FILIPI 4:9 - Allah Wene Fano Wene Hupla Inane

⁹ Wene an nen yagahisugunem hinesanggo holhik, an hilingitunem hineilenggen niigik ikhi logolik, wene wanhigipsigen yanggulasigip mene a'nogo higithogoat hilingiti logoino o. A'nogo hilingitunem he, Allah ninendawinggen hambuget ninaferek mene a'nogo nen fethinarek logogino.

FILIPI 4:9 ပူးပေါင်းရင်းမြစ်များ

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

MATIUS 7:21

A'nogo yagaisasikhesik, ekhe mel yagaisasikhe: ”Hit afuni nen, an yaganeti logolik he, Ninoe, ninoe, iluk ikhi lagep andiba hinebe mondogat, an Neisena Allah pogoroba mene awe a'ma fisikhere'ma andoma kugun lego. We, it ekhe, neisena Allah endawimo anggikherek mene higithogo hilingiri'lagwi mene andi nek kwi logoin o.

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

LUKAS 8:21

at Yesus nen he, mel yagaisasikhe: ”An nagaisa nagoromi andi re, afuni Allah ane inesanggo holharesik, higithogo hilingitarek mene andi aro,” iluk yagaisasikhe.

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

YOHANES 15:14

Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.

YOHANES 2:5

A'nogo yagatikhe meneat he, at agaisa nen, it he ita mene eisewerek inamingmingengge omanogo inoba mel yagaisasikhe: ”Aren, yi'nogo hilingi'ni, ikhe halok he, at igin mene andiat hilingi'no,” iluk yagaisasikhe.

KISAH PARA RASUL 9:6

Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,

ROMA 15:33

Allah nen afuni inendawinggen hambuget fikherek mene a'nogo, hit mondogat fethinarek logouwageluk, ikhi logolik, ”Ebe asuak,” u hak, ”Amin,” iluk igi andi.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

1 KORINTUS 4:16

Andi nenat, ”An nobabut wanini o,” iluk nane ninghogo komothinafi lagi o.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

ULANGAN 5:1

At Musa nen afuni Israel mene felelenghogo kaboget fisasikhesik he it yagaisikhi logolik, ”Nerugwi nagaila'lak wene melalek An nen yogondak yagahisagain mene yi hinesanggo fanorogo holinio. Wene andi fi-furogo yanggul fuluk higithogo hilingiti logolik oba tiphogo nek hilingitu nogo.

FILIPI 3:17

Nerugwi nagaila'lak. Hit hinobabut an hilingiti lagi hak, nobabut waganogo, a'nogoat hilingiti logolik, it afuni ekhe nen nit ninobabut waganogo hilingiri'lagwi mene andi, hineilenggen fut fisikhi logoino.

FILIPI 4:7

A'nogo yagati logogun halok, Kristus Yesus hinom hundik welagep andi nen, at Allah nen afuni nen fut fagarek lek mene elalinat hinendawinggen hambuget hinapluk he, menenei ebeti lagep mene andi, arenat sebelogo fethinarek logogino.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.

1 TESALONIKA 2:14

Nerugwi nagaila'lak. It Allah againafuri ekhe Kristus Yesus inom hundik logolik, o Yudea andoma andogori'lagwi mene, inonggwarek inagaila'lak Yahudi mene nenat yi enggin ti enggin hilinginafi lagaukwa hagat, hit hinagaila'lak mene nenat yi enggin ti enggin hilinghinabi'lagwi o.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

2 TESALONIKA 3:4

Fethinarek were'ma, nit ninendawimo nen he: ”Iren he, niren it komorinafi lagagu mene a'nogo, yogondak higithogo hilingitik, hobuk a'nogo hilingitik, ikhi logoguno,” iluk ninoe Enupogot ninom hundik logolik, eberogoat anggikhi lago.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.

YAKOBUS 1:22

Wene Allah ane andi hinesanggo nek holfuluk kamo umo re, hinonggwaregen lalogoin andi nen he, hinesanggo holfuluk higithogo hilingiti logoino o.

2 PETRUS 1:10

Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.

1 YOHANES 3:22

aren wene komotninafikhe wene higithogo hilingitik, at eilhanem endawimo fanorogo nek hilingitik, ikhi lago andi nen, nit yi mene ti mene kino yagatunem, aren wo'nisili'logo.