FILIPI 4:5 - Allah Wene Fano Wene Hupla Inane

⁵ Ninoe Enupogot a'nogo weak-weagat wesigin andi nen, afuni mondogaren hit hinebe fut hinobagauwageluk, hinobabut liokhogo hilingiti logoino o.

FILIPI 4:5 ပူးပေါင်းရင်းမြစ်များ

MATIUS 6:25

An nen a'nogo yagahisigi andi nen, hit hinendawimo nen he, Nineluk logouwogeluk he, sumburu inom, i inom, nangge nogoin. Nen, ninebe su ki mene laberogoin, iluk hinendawinggen firogo menenei uan horok ebeti logoinogo iluk yagahisigi. Nenggarek mene andi esin nogo? Hineluk welagep andi esin anggigi. Su labetarek mene andi esin nogo? Hinebe andi esin anggigi.

MATIUS 6:34

Halok hit he, ohealek faget hinendawinggen firogo menenei uan horok ebetubo. Yogondak weak ari'logo mene werek kwelegat he, ohealek weak asigin mene ebesugun lego,” iluk yagaisasikhe.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

1 KORINTUS 16:22

At ekhe nen, ninoe Enupogot endawi hundik lek halok he, Allah nen at andi ebe homan fouwago. Mene re, ninoe Enupogot weak-weak eme o, u hak, Maranatha, iluk igi andi.

1 KORINTUS 6:7

Hit-hit hinerugwi hinagaila'lak hinom meneat he, hinom wene-wene mondok welagep andi nen lebeleget fakhikhi lagebo. Hit he, weak hilinghinafu kwelek hinafe morogo logoumo weaga? Weagethinafu kwelek herakfisaluk logoumo re, fano o.

1 KORINTUS 8:13

Halok he, nenggarek mene andiba nen an nagailak ebe weagetfeinogo iluk at faget he, an wam tugwi kembu anggo warek mene kurik ninggi'lek mondok herakfikhi logogin o.

1 KORINTUS 9:25

Inebe lombok walhogoin iluk he fik foukhogo hilingfuluk funget hagarek a'nogo hilingitarek andi re, we onggo elama lek asigin mene faget helogoin iluk hilingitarek meneat he, nirenek he onggo mahkota weak asigin lek mene hela logoin iluk tegelhi lago o.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

2 TESALONIKA 2:2

Ninoe Enupogot wesigin andi sambul arat hilinglagama iluk, it afuni ekhe nen he: ”Allah Areagun en yi'nogo yaganete meneat,” iluk yagahisigik, it ekhe nen: ”Wene ebe yi'nogo meneat,” iluk yagahisigik, it ekhe nen, wene niren lisu palho mene faget: ”Ebe yi'nogo meneat,” iluk yagahisigik ili'lagwi andiba, hinendawinggen weak-weak nonghong imbik leil watep hanogoluk yagahisigi andi.

TITUS 3:2

It Allah againafuri andi nen he, afuni ekhe inabok weak palhi'legat, inane puk weak wenagisigi'legat, it ekhe nen inobabut enegat futfisoageluk afuni mondogat faget inobabut enago liokhogoat hilingiti logouwageluk komorinafi logoinoaro.

IBRANI 10:25

Ninoe enggi welagi'legat wesigin iluk ninelu andi nen he, nit andogotunem it ekhe kamo agarek andi hak, nit kamo igi'lek he, oba ebet-ebet nit-nit ninendawinggen ago warogo komo-komo ikhi logouwogo.

IBRANI 10:37

Allah aneba lisu yi'nogo palek werek: ”At wesigin andi re, eil misik logombigen wesigin. Ekhe inom logombigen wesigin lego. We, weak-weagat wesigin o.

1 PETRUS 1:11

A'nogo yagaisikhi lagaukwa andi, at Kristus Areagun inendawimo logolik yagaisikhi logolik he, mel yagaisasikhe: ”Kristus enggin hilik-hilik wa'lasigin. Wa'lasimbigen, hobuk eluk agunem fogerati logogun,” iluk yagaisasikhemo iren ikhi logoligat he, ”Ninggi'nogo hilinglasigin. Mera nen hilinglasigin,” iluk heinok furogo wanhi lagaukwa.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.

WAHYU 22:7

A'nogo yaganetunem at Yesus nen he, mel yaganete: ”Yethan! An weak-weak wesigin o. A'nogo wagunem sa nen yi wene ti wene lisu palek mene yi esanggo hologo higithogo hilingiti logogin halok, Allah nen fanot fugunem endawimo agaiyek asigin o,” iluk yaganete.