FILIPI 2:16 - Allah Wene Fano Wene Hupla Inane

¹⁶ A'nogo hilingiti logolik, yi mene ti mene sumburogo wogisouwogeluk inugisagarek hak, wene afuni inebe inelugerinaferek wene andi yagaisilik nikhi logoino o. A'nogo yagaisikhi logogun halok, at Kristus wesigin andi sambul, an nen: ”Mep awi wil-walhogo nomamerogoat hilingiti lagi mene andi we elalinat alemarogo hilingiti'lek. We, Kristus faget higit hilingisogo fisigimo,” iluk nalong asigin andi.

FILIPI 2:16 ပူးပေါင်းရင်းမြစ်များ

MAZMUR 40:9

Allah neisena, an he Hat hamolo anggikhi lagen mene andoma hilingitu mene faget he nagaiyek anggikhi lagi o, Hat hawene melalek a'nogo an nendawimo fakhigirik welagi o,” iluk ikhi lagi.

MAZMUR 71:17

Neisena Allah, an nebe sougeba nen engge Harenat yanggulnafi lagen, yogondak huli nen enggere Haren yi mene ti mene hokhorogo walhogo fesiginmo mondok nik polanhogo hilingik mene andi faget hundik-handik tindelhu welagirego.

YESAYA 49:4

Oba nen he, An nen ikhi logolik, ”An nen hilingiti lagi mene andoma re alomarogo hangge o, we elalinat an nomame legaphogo fikhi lagi!” igi. Meneat he Tuhan nen an nangge mene logouwageluk nebikhit agik, nen an nobabut hilingiti lagi mene higithogo Allah nen hilingnobagagik ikhere'ma higi, iluk futfigi.

MATIUS 10:27

Nen, an nen hit o mum oba yagahisigi mene, hiren o selek oba ikhi logoino. Nen, hinesanggoma nane samik-samok yagahisigi mene andi, hiren o weinam oba lagaluk he hinane fakhogo yagaisikhi logoino o.

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

YOHANES 6:63

Allah Areagun nenat afuni inelugerinaferego. Afuni kweangma mene inomameba ekhe hilingisu elo'lego. Menere, wene an nen yagahisikhi lagi andi, Allah Areagun nenat ikherek mene andi nen he, inelugerinaferek wene yagahisikhi lagi andi o.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

KISAH PARA RASUL 13:26

Halok he, hit afuni Abraham en tagongge mene inom, endakwe mene Allah ane hologo hilingiti lagep mene yoma inom, nerugwi nagaila'lak. Wene telninabigin wene andi Allah nen nirat ninoba lakfei wagama yi.

1 KORINTUS 1:8

Hobuk wurep oba ninoe Enupogot Yesus Kristus wesigin andi sambul, hit weak were'ma hisa wesinogo iluk, at Kristus nenat hinendawinggen wurigethinafi logogin o.

1 KORINTUS 9:26

Andi nenat, an laga lagi andi re, ka lagain he, hesanggeat laga lagi fuk. Nelokhe tukum laga lagi o. Andi hagat he, afuni inenggi yinggilogo at ekhe nen ekhe watik, ekhe nen ekhe watik, ikhi logolik alemarogo ekhema inoatarek lek andi hak, an we hesanggeat hilingiti lagi fuk.

GALATIA 2:2

A'nogo lagagu andi re, Allah nen, ”Hat o Yerusalem at logogin aro,” iluk nendawimo yaganetikhe andi nen lagagisik he, fano wene andi it afuni endakwe mene yagaisilik nigirek andi, ”Wene ebe yi'nogo,” iluk senggerogo yagaisigirik he, an attagaren, yogondak ya nen, ninghogo hilingiti lagi mene andi, we tulemat hilinglasinogo iluk he, it inogogwi mene inebe inale'ma fisaluk yagaisasigi.

GALATIA 4:11

An hit faget ninghogo set kwil kwalhogo hilingirik nikhi lagi a'nogo we tulemat asigin he a, iluk, nendawinggen enggin nabi'logo nen igi.

FILIPI 1:10

Hit a'nogo futfuluk hilingiti logogun halok, hinendawimo nen he: ”Yi fano hilingisu mene,” igik: ”Andi weak hilingisu lek mene,” igik, futfikhi logogun andi. A'nogo hilingisugun halok, Kristus wesigin andi sambul wene hinoba lekhogoat, fano tegelek were'ma wesigin andi.

FILIPI 1:6

At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

1 TESALONIKA 2:19

Niren he, ”Fano asigin,” iluk ninendawimo ninagaiyek hikhi lago andi re, sani faget nogo? Ninoe Enupogot Yesus ebe wesimbik he: ”Fano hilingitep” iluk, at eilhanem enegat ninobagaumo ninalong asigin andi, ero kiba nen nogo? Ero hunogo mene faget fuk. Hit hinebe fagerat ninalong asigino.

1 TESALONIKA 3:5

Andi nenat he, at Iblis ninendawimo kagalherek mene a'nogo nen hinendawimo kagali wesumo, niren hit faget set kwalogo hilingiti lagagu a'nogo tulemat alomat lasigin andi nabire, iluk nendawinggen firogo logolik, nendawimo sebeligin elo'lek agama re: ”Inendawinggen Kristus oba himbirigat werega? Lega,” iluk at Timotius nen hinobabut palimbik he yaganesi wesuageluk, hinoba lakfei wagi andi.

IBRANI 4:12

At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.

1 PETRUS 1:23

Allah nen hobuk takhinafikhe andi, afuni wa'lagaikharek mene nen taginafarek andi hak takhinafikhe fuk. We, Allah eluk mondok logolik ane lek agi'lek logogin meneba takhinafikhe o.

1 YOHANES 1:1

Wene lisu palogo hinoba lakfei wago andi ebe re, ebe wene ninelugetninaferek mene o attak eroba nen welaikhe a'nogo mene. Wene andi ebere nit arat ninesanggo holhik, nineilenggen tomok higik, yerogo welagik, ninenggi fakhigik, isugu mene a'nogo aro.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.