FILIPI 3:20 - Allah Wene Fano Wene Hupla Inane

²⁰ A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

FILIPI 3:20 ပူးပေါင်းရင်းမြစ်များ

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

AMSAL 15:24

Ap hebelek mene re ebekwe liabek inelugerinaferek meneba lagagarek, oba nen he ebekwe wa'lagaikharek meneba pelabek pagarek lek.

MATIUS 19:21

at Yesus nen he, ”Hat hebe fano mondok asigeluk halok, yoma nen lambik he, hagarek yi mene ti mene andoma mondogat it ekhe inoba awasi lano. Awarik he, onggo wokhesugun mene andi, it afuni ekhe inagarek lek inelagaik mene andi sumburogo wogisano. A'nogo wogisegen halok he, hat pogoroba mene hokhorogoat eisewerek asigin o. Halok a'nogo arat sumburogo wogisambik he, an nombo'ne nikhi logoinogen, we'no,” iluk yagatikhe.

LUKAS 12:21

Andi hak he, it afuni Allah eilhanem inenggi werek isili'lago legoba nen, kweangma meneba nek inenggi werek hilingfakhili'lagwi a'nogo re, andi emberek higiraro,” iluk yagaisasikhe.

KISAH PARA RASUL 1:11

Menlasi pi wagaukwasik he, mel yagaisasukwa: ”Hit afuni o Galilea tonggwe mene yi sani. Hineilenggen pogoroba ligabek welagep andi nenahalok. At Yesus hit yoma hinobagaluk he, Allah nen pogoroba liakfugunem, hineilenggen werek kwelegat, lagaikhe andi hak, hobuk a'nogoat pi wesigin o,” iluk yagaisa pi wagaukwa.

1 KORINTUS 1:7

Hinendawinggen a'nogo wurikhogo logolik, ninoe Enupogot Yesus Kristus weinamhogo wesigin iluk, nenangorogo logolik he, Allah nen wo'nisikherek mene andi, ekhe wanhi'lek welagep fuk. We, mondogat wanhigipsik welagebo.

1 KORINTUS 15:48

It afuni ekhe inebe kweangma mene agaikha mene halok inebe re, at Allah nen attak Adam ebe kweang abu'nengge mene elalhikhe mene andi hanggeat werego. Meneat he, it ekhe inebe pogoroba mene agaikha mene halok inebe re, at hobuk pogoroba nen wagaikhe mene andi hanggeat werego.

2 KORINTUS 4:18

Nit he, yi mene ti mene nineilenggen hogorek mene andi lek asigin meneat he, nineilenggen hogorek lek mene andi etok mondok logogin andi nen he, nineilenggen hogorek mene andi faget ninot somarogo hilingiti'lek, we, nineilenggen hogorek lek mene andi faget ninot somarogo hilingiti lagoo.

2 KORINTUS 5:8

Andi nenat ninendawimo se welago. Ninagap yi nonggologo herakfisaluk, ninoe Enupogot were'ma kwimbik ninom logoilo ninamolo e, anggikhi lago.

GALATIA 4:26

Mene re, he onggwarek agwe ebe mene hangge, o Yerusalem pogoroba mene andi, nit ninagaisa aro.

EFESUS 2:19

A'nogo wagaikhe andiba, hit hinebe endakwe it ekhe mene, ap pok mene hangge welagagip andi yogondak a'nogo lek agaikhemo, hinebe Allah againafuri agagipsik, it hinom, at Allah awiba andoma hinawi weregat agagipsik welagebo.

EFESUS 2:6

Nineluget ninafikhemo re, nit Kristus Yesus ninom hundik were'ma, hobuk at ninom pogoroba kain logolik it ekhe ninawe a'ma ferinarek logouwageluk ninom menninobagasikhe andi.

FILIPI 1:10

Hit a'nogo futfuluk hilingiti logogun halok, hinendawimo nen he: ”Yi fano hilingisu mene,” igik: ”Andi weak hilingisu lek mene,” igik, futfikhi logogun andi. A'nogo hilingisugun halok, Kristus wesigin andi sambul wene hinoba lekhogoat, fano tegelek were'ma wesigin andi.

FILIPI 1:27

Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

TITUS 2:13

Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.