FILIPI 3:12 - Allah Wene Fano Wene Hupla Inane

¹² Menere, an yogondak ya, nendawinggen mondok wurik agik, ebe fano mene andi arat heligik, igi fuk. Oano. Fano mene andi an heloageluk, Yesus Kristus nen nebe wo'nafikhe andi nen, ebe hela lageluk nomamerogo hilingiti lagi.

FILIPI 3:12 ပူးပေါင်းရင်းမြစ်များ

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

MAZMUR 119:5

An nendawinggen hambukhogo logolik, Hat hawene melalek a'nogoba nek higithogo hilingirik laga logogin logouwak.

MAZMUR 138:8

Haren an wene watnetigin mene a'nogo higithogo tibet fikhi logogin, it Hat hagainafuri mene inobaget hilingiri'lagwi mene andoma palfou fuk.

MAZMUR 42:1

Ap Korah werekwe mene nen wuni felalogo watukwa mene.

MAZMUR 84:2

Neisena Allah, Homame Mondok Hokho mene! Hat hebe welagen oba andoma re nendawinggen yamukhogo werek oba welagen o.

MAZMUR 94:15

Andiba re wene melalek a'nogo o wene katokhogo palharek oba omanogo nen ekhe inom omamet fugunem, it afuni inobabut higithogo hilingitarek mene nen he ane legeisogo fikhi logogun.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

YESAYA 51:1

Tuhan nen yi'nogo ikhe, ”Hit An nen telninaplep iluk anggikhi lagep mene inom lebetninabuageluk kino yaganeti lagep mene inom he, An nane ikhi lagi mene yi holini o. Hiren helep tom koma meneba nen serelhigik wokhinafa nogo, nen helep he koma meneba habulogo wokhinafa nogo, andoma ebe'ni o.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

1 KORINTUS 13:10

Mene re, hobuk fano mondok mene hilinglagunemen, yogondak fenakwe nek werek mene andi lek asigin o.

1 KORINTUS 13:12

Yogondak ya re, inafumak mum werek kwelek ineilenggen yethagarek hak, afumak enek mene yethikhi lago. Meneat he, hobuk ebe mene furogo yethogoin o. Yogondak he, wene ando fena nek ninelu welago. Meneat he, hobuk at Allah nen an nebe furogo elu andi hak, an nen at Ebe furogo nelu asigin o.

1 KORINTUS 9:24

Sa awewerek-sa awewerek louwogeluk he, inebe logoin mene andi, inebe mondogat lagaikharek meneat he, misik agun tak lagunem onggo fano mene wogotarek iluk hinonggot nogo? Andi hagat, onggo fano mene wokhisoageluk he, fungusek hinomamerogo laga logoino o.

2 KORINTUS 13:9

Nit lebelek werek kwelek he, hit hinomame werek logogun halok he, fano iluk, ninendawimo ninagaiyek anggikhi lago. Andi fagerat he, hit hinendawinggen katokhogo wurik asuageluk, Allah ayonggo fikhi lago.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

FILIPI 1:1

Hit Allah againafuri Kristus Yesus hinom hundik logolik, o Filipi welagep mene hinebe mondogat inom, fethinarek welagaikharek mene inom, lebethisagarek mene inom, nerugwi nagaila'lak. An Paulus Timotius nemberegen Kristus amingmingengge logolik wene lisu palogo hinoba lak fei wago andi.

FILIPI 3:16

Meneat he, yogondak ninobabut wene andi higithogo hilingirik waga lago ya hagat, a'nogoat mondok hilingirik laga logouwogo.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

1 TIMOTIUS 6:19

A'nogo hilingiti logogun halok he, yi mene ti mene hobuk mene faget andogorogo fagarek hak, fano hilingiti logolik, hobuk mondok logogin mene fagerat fakhikhi logombik he, ninebe eberogoat ninelugetninabumo logogun andi meneat heloageluk komorinafi logoino o.

IBRANI 12:14

Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.