FILIPI 2:28 - Allah Wene Fano Wene Hupla Inane

²⁸ At ebe hobuk hinoba wagunem hineilenggen haluk he, hit hinendawimo hinagaiyek anggigik, an nendawimo weak welagi mene fano agik, uogen iluk he, weak-weagat hinoba lakfei wagi andio.

FILIPI 2:28 ပူးပေါင်းရင်းမြစ်များ

KEJADIAN 48:11

Hai a'nogo warinafikhesik Yakub en he, Yusuf mel yagatikhe: ”Endamat he, an hobuk hat nemberek ekhe ambi asugun mondok lek iluk anggasigi meneat he, yogondak Allah endawimo anggikheba ninom ambi agosik hagainafuri hinomat neilenggen hisigi o,” iluk yagatikhe.

YOHANES 16:22

Hit a'nogoat, yogondak hinendawimo weak welagep meneat he, hobuk an ninom ambi asugun andi sambul, hinendawimo hinagaiyek asugun o. Hit hinendawimo hinagaiyek andi, it afuni ekhe nen legetfisogoin mondok lego.

KISAH PARA RASUL 20:38

Samban oan igi'lek logolik, at Paulus nen he, ”Hiren an hobuk nelokhonggen hineilenggen neogoin mondok lego,” iluk yagaisasikhe mene a'nogo faget inendawimo ebetukwasik, inendawimo mondok weak agaukwasik he, ebe hai warogo waluk e so a'nogo were'ma lagaukwa.

2 KORINTUS 2:3

Hirenat an nendawinggenma fanotnabugun andi. Hit an nendawinggen fanotnabumo an nendawimo nagaiyek anggigi halok he, hit mondogat hinendawimo hinagaiyek asugunat anggikhi lagi. Andi nen he, an hit hinoba wagunem hiren an nendawimo weaget nabinogo iluk, hinoba wesu nabiren, wene arat lisu palogo hinoba lakfei wagagi andi o.

FILIPI 2:29

At ebe wagunem he, ninoe Enupogot hinom hundik logolik he, hinendawimo hinagaiyek anggikhi logolik at ebe wanino o. Hiren ninggi'nogo lebetnea heat andi nen, hinobali'mo aren lebetneageluk he: ”Nebe wa'lagi halok fano aro,” iluk, Kristus faget hilingiti logolik wa'la'lep mene andi. It afuni ekhe inobabut at hilingiterek hak hilingiri'lagwi mene halok hinane agaukhogo yagaisikhi logoino o.

2 TIMOTIUS 1:4

Hat le agagin a'nogo nen, nemberek ambi a'luk, hendawimo fano agunem, nendawimo nagaiyek fanorogo anggageluk, ”Nemberek ambi a'lo e,” iluk, hoba eberek welagi o.