FILIPI 2:20 - Allah Wene Fano Wene Hupla Inane

²⁰ It afuni ekhe yoma inobabut hunogoat hangge werek kwelek, at Timotius alegat obabut an nobabut hangge logolik, hit hinebe endawirogo hinoba eberogo nen eberek welagarek.

FILIPI 2:20 ပူးပေါင်းရင်းမြစ်များ

MAZMUR 55:13

It naselei mene nen an weaget nobagakhi logoilepma nen he, an he elok logou hak, Nen, it an ninom weim palek mene nen an mabenet nobagakhi logoilepma nen he, an he it a'nogo ugu nen iluk elok hina'laga logoile.

AMSAL 31:29

A'nogo hilingiti logolik, at agun nen he mel yagaterek: ”Hemi ekhe inobabut fano mene inebe hokhorogo weregat meneat he, endebat sebelek hangge, we harenek he, mondok fano esin hangge o,” iluk agaugeraterek.

YOHANES 10:13

At andi onggo wogosuageluk domba kwalogo welagarek andi nen he, domba omanogo endawi legengge herakfisaluk heise lagarek andi o.

YOHANES 12:6

A'nogo wene palhikhe andi re, afuni inangge lek mene andi endawi nen isikhe fuk. We, at agaila'lak inom mondogat inarupiah mene fisogo logolik, at onggwarek faget hinagaisogo helikhi lagaikhe andi nen isikhe.

ROMA 15:5

Hit hinendawinggen, hinane, misigat logolik, ninoe Enupogot Yesus Kristus eisena Allah andiat fogerati logobagaigen he, at Allah nen afuni inobabut inafe morogo logouwageluk hilinginafik, inendawimo fanorinafik, ikherek mene andi nenat, hit mondogat hinendawinggen misigat, at Kristus Yesus obabut hangge hilinghinabuago.

1 KORINTUS 16:10

At Timotius a'nogo, an nen ninoe Enupogot faget hilingiti lagi hak hilingiri'logo mene hit hinoba wesigin andi, ebe waga halok he, hit hinom ailo lekhogo logouwagen he, ebe fanorogo wanino o.

FILIPI 2:2

an nendawimo hokhorogo nagaiyek anggikhi logoigen, hinendawinggen misigat logoino. A'nogo logolik hit-hit nendawi-hendawirogo misigat mene hilingitik, hinobabut hinendawinggen misigat welagik, ikhi logoino o.

FILIPI 2:22

Mene re, at Timotius obabut enek at hilingiterek a'nogo hinelu. Inamlogomi nen ineisugwi leberisagarek hak, at ebere, Allah awe a'ma logolik an lebetneoageluk fano wene a'nogo nemberegen yagaisilik nikhi lagosik.

KOLOSE 4:11

At Yustus, enu ekhe Yesus a'nogo nen, hai wathinafe aro. Inagap inenggalimo mene palek mene re, inebe henagan enek Allah awe a'ma logogun wene a'nogo ninomen yagaisikhi logolik lebetniugunem nendawimo fano ari'logo.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

2 TIMOTIUS 1:5

Logolik, hendawinggen Allahba eberogoat himbirik welagen iluk nendawimo eberegat welagi. Attak hombalo Lois inom, hagaisa Eunike inom, inendawinggen Allah oba himbirik welagaukwa hak, hat hendawinggen a'nogoat welagen iluk futhobagakhi lagi aro.

2 TIMOTIUS 3:10

It andi inobabut a'nogo enegat asigin meneat he, hat he, an nen wene yagaisigirek mene inom, nobabut hilingitirek mene inom, ”Yi'nogo hilingisigin,” iluk nendawimo anggigirek mene inom, nendawinggen Allah oba himbirik welagirek mene inom, wene nendawimo uanhogo ebetirek mene inom, afuni mondogat nendawirogo welagirek mene inom, nafe morogo welagirek mene inom, fagearen futnobagakhi lagen aro.

1 SAMUEL 18:1

At Saul inom Daud inom, emberek wenenggak a'nogo ikhi lagaukwasigen he, at Daud ebe Saul were'ma mondok-mondok logouwagaluk fakfesikhe. A'nogo fakfesikhesik, Daud hobuk yagati logolik, ”Hambotkwe heisena oba laga logou fuk,” iluk komoratikhe. At Saul amlogo Yonatan nen, Saul inom Daud inom emberek wenenggak isukwa mene andi esanggo holhikhesik he, endawinggen Daud oba liok isikhesik, onggwarek ebe endawinggen hundik welagarek hanggeat, endawiratikhe.

1 SAMUEL 18:3

A'nogo anggasikhesik nogo nen he, Daud mel yagatikhe: ”Nagailak nemberek hundik mondok logouwogo,” iluk hombuk palhikhe.