FILIPI 3:18 - Allah Wene Fano Wene Hupla Inane

¹⁸ An attak he, nenggi hobuk alep yagahisasigi hagat, yogondak nane hebekhogo yagahisagat. Afuni inebe hokhorogoaren: ”Kristus nit faget eba menfuluk watukwa a'nogo, ninabit,” iluk inom weim palek hak logolik inobabut weak hilingiri'lagwi mene andi inobaget le aga logolik yagahisikhi lagi.

FILIPI 3:18 ပူးပေါင်းရင်းမြစ်များ

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

YESAYA 8:11

Tuhan ane omamerogo an noba ikhi logolik he, afuni inunggulenu andi mene nen inobabut hilingiri'lagwi andi hak, an nen ogo it inobabut waganogo hilingiti hanogoluk nendawimo eberek logouwageluk,

YEREMIA 13:17

Haren hesanggo holu habit welagen halok he, An he hinago logolik nane legengge le aga logogin o. Haren fogetfakhikhi lagen mene andi faget an nendawinggen laga pu hilingiti logolik he le yakhafi logogin. Tuhan againafuri omanogo hele warogo woginarek lagunem he an neil amusu tephigik pelafi logogin.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

IMAMAT 13:8

A'nogo yagaisa wagunem, imam en ineil kumut hugunemen he eberogo ou a'nogo ebemarek halok he, ap yi ou enggin hokho mene hilingik iluk, ap ebe a'nogoba at ebe emerek logouwak ikhi logogun.

LUKAS 19:41

A'nogo yagaisasikhesik horokhogo asi pisukwasik, at Yesus eilenggen o kota Yerusalem a'nogo yethasikhesik he, obaget le agaikhe.

KISAH PARA RASUL 20:19

It afuni Yahudi mene nen nebe noasuogeluk nabok palhi logolik weak hilingnafu kwelek, nonggwaregen nendawinggen sebelogo fogerakhigi'legat, le hokhorogo aga logolik he, Tuhan Allah awe a'ma logolik at faget hilingiti lagi hineluaro.

1 KORINTUS 1:18

It afuni nongasugun mene nen he, mel agarek: ”Yesus watukwa wene andi re, afuni kembu mene nen agarek hangge ili'lagwi o,” iluk agarek andi. A'nogo meneat he, at Allah nen he: ”Afuni inendawimo kagalek mene nen wene kagalogo agarek andi, An nen nonghonget inobagagin o. Nen, afuni inambugunweak mene nen nambelalweak hilingitarek mene andi, An nen legetfisagain o,” iluk isikhemo lisu palogo fesukwama werek andi nen he, nit telninabi'logo mene nen he, ”Wene andi re, Allah omame andi aro,” iluk ogorek.

1 KORINTUS 6:9

Afuni weak hilingiri'lagwi mene Allah awe a'ma fisikhere'ma andi eisewerek asugun lego, iluk he, hinonggot nogo? Hinonggwaregen lalagubo. Pailak fakfisagarek mene inom, tugwi kembu oba himbirik logolik fogeratarek mene inom, ap inagagwi mene pailak fakfisagarek mene inom, aben hemi fakfisagarek hak it ap-ap fakfisagarek mene inom,

2 KORINTUS 11:13

It andi re, Kristus nen inayonggo fuluk lakfisa wagaikhe mene fuk. We, aren lakfisa wagarek mene hak hilingisogo we'luk afuni lalinabi'lagwi mene aro.

2 KORINTUS 11:29

At ekhe omame legaga halok he, an nomame lek asu hak, nendawinggen weak agaregat. Nen, at ekhe weak mene nen endawimo kagalhunem weak hilingite halok he, an nendawimo heiselheregat.

2 KORINTUS 2:4

Wene lisu palogo attak lakfei wagagi andi re, nendawimo weagat, nendawinggen engginatma, le hokho aga logolik lakfei wagagi o. Hinendawinggen weak asuageluk lakfei wagagi fuk. Lego. We, an hit nendawi mondok welagi andi hinelu asuageluk hinoba lakfei wagagi andi.

