FILIPI 1:7 - Allah Wene Fano Wene Hupla Inane

⁷ Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILIPI 1:7 ပူးပေါင်းရင်းမြစ်များ

KISAH PARA RASUL 20:23

A'nogo nonggot meneat he, an o kota ekhe nen ekhe lagik igirek andoma mondogat at Allah Areagun en he, henggi hele watik, yi enggin ti enggin hoba figik, ugun o, iluk yaganeterek andi nek nelu o.

KISAH PARA RASUL 21:33

Herakfesukwama ap tentara inoe kain a'nogo ebe Paulus oba horokhogo lagaikhesik, ebe fakfuluk he, agoromi nen posie omanggen pireba enggi hele wasuageluk yagaisasikhe. Yagaisasikhesik he, ”Ap yi sa nogo. Ninggi'nogo hilingitemo,” iluk heinok wanhikhe.

1 KORINTUS 13:7

Inendawirogo logolik, yi wene ti wene inoba agunem he, inafe morogo welagik, inendawinggen Allah oba himbirik welagik, fano asigin iluk inendawimo agaiyek agik, inendawinggen hambukhogo welagik, agarek andi.

1 KORINTUS 9:23

An it afuni mondogat inobabut a'nogo waganogo hilingiti lagi andi re, it ninom fano mene eisewerek asuageluk fano wene andi fagerat hilingiti lagi o.

2 KORINTUS 3:2

Nit wo'ninabuageluk he, hit hinebeat lisu palek hangge nit ninendawimo were'ma re, afuni mondogaren enu salhik, futninobagagik, ugun werego.

2 KORINTUS 7:3

An nen attak yagahisikhi logolik he, ”Hit he, hinebe ninendawinggen oba himbirik welagebo. Halok he, ninom wa'lasumo wa'lasugun aro. Nen, ninom nineluk logoumo, nineluk logogun aro,” iluk a'nogo isigi andi nen he, yogondak wene yagahisigi andi re wene hinoba feigeluk igi lego.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

EFESUS 6:20

Wene andi yagaisikhi logouwageluk at Kristus nen nayonggo fuluk laknobagai wagaikhemo an wagirik yagaisikhi lagi andi faget nenggi hele warogo nobagagama welagi. A'nogo logolik, an nailo lek hogo fano wene andi yagaisikhi logou higithogoat yagaisikhi logoigen, samban ikhi logoino aro.

FILIPI 1:12

Nerugwi nagaila'lak. Wene yi hinelurogo yagahisak. An yi'nogo hilingnafa yiba re, fano wene lek agi'lek hokhorogoat wialarik lili'logo.

FILIPI 1:13

An Paulus, Kristus fagerat nenggi hele watama welagi yiba re, it ap at Kaisar Enupogot aiba ninggi'nogo iluk kweba kagalek welagaikharek mene mondogat inom, it afuni ekhe yoma mene mondogat inomen he, enegat fut nobagali'lagwi.

FILIPI 1:14

An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.

FILIPI 2:22

Mene re, at Timotius obabut enek at hilingiterek a'nogo hinelu. Inamlogomi nen ineisugwi leberisagarek hak, at ebere, Allah awe a'ma logolik an lebetneoageluk fano wene a'nogo nemberegen yagaisilik nikhi lagosik.

FILIPI 4:14

Higit logou hak meneat he, an nenggi lek were'ma, hiren lebetnafi lagep andi fano mondogo.

FILIPI 4:15

Hit Allah againafuri o Filipi mene nerugwi nagaila'lak. Attak, an fano wene yagaisilik nikhi logoigeluk, o Makedonia nen wagunem he, Allah againafuri o fenakwe nen lebetniikhi lagaukwa lek meneat he, hit enek ninom hundik logolik, lebetniugunem helikhi lagagi andi hineluaro.

FILIPI 4:3

Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.

KOLOSE 4:18

Nen ekhe yi re, an Paulus nonggwarek nenggi nen lisu palogo hai wathinafi o. Hiren he: ”Paulus enggi hele warek werek,” iluk noba eberek mondok logoino o. Allah obabut fano a'nogo nen fethinarek logouwago.

KOLOSE 4:3

Samban ikhi logolik, nit faget he, mel ikhi logoino: ”Allah nineisena. Wene Kristus nen hilingitikhe wene, attak hendawimo hinago welagaikhe mene a'nogo, it Paulus lagen yagaisilik nikhi logouwageluk, kwe hurisan o,” iluk, samban nit faget ikhi logoino o. Wene andi fagerat nenggi hele warogo nobagagama welagi.

1 TESALONIKA 5:5

Afuni o linggene selek oba welagaikharek hak, hit mondogat selek andi eisewerek meneat welagebo. Nit he, o hubanggo mum oba welagaikharek hak, andi mene eisewerek welago fuk. Lego.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.

FILEMON 1:13

An fano wene yagaisilik nigirek andi faget nenggi hele warogo nobagagama werek kwelek, haren lebe'niikhi logou hak, hobali'mo aren lebe'niikhi logouwageluk ebe fakfagain meneat he,

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

1 PETRUS 4:13

At Allah nen Kristus ebe weinamhogo lakfei wagunem, fogerasugun andi sambul, wagunem hinendawimo hinagaiyek hokhorogo anggouwogeluk hinendawimo nen he, ”At Kristus oba yi enggin ti enggin hilik-hilik wa'lagaikhe hak, nit at ninom hundik logolik a'nogoat hikhi lago,” iluk hinendawimo hinagaiyek hikhi logoino.

1 PETRUS 5:1

Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.

2 PETRUS 1:13

At ninoe Enupogot Yesus Kristus nen yaganetikhe hagat, an nebe nagap mene elama faget welagi yi re, herakfisaluk weak-weak lagain higit welagi, iluk an nelu welagi andi nen he, yogondak nebe neluk welagi yaba re, wene andi faget hinendawimo eberogo yagahisugu mondok logigin anggikhi lagi o.

1 YOHANES 3:14

Allah nen ninebe wa'lagaikhare'ma nen wo'ninafikhesik, ineluk welagaikhare'ma ninobagaikhemo welago iluk, nit-nit ninerugwi ninagaila'lak ninom nendawi-hendawirogo welago andi nen futfikhi lago o. Halok he, sa nen afuni ekhe endawirogo welagi'lek, abit welagarek mene andi ebe wa'lagaikhare'ma andomaat werego.