FILIPI 4:6 - Allah Wene Fano Wene Hupla Inane

⁶ Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

FILIPI 4:6 ပူးပေါင်းရင်းမြစ်များ

1RAJA-RAJA 8:28

Neisena Tuhan, Allah an neisena. An nebe yi Hat hamingmingengge mene. A'nogo meneat he, samban yagaheti lagi yi nane hesanggo holimbik he, yogondak kino yagaheti mene andi nane holino aro, neisena.

2 TAWARIKH 32:20

A'nogo ugu aple nen he raja Hizkia inom, nabi Yesaya hun Amos amlogo a'nogo inomen he Tuhan nen lebetninabuageluk samban isukwa.

MAZMUR 51:15

A'nogo hilingnabumo an nen he, it weak hilingiri'lagwi mene andi inafe hebelasimbik inambotkwe hoba wesuagaluk, wene haren yaganisasigin mene andi fakhogo yagaisagain o.

MAZMUR 55:17

Oba nen he, an he At Allah oba nane hombuk palhu welagirego, nen At Tuhan nenat an nebe telnabigin o.

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 16:3

Wene hilingisugun iluk melalhi lagep mene andoma mondogat waganogo Tuhan enggiba fogoin halok he, hiren ambisangma higithogo nek hilingiti logogun.

KIDUNG AGUNG 2:14

Hat he an narue pel helep elekwe mene hak hilingik welagen, nen tom eil pulekwe hina'lagaikharek andi hak hilingik welagen, Helokhe re mondok fano heil alili pugunsek welagenma re, An nen hat helokhe kumut hiigik, hane hologo welagik, ugu mene namolo welagi o.

YEREMIA 32:16

Sertifikat kweang onggo palhi mene omanogo mondogat Barukh wogetirik, an nen samban ikhi logolik,

YEREMIA 33:3

”An nenu hombuk palhu halok he An nen nane onggo yagaheti logogin o. An nen he wene esin mene fano awene mondogat yagahetik, wene haren fut fou elo'lek mondogat inonggot mene yagahetik, ikhi logogin o

DANIEL 3:16

A'nogo yagaisasikhemo, it Sadrakh inom, Mesakh inom, Abednego inomen mel yagatukwa: ”Nebukadnezar henupogot mene ninoe. Nit ninebe elelerogo wene haren ninoba fegen andi korogo wokhouwogeluk hilingisugun mondok lego.

DANIEL 6:10

A'nogo yagatukwama, at raja Darius nen wene melalek a'nogo, lisu palogo enggi amusu fesikhesik he wulafikhe.

MATIUS 10:19

Hinanema a'nogo wanuageluk wokhinarek lagaikha halok he, hiren onggo yagaisogoin andi sambul at Allah nenat hinendawimo kagaligin. Halok he, onggo ninggi'nogo yagaisogoin iluk hinendawinggen fitubo.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 6:34

Halok hit he, ohealek faget hinendawinggen firogo menenei uan horok ebetubo. Yogondak weak ari'logo mene werek kwelegat he, ohealek weak asigin mene ebesugun lego,” iluk yagaisasikhe.

MATIUS 6:8

Hit he, it inobabut wanhubo. Hineisena Allah pogoroba mene andi oan kino yagati'lek werek kwelek he, hit hinamolo mene andi, at Allah fageat elu welagarego.

LUKAS 10:41

at Yesus nen he, mel isikhe: ”Marta. Hat he, yi mene ti mene faget hendawinggen firogo set kwil-kwalhogo hilingiti lagen higi.

LUKAS 12:22

A'nogo yagaisasikhesik, at agoromi ane wanhi lagaukwa mene omanogo yagaisikhi logolik he, mel yagaisasikhe: ”An nen a'nogo yagahisigi andi nen, hit hinendawimo nen he: Nineluk logouwogeluk he, ninamburu ki mene nogoin. Ninasu ki mene laberogoin, iluk hinendawinggen firogo menenei uan horok ebeti logoinogo iluk yagahisigi.

LUKAS 12:29

Hinendawimo nen he, ninamburu inom, ninagai inom, ki mene nogoin, iluk, andi meneat esinet fuluk hinendawinggen firogo logogubo.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

1 KORINTUS 7:21

Hat ekhe, afuni inamingmingengge were'ma Allah nen hayonggo fesikhe halok he, ”An yi'nogo welagi mene,” iluk, andi faget menenei ebetun. Hobuk he, hale'ma hobagauwageluk halok he, ”Nabit,” ugun. ”Andi fano,” iluk hale'maat a'no.

1 KORINTUS 7:32

Hit he, hemi faget, ap faget, hinendawimo menenei ebeti'lek logobagaigen iluk yagahisigi o. A'nogo igi andi re, ap inagagwi lek mene nen he, ninoe Enupogot endawimo fano asuageluk, at faget esinet fuluk inendawimo ebetarego.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

KOLOSE 3:15

At Allah nen Kristus ebe misigat mene hinom lambulogo hundik logobagaigeluk hinayonggo fesikhe andi nen, yi mene ti mene faget hilingisuogeluk hinendawimo nen he: ”Kristus nen ninom lambulogo ninobagasikhemo welago,” iluk, wene andiat esinet fikhi logolik he, higithogo hilingiti logoino o. A'nogo hilingiti logolik, Allah ebe hai wati logoino o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

KOLOSE 4:2

Samban he, Allah hai wati logolik, hinaberali agi'lek hundik-handigat ikhi logolik, hinebe hebelogo logoino o.

1 TIMOTIUS 2:1

An nen wene ekhe esin mene yi Allah againafuri komorinabinogeluk yagahesik. Nit afuni ninom fano liokhogo logolik he, Allah fogeratik, afuni faget higithogo hilingitik, ikhi logouwogen he, afuni mondogat faget inom, kaindek inenupogot faget inom, it ekhe inenuwerek logolik fetninarek welagaikharek mene andi inebe mondogat faget inom, samban ikhi logolik he, Allah ayonggo figik, kino yagatik, hai watik, ikhi logouwageluk komorinafi logoino o.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

1 PETRUS 5:7

At Allah re hit hinebe fethinarek mondok werek andi nen, hiren yi mene ti mene faget hinendawimo menenei uan horok ebeti lagep mene andi herakfisaluk, at oba nek wogeti logoino.

1 SAMUEL 1:15

A'nogo yagatikhe meneat he, at Hana nen mel yagatikhe, ”Neisena. An anggur amusu ninggi'legat. Nen, lugulugwi paluogeluk nenggarek mene ekhe ninggi'legaro. We, an nendawimo mondok weak logolik, nendawinggen warikhi lagi mene andi mondogat pilingisogo nineisena Tuhan yagati lagi o, neisena.

1 SAMUEL 30:6

At Daud agoromi omanogo re ninagagwi, ninagainafuri nalagaikhama iluk he inendawinggen heiselhi lagaukwa. Andiba re iren at Daud huk helep wasugun iluk hilingiti lagaukwa. A'nogo hilingitunem Daud oba enggin-fenggin mondok hokhorogo hikhi lagaikheba nen he, at endawinggen eisena Tuhan Allah nen omamet fikhi lagaikhe.

1 SAMUEL 7:12

A'nogo hilingitukwasik, at Samuel en helep ekhe o Mizpa honggolek Sen honggolek tulem andoma menegeisogo fesikhe. A'nogo menegeisogo fesikhesik he, mel isikhe: ”Nineisena Tuhan nen yaba elok lebetnisikhe,” isikhesik he, helep a'nogo enu, Lebetnisikhe helep u hak, Eben-Haezer salhikhe.