FILIPI 4:18 - Allah Wene Fano Wene Hupla Inane

¹⁸ Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

FILIPI 4:18 ပူးပေါင်းရင်းမြစ်များ

KELUARAN 29:18

Domba senggelek mene abirengge andi waganogo mezbah amboloba liak fuluk An nobaget endu nologo wo'nesumo, nolugun mene amben andiba An nendawimo healigin.

BILANGAN 15:3

Hiren Tuhan obaget warogo nolhu mene inom, inane menfugu mene faget onggo inom athe inendawimo nen anggaluk warogo nolhu mene inom, linggene we mene faget iluk hilingiti logolik warogo nolhu mene faget inom nolhi logolik he: sapi ai mene inom, domba ai mene inom, domba halok ogo kambing halok ogo warogo nolhi logoino. Nen warogo nolugun mene andoma amben nen he Tuhan endawimo agaiyek hikhi logogin.

KISAH PARA RASUL 10:4

Yagatikhemo, at Kornelius eilenggen at oba lurogo fikhi logolik, ailo agaikhesik he, ”I, noe. Nenahalok,” iluk isikhemo, aren he, ”Hat samban igik, afuni inenggi lek inelagaik mene leberisigik, ikhi lagen andi re, Allah elu agasik hoba eberek werego.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

2 KORINTUS 11:8

An nen hit lebethisikhi lagi andi faget, nenggi onggo hak he, it Allah againafuri o ekhema nen wo'netunem wanhi lagi o. A'nogo wanhi lagi andiba it afuni ekhe nen he, ”At Paulus nen it afuni o Korintus mene leberisageluk he, onggo it ekhe mene enggi abisak wili'logo,” iluk yaganesugun aro.

2 KORINTUS 9:12

Hit afuni hinendawi nen leberisogoin andiba re, Allah againafuri inenggi lek mene nek fikhi logogun fuk. We, nineisena Allah nen wo'nisikhemo iluk afuni hokhorogo Allah hai hokhorogo wati logogun aro.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

FILIPI 4:12

An he, inelagaik welagaikharek andi neluat, inenggi werek welagaikharek andi neluat. Sumburu neleba inom, nele legoba inom, yi mene ti mene hokhorogo were'ma inom, le'ma inom fano nek anggigirek.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.