FILIPI 2:1 - Allah Wene Fano Wene Hupla Inane

¹ Nit Kristus ninom hundik logolik, aren ninendawinggen ago watninafik, ninebe endawirogo ninendawinggen sebelhik, Areagun ninom hundik logolik, lebetnisigik, ugu kwelek nit-nit agamhogo nendawi-hendawirogo hilingitorek andi nen,

FILIPI 2:1 ပူးပေါင်းရင်းမြစ်များ

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

YESAYA 16:11

O Moab inom Kir-Heres inom hilingik mene andem faget neilenggen haluk he nendawimo warikhi logolik, ou hikhi lagi.

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

YOHANES 14:18

An ogo re, hit hinebe yenggerugwi suarek mene hak herakhinobagaluk lagain lego. We, hobuk nambotkwe hisa wesigin aro.

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YOHANES 17:13

An nebe hat hoba wesigin meneat he, yogondak kweangma ya logolik, an nendawimo nagaiyek higirek andi hak, it inendawimo inagaiyek mondok anggoageluk, wene mondogat andi yagaheti o.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

ROMA 8:26

A'nogo nenangorogo logolik he, nit ninebe lebelek were'ma re, Allah Areagun en lebetnisili'logo. Nit samban oba Allah yagasuogeluk ninane ninggi'nogo u heat ninonggorat were'ma, Allah Areagun en afuni inaneba u elo'lek meneat he endawi aneba Allah yagari'logo.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

1 KORINTUS 15:31

Nerugwi nagaila'lak. Hinendawinggen en ninoe Enupogot Kristus Yesus oba himbiret fuluk ninom hundik welago andi nen, an hit faget nalong agi iluk anggikhi logolik mel yagahisak. An he, hundik-handik nebe noasuogeluk ugu kwelek nafe morogo welagi o.

1 KORINTUS 3:16

Nit ninebe Allah awi wurigat, iluk he, hinonggot nogo? Allah Areagun ninendawimo awi wurogo welagarek, iluk he, hinonggorat nogo?

2 KORINTUS 2:14

A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.

GALATIA 4:6

A'nogo hele fikhalogo ninobagasikhemo, ninebe Allah againafuri welago andi nen he, at amlogo Areagun ninendawinggenma ninobagai wagaikhemo logolik, at Allah faget he, niren, ”Neisena, neisena e,” ikhi logouwageluk ikherek andi.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

EFESUS 4:4

Allah nen hinayonggo fikhi logolik he, ”An nen fanothinabigino,” iluk, abok misigat mene yagahisasikhe hak, at ebe misigat mene hinom hunetik, Areagun misigat mene wanhik, isigip andi.

FILIPI 1:8

Yesus Kristus nen hit hinebe mondogat endawi welagarek hak, an nen hit nendawiat logolik he: ”Ninom logoilo e,” iluk, nendawimo eberogoat anggikhi lagi mene andi, at Allah eluo.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

KOLOSE 2:2

Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

1 YOHANES 3:24

Nit Allah nen wene komotninafikhe wene andi hologo higithogo hilingiti lago halok he, at Areagun wo'nisasikhemo ninendawimo werek, andiba, nit at ninom hundik, nen, at nit ninom hundik welago, iluk futfikhi lago.

1 YOHANES 4:12

Nen, Allah ebe andi re, afuni ekhe nen ineilenggen mondok higi'lek. Meneat he, nit-nit nendawi-hendawirogo logogun halok he, Allah ninom hundik mondok logoguno. A'nogo were'ma, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk higithogo hilingninabi'logo andi.

1 YOHANES 4:16

Niren, ”Allah nen endawitninaferek andi futfogosik eberogoat,” iluk anggikhi lago. At obabut he, endawitninafu mondok welagarek andi nen, sa nen obabut he, afuni endawirinafu mondogat welagarek halok he, Allah nen at emberek hundik mondok, nen, aren Allah emberek hundik mondok, welagaikharego.