FILIPI 2:26 - Allah Wene Fano Wene Hupla Inane

²⁶ At endawimo nen anggikhi logolik: ”An nebe ou wanhi a'nogo, nabok it nagaila'lak mondogat inesanggo holhasik, iren ninggi'nogo anggili'lagwi,” iluk, menenei uan horok ebeti logolik: ”It mondogat inoba lagain o,” iluk anggili'logo.

FILIPI 2:26 ပူးပေါင်းရင်းမြစ်များ

2 SAMUEL 13:39

Oba nen he at Daud a'nogo endawi ou a'nogo lek agaikhesik he aren amlogo Absalom a'nogo oba ebethugu mondok welagaikhe.

2 SAMUEL 24:17

At Daud en he malaikat afuni inoasigiluk wagaikhe mene a'nogo eilenggen hasikhesik Tuhan oba yagati logolik he, ”Weak andi re an nenat kwanirogo hilingitimo re anat weak hilingiti o. Oba nen he afuni inunggulenu yi inap, inonggwaregen yi'nogo ti'nogo mel hilingisu mondok elo'lek mene yi nen he ninggi'nogo mene weak hilingitama? An inom, an neisok erokwe mene inom enek unggum ninoba fein o!” iluk yagatikhe.

AYUB 9:27

An nambenggutmo mumungisogo nagaiyegen endo aga logolik, ou-pou hikhi lagi mene omanogo nonggoret fagain iluk walhikhi lagiba nen he, nendawimo ou hikhi lagi mene a'nogo nekhengge an mu'narek weri'lago. At Allah nen, ”At weak hilingite, iluk an weagerogo nobagaikhe mene andi re an nelure'ma re a'nogo hilingnobagali'lago andi.

MAZMUR 69:20

Afuni inendawimo seramet nobagaluk inane na'malolo wo'niikhi logolik, nenggali warogo hilingnabi'lagwi andi Hat he helu welagen o. An naselei mene inebe mondogat heilenggen isikhi lagen.

AMSAL 12:25

Inendawinggen fitu werek halok inagaiyek mene a'nogo longgoikherek, oba nen he inane liokhogo agarek oba re inendawimo legeisogo fisagarek.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

MATIUS 11:28

Hit hinoba enggin-fenggin hikhi logolik set kwil-kwalhogo hilingiti lagep mene andi, an nen hinoba korogo hinobagagin enggere noba we'ni o.

MATIUS 26:37

A'nogo yagaisasikhesik he, Petrus inom, Zebedeus againafuri inebe pire aremnogo inom, woginarek lagaikhesik he, endawimo weak agaikhesik endawinggen heiselhikhemo re, mel yagaisasikhe:

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

ROMA 1:11

Hit hinendawinggen wurik asuageluk, Allah Areagun en wogisikherek mene andi, hit ekhe wokhisoageluk hinobagai we'le e, anggikhi lagi.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

2 KORINTUS 9:14

A'nogo fogerati logolik, iren he, ”Allah obabut fano a'nogo nen, iren afuni hokhorogo leberisikhi logouwageluk inobabut andi mene wogisikhemo hilingiri'lagwi,” iluk hinebe inendawi logolik Allah ayonggo hokhorogo fikhi logogun andi.

GALATIA 6:2

Hit-hit hinoba enggin werek halok, hinebe lombok ekhe nen ekhe lebet-lebet hilingiti logoino o. A'nogo hilingiti logogun andiba nen, wene Kristus nen komorogo yaganisasikhe wene a'nogoat higithogo hilingiti logogun andi.

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

FILIPI 1:3

An he, hundik-handigat hit hinoba mondok eberek logolik, neisena Allah at hai wati lagi.

FILIPI 1:8

Yesus Kristus nen hit hinebe mondogat endawi welagarek hak, an nen hit nendawiat logolik he: ”Ninom logoilo e,” iluk, nendawimo eberogoat anggikhi lagi mene andi, at Allah eluo.

FILIPI 2:25

At ninagailak Epafroditus an Allah faget nalegaren hilingisu elo'lek were'ma, lebetneoageluk noba lakfei wagagipmo re, weim yafi logolik ninghogo yafarek hak, nemberek Allah faget ninghogo hilingiti lagosik he, hobuk ambotkwe hinoba lakfei wesigin anggikhi lagi aro.

FILIPI 2:27

Ebere, ou wanhi logolik wa'la'lep meneat he, an nendawimo weak werek kwelek wa'la'lepma re, hobuk nendawimo mondok weagat asinogo iluk, Allah nen at endawiat, nen, an nebe endawiat, logolik, ebe fano higitemo werek andio.

FILIPI 4:1

Andi nenat, nerugwi nagaila'lak. Hinebe nendawi e. Ninoe Enupogot hinom hundik logolik ninghogoat logoino o. Hit hinobabut hilingiti lagep oba an nendawimo nagaiyek anggigik, fogerakhigik ikhi logolik, hinoba we'luk nebe ninom logoilo e, iluk, anggikhi lagi.

1 PETRUS 1:6

Andi nenat, yogondak ya, Allah nen hinobabut paligeluk ugunem, hinoba yi enggin ti enggin hikhi logolik, elama faget hinendawimo weak ari'logo meneat he, hinendawimo hinagaiyek hikhi logoino o.