,” iluk wuni watukwa.

AMSAL 22:13

Ap korek mene re ailoba abolo'lek logogin mene agaiyek logolik aren yi'nogo ikherek, ”Enda'ma re mene singa werek, enggere ebekhalemen an nebe senggelnabinogo,” iluk ikherek.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

PENGKHOTBAH 11:4

Hiren o obabut palhu mondok logogun halok he, sumburu inom, yi mene ti mene inom, awi ekhe yasugun elo'lek. Hobuk ebe tatik, palhik, ugun mondok elo'legaro.

PENGKHOTBAH 3:3

nen, at ebe o ti sambul wasuak, nen, ti sambul ebe oba ou mene fano asuak, anggigik, nen, o ti sambul o meisalhik, ti sambul wutik uwak iluk, Aren anggikherek oba nek hilinglagarek.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

HAGAI 1:1

Hun Darius afuni Persia mene faget raja menlagaikhesik ferinarek werek kwelek tahun pirenek meneba re, tugi falfalik mene tanggal satu ba werek kwelek, Tuhan ane nabi Hagai bene nen yagaisasikhe. Wene hilingisuageluk Tuhan nen isikhe mene andi re hun Sealtiel amlogo Zerubabel afuni Yehuda mene inobaget gubernur welagaikhe mene andi inom, hun Yozadak amlogo Yosua ebe Imam Agung welagaikhe mene andi inomen hilingisuageluk yagaisasikhe.

HAGAI 1:3

A'nogo yagatikhesik nekhengge at Hagai bene nen Tuhan nen it againafuri omanogo inoba yagaisikhi logolik,

BILANGAN 13:31

A'nogo yagaisasikhe meneat he, it ap at Kaleb inom ineil penesi lagaukwasik wagaukwa mene omanogo nen he, mel isukwa: ”Nit ninomame lek mene re, it afuni andoma welagaikharek mene inomame mondok hokhore'ma isogongge a'nogo re, niren inoasi logoin mondok elo'lego,” iluk isukwa.