GALATIA 1:7

Ebe re, wene fano wene hunogoat ekhe welagarek le'ma aro. Meneat he, it afuni ekhe nen fano wene Kristus nen hilingitikhe wene andi mene hunogoat hilingisogo lalhinabuogeluk yagahisili'lagwi andi nenat igi o.

GALATIA 2:14

A'nogo wulifukwama re, an nendawimo nen, ”Wene eberogoat, fano wene yi meneat he, it inobabut he, fano wene yagaisikhi logolik hilingisu mene hilingiri'lagwi lek higi,” iluk, afuni mondogat ineilhanem Petrus wene mel iluk yagatigi: ”Hat hebe Yahudi meneat he, afuni Yahudi mene hilingitarek hak hilingiti'lek, afuni endakwe mene nen hilingitarek hak hilingiti logoligat, it endakwe mene yagaisikhi logolik he, Hit hinobabut afuni Yahudi mene hilingitarek hak, inobabut waganogo hilingiti logoino, iluk ninghogo yagaisikhi lagen andi nenahalok,” iluk, fakhogo wenagetigi.

GALATIA 2:21

Allah obabut fano nen fanotninaferek wene andi an nen sagalogo herakfisigirek lek. Wene Allah nen komotninafikhe wene a'nogoba, wene ninoba mene korogo wokhaluk ninom ninambotkwe hunogo ninobagailepma re, Kristus wa'lagaikhe andi we tulemat alemarogo wa'la'lebo.

GALATIA 5:21

inendawimo nen, it ekhe inagarek mene, ”Namolo e,” anggigik, i hangge naluk lugulugwi palhik, pesta seni isago naluk weak hilingitik, agarek andi inom, ekhe a'nogo hilingitarek mene mondogat inom, faget igi andi. It afuni ekhe a'nogo hilingiri'lagwi mene halok, Allah awe a'ma fisikhere'ma andoma eisewerek asugun mondok lego, iluk, wene andi faget attak yagahisasigi hak, hobuk komorogo yagahisigiat andi.

GALATIA 6:12

It afuni ekhe nen he, ”Hinagap hinenggalimo mene palini o,” iluk, ninghogo yagahisili'lagwi mene andi, it afuni ekhe nen ineilenggen isaluk, ”Fano hilingiri'lagwi,” iluk anggoageluk hilingiri'lagwi andi. Yesus ebe eba menfuluk watukwa wene a'nogo yagaisugunem he, afuni Yahudi mene nen weagerinabinogo iluk, wene hunogo mene ninghogo yagahisili'lagwi andi.

GALATIA 6:14

Mene re, an yi mene ti mene faget fogerakhagain mondok nabiro. We, ninoe Enupogot Yesus Kristus eba menfuluk watukwa mene a'nogo faget enek fogerakhamo elok. At ebe watukwa andi nen, afuni kweangma inobabut inetogat logolik hilingitarek mene andi arat mabenetfisasikhe anggigi. Halok he, afuni wa'la'luk, yi mene ti mene hilingisugun oba inonggot agarek hak, afuni inobabut inetogat logolik hilingitarek mene a'nogo inonggoret fisasigi andi.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,

FILIPI 1:4

Hit attak wene wanhigip andi huli nen, yogondak huli an nen fano wene afuni ekhe yagaisilik nikhi logouwageluk lebetniugu mondok welagep andi nen, hundik-handigat nendawimo nagaiyekhogo hit mondogat faget samban ikhi logolik, Allah ayonggo figik, hai watik, ikhi lagi o.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

2 TESALONIKA 3:11

Wene a'nogo yagahisasugu meneat he, it ekhe nen he: ”Afuni it mene ekhe inonggwarek ineabu meneat heligi'lek logolik, it ekhe inawene meneat talombogenggerogo ilik nikho,” iluk yaganisagama ninesanggo holhosigen yagahisogo andi.

2 PETRUS 2:10

It andi esin hangge re, Allah inendawimo sebelfuluk, yi mene ti mene inendawinggen en nunggunem weak hilingirik nikho andi, Allah nen wene inoba fagaino. Inailo lek inobabut weak hilingiti logolik, pogoroba mene fogerinafu welagaikharek mene andoma, it inailo legat inabok weak palhi logogun andi.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.