HABAKUK 3:3 - Allah Wene Fano Wene Hupla Inane

³ An neilenggen hiugunemen he neisena Allah Hebe Mondok Tegelek welagen mene a'nogo o Teman fikhiren wagik, nen o Paran tom fikhit andoma nen wagik ugunem hiigi o. Nen Hat hebe agaugwet hafarek mene a'nogo pogoroba mondogat sagare'ma re, kweangma yi awi ti awi mondogaren ogore Hat faget wuniba fogethafu welagaikharegat andi.

HABAKUK 3:3 ပူးပေါင်းရင်းမြစ်များ

KEJADIAN 21:21

A'nogo were'ma, at agaisa nen he, he Mesir mene ekhe igetikhe.

1RAJA-RAJA 11:18

Lagaukwasik it inebe o Midian nen he o Paran lagaukwa. Andoma nen ap fenakwe inom mangotukwasik inom seberogo re raja Mesir mene were'ma kwi lagaukwa. Kwi lagaukwama re at raja Mesir mene andi nen Hadad oba o inom, kweang at ebe werek oba inom, at ebe eluk logolik logogin mene inom wogetikhe.

MAZMUR 113:4

It afuni inunggulenu lombok welagaikharek mene andoma mondogat he At Tuhan omameba nek sebelinarek werek, At andungdang werek mene andi re pogot ambolkwe po'limaba hilingik.

MAZMUR 148:13

It ap inenupogot ekhe inenu lek hangge werek kwelek, At Allah nek he enu werek logolik, pogot inom, kweang inom At enggiba welagarek, andi nen he hit hinebe mondogaren At enu nek, seralhi logoino.

MAZMUR 3:2

Tuhan neisena, afuni an naselei mene re mondok hokhorogo hilingik, nen it an noasuogeluk weri'lagwi mene re inebe hokho pokhorogo werego!

MAZMUR 3:4

Oba nen he Tuhan neisena, we Hat enek he an nalong palnafi lagen mene welagen ma re. Haren an nalonget nobagagik, nendawinggen hambuget nobagagik, ikhi lagen.

MAZMUR 4:4

Hit he hinelurogo logoino o, Tuhan nen At onggwarek faget, ap Aren endawi hundik anggikherek mene ekhe wenagaisogo fakhasikhe. Nen, an nen At oba nane yagatu halok he, At Tuhan nen esanggo holnaferek.

MAZMUR 48:10

Nineisena Allah, Hat Haiba elonggoma omanogo nen, Haren hendawi hundik hilingninafendek mene andi faget ebetu welago.

MAZMUR 68:17

Hat hebe handom punu-punungge andomaba nen, o Sion Punuba At Allah ebe werek oba iluk wenagaisogo fakhasikheba a'nogo heilenggen lourogo yerogo welagen andi re nenahalok? At Tuhan he o andoma mondok-mondok logogin o.

MAZMUR 9:16

Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

MAZMUR 9:20

Tuhan neisena, Hat hebe menla'luk he afuni inunggulenu lombok andoma inawene ayo wurogo palinabin o, it inonggwaregen leget fakhoageluk herak fisagun, neisena.

KELUARAN 20:18

At nineisena Tuhan nen a'nogo yagaisasikhe andi re, tom a'nogoba eilabut pakhogo so'le hokhorogo lagagunem, ineilenggen higik, unggunggu pak igik, pinggong anethigik, ugunem ane inesanggo holhi logolik inailo nen inoak lei'leik inebe yatmaat hekhogo mendek welagaukwa.

YESAYA 31:1

Ap o Mesir mene nen lebetninabuageluk kinosi lagaikharek mene andi re alomat laga logouwak! It he Mesir mene inomame hokho mene inangge kuda hokhorogo werek andiba inom, ap tentara esa logalek meneba inom, kuda iren mene omame hokhore'ma inangge kereta ogo hokhorogo werek andi faget inom inendawinggen himbiret fagasik hilingiri'lagwi. Oba nen he Iren Tuhan Allah Israel mene Mondok amu tegelek welagarek mene a'nogoba tibet figi'legengge logolik lebetninabin iluk kino ili'lagwi lek.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

YESAYA 64:3

Niren a'nogo hilinglasigin iluk ekhe wenggelek le'ma nen Haren elalin inailo mene hilingiti logolik, Hebe pi wagunem helokhoma nen tom unggul mondogat abolok igik ikherek andi.

YEREMIA 49:7

Tuhan Omame Mondok Hokho mene a'nogo nen Edom faget ikhe mene re yi, ”Afuni Edom mene re inendawinggen fi furogo wenggelu mene re elo'legen a? Nen, ap komorinafarek mene nen he it inoba komo wene yagaisili'lagwi lega? Iren inobabut hebelogo hilingiri'lagwi mene omanogo re mondogat lek agama hea?

YEHEZKIEL 43:2

andem en an neilenggen kwelakhasigi re, Allah Israel mene werek iluk enegenggerogo timur fikhiren selek hokho mene ombak-bak yararet hilik wagunem yethigi. Allah ane re i hokho mene eindep ane hak inom nen Allah aselegen kweangma mondogat ombak-bak etunem lia fiarogo selegeraterek a'nogo hak inom hilingitunem higi.

AMOS 1:12

A'nogo hilingitukwa andi nen he, An nen endu o kota Teman lakfei wagik, nen o Bozra leget himbirengge waganek mene omanogo bene lakfei wagik umo, endu nen nagain o,” iluk ikhe, isikhe.

OBAJA 1:9

It ap o Teman oba andoma mene sikhe inenggi puk mene ogore inailo nek asugun, nen it o Edom oba andoma sikhe fisogo inap he mondogat wathigik logoin,” ikhe o iluk yagaisasikhe.

HABAKUK 2:14

Andi re, i laut hokho mene yenggelek agum puaksek welagarek andi hak, o kweangma mondogat he Allah omame werek mene inom At elu mondok welagarek mene inom mondogat saga igin o.

BILANGAN 10:12

A'nogo lagasikhemo re, it afuni Israel mene inebe hilingik higithogo attak mene nen he wurep kobokhogo mene huli laga logolik he, o Sinai leimo omanogo herakfuluk lagaukwa, Nen ohena a'nogo re it afuni omanogo o Paran leimo asi wagaukwa hak he o andoma kamo isikhe.

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

ULANGAN 5:24

iren ikhi logolik, ’Nit endu oba nen At ane ugunem holho mene andi re nineisena Tuhan Allah At mondok aselek ombak-bak werek aple inom, along hokho mene werek aple inom, a'nogo weinamet fikhemo hogo. Allah ane a'nogo ikheba nen he we elalinhogo a'luk afuni ineluk werek.

1 SAMUEL 25:1

A'nogo hilingitukwasik inenggi aninurogo welagi'legat at Samuel a'nogo wa'lagaikhe. At wa'lagaikhemo it afuni Israel mene mondogat fong watunem inom wasugun iluk kabogetukwasik, at ebe onggwarek aiba o Rama omanogo salhukwa. A'nogo wa'lagaikhemo salfuluk he at Daud a'nogo o Param leimo andoma lagaikhe.