FILIPI 2:18 - Allah Wene Fano Wene Hupla Inane

¹⁸ A'nogoat, hit hinendawimo hinagaiyek anggugunem, an nendawimo nagaiyek anggagain aro.

FILIPI 2:18 ပူးပေါင်းရင်းမြစ်များ

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

FILIPI 2:17

Mene re, afuni nen wam domba Allah faget fisaluk, warogo endu nolesuogeluk, amboloba enggen amusu pelafarek hak, hit hinendawinggen Allah oba himbiret fuluk wogetunem, amboloba afuni nen an nebe warogo namep pelafa halok, an nendawimo nagaiyek anggugunem hit mondogat hinendawimo hinagaiyek anggogoin aro.

FILIPI 2:19

Hit eroma hilingiti lagep mene faget, hinabok an nelu asimbik nendawimo fano asuageluk, nendawinggen ninoe Enupogot Yesus oba himbirik were'ma, aren lebetniikherek andiba, at Timotius a'nogo weak-weak hinoba lakfei wesigeluk anggikhi lagi.

FILIPI 3:1

Nerugwi nagaila'lak. Wene andi yagahisagen he, ninoe Enupogot hinom hundik logolik, hinendawimo hinagaiyek anggikhi logoino, igi andi. It ekhe nen weaget hinafi'lek hinebe fano logobagaigeluk, wene attak lisu palogo lakfei wagagi meneat, nambe senap agi'lek hobuk nane ekhe inomat yagahisagain aro.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.