HABAKUK 1:3 - Allah Wene Fano Wene Hupla Inane

³ Inobabut mondok weak hilingitunem neilenggen kwelaginarek logouwageluk hera'nobagakhi lagen andi nenahalok? Hat hane sagalogo weak a'nogo hilingitu kwelek meneat he, heilenggen isaluk hafe morogo welagen andi nenahalok? An nera'lukwe elima yoma mondogat weagerinafik, ina'mageba ninghogo hilinginafik, yei liafik, minggit- manggathogo hilinginafik, ikhi logolik, mondok weakhogo hilinginafu werek andi.

HABAKUK 1:3 ပူးပေါင်းရင်းမြစ်များ

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

YESAYA 46:12

Ap winik-wonok ikhi lagep mene yoma sani, hiren anggikhi logolik inomame agaikharek mene re yatma werek iluk anggikhi lagep mene andi re An nane hinesanggo holini o.

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YEREMIA 15:10

Ibi-eberogo nen he an noba lele ari'lago agwi! Nenahalok an nagaisa nen ta'nafe ago? Afuni o kweang yiba werek mene inebe lombogen an ninom wene nek palhu welagik, hat yiginik an tiginik iluk ninom wene watik, ugu mondok welagi andi. An nen ekhe afuni inangge we elama faget wo'ne'ni iluk mel kinotik, nen iren an kino yaganetik, ikhi lagi lek oba nen, afuni inebe mondogaren homan iknobagali'lagwi o.

YEREMIA 20:18

Nenahalok an ta'nafa nogo? An wiik weakhogo hikhi logolik, nendawinggen warikhi logouwageluk ta'nafa nogo a? Nen, an nebe neluk welagi mene yi nenggali-penggalirogo hugu wela'luk loageluk ta'lagagi hea?

YEREMIA 20:8

Hundik-handik an nane igiluk he, ”Inanini mene nek! Mondok enggin tungsek mene nek!” hilinglagunem, ningginik-ningginik he nane omameba hum ngai eti lagi. Tuhan neisena, an he Haren ino iluk ugu mene omanogo yagaisikhi lagiba nen, an hundik-handik puliapnafik, li'norogo hilingnobagagik ugu mondok werego.

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

2 PETRUS 2:8

It andi inobabut hilingisu lek mene weagat hilingitu weregen, at Lot obabut higit mene inanggele'ma logolik, eilenggen isigik, esanggo holhik, ikhi logolik he, hundik-handigat endawimo weak ago mondok welagaikhe.