FILIPI 2:25 - Allah Wene Fano Wene Hupla Inane

²⁵ At ninagailak Epafroditus an Allah faget nalegaren hilingisu elo'lek were'ma, lebetneoageluk noba lakfei wagagipmo re, weim yafi logolik ninghogo yafarek hak, nemberek Allah faget ninghogo hilingiti lagosik he, hobuk ambotkwe hinoba lakfei wesigin anggikhi lagi aro.

FILIPI 2:25 ပူးပေါင်းရင်းမြစ်များ

AMSAL 25:13

Yabu mo aik aniniba hilingiti logolik, i min mene nunggunem inoba lombuk ikherek andi hak, it ekhe inogogwi nen inayonggo fuluk lakfisugunem inawe a'ma lombokhogo logolik higithogo hilingitarek andiba re inogogwi inendawimo fano agarek.

YOHANES 13:16

Wene ekhe yi yagahisak: Ap kain ekhe inawe a'ma hak werek kwelek, at amingmingengge mene lego hak welagarek lego. Andi hak, ap yonggo lakfisikherek mene inawe a'ma hak werek kwelegat he, at yonggo lagarek mene andi lego hak welagarek mondok lego, iluk eberogo yagahisigi.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

ROMA 16:3

Nen, ekhe re, he Priskila agun Akwila emberek ninom Kristus Yesus faget hilingiti lagosik wagaikha a'naga Paulus nen hai wathinafe iluk yagaisano o.

ROMA 16:9

At Urbanus andi ninomat Kristus faget hilingiti lagagu mene andi inom, Stakhis nendawi mene andi inom, ”Aren hai wathinafe,” iluk yagaisano aro.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

2 KORINTUS 2:13

Meneat he, nagailak Titus a'nogo nemberek ambi agi'legen he, nendawinggen firik welagagisik afuni andoma mene hai warinapluk o Makedonia wagagi.

FILIPI 2:26

At endawimo nen anggikhi logolik: ”An nebe ou wanhi a'nogo, nabok it nagaila'lak mondogat inesanggo holhasik, iren ninggi'nogo anggili'lagwi,” iluk, menenei uan horok ebeti logolik: ”It mondogat inoba lagain o,” iluk anggili'logo.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

FILIPI 4:3

Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.

KOLOSE 1:7

Fano wene andi, at Epafras ninagailak ninendawi mene nen yagahisugunem yanggulhigip andi. At ebere, Allah amingmingengge nit ninom higirat logolik, Kristus nen ayonggo fuluk, lakfei wagaikhemo, niren yagahisa hak ninobali'mo obabut humbunhogo logolik yagahisili'logo andi.

KOLOSE 4:11

At Yustus, enu ekhe Yesus a'nogo nen, hai wathinafe aro. Inagap inenggalimo mene palek mene re, inebe henagan enek Allah awe a'ma logogun wene a'nogo ninomen yagaisikhi logolik lebetniugunem nendawimo fano ari'logo.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

FILEMON 1:24

Nen, an nagaila'lak Kristus faget hilingiti lago mene, Markus inom, Aristarkhus inom, Demas inom, Lukas inom, inebe mondogaren hai wathafa aro.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.