FILIPI 1:6 - Allah Wene Fano Wene Hupla Inane

⁶ At Allah nen hit fano hilinghinabigiluk omanggum enggi fakhinobagasikhesik he, fano hilinghinafi logombigen, huli at Yesus Kristus wesigin andi sambul o eil hondologo wutarek hak, fano hilinghinabi wesigin andi eberogoat iluk, nendawinggen hambukhogo welagi.

FILIPI 1:6 ပူးပေါင်းရင်းမြစ်များ

MAZMUR 138:8

Haren an wene watnetigin mene a'nogo higithogo tibet fikhi logogin, it Hat hagainafuri mene inobaget hilingiri'lagwi mene andoma palfou fuk.

YOHANES 6:29

at Yesus nen he, mel yagaisasikhe: ”Allah endawimo anggikherek mene hiren hilingisugun andi ebe re yi. Hinendawinggen an Allah nen laknobagai wagaikhemo wagagi mene yi noba himbiret fogoin andi aro,” iluk yagaisasikhemo.

KISAH PARA RASUL 11:18

At Petrus nen a'nogo yagaisasikhemo, iren wenageti lagaukwa a'nogo re, hobuk kamo isukwasik mel isukwa: ”Halok he, Allah obabut fano nen, nit hilingninaferek hagat, it afuni endakwe mene inobabut hebelagunem ineluk mondok logouwageluk elok hilinginabiginat higi,” iluk Allah fogeratukwa.

KISAH PARA RASUL 16:14

Hemi wene yagaisasugu mene andi, he ekhe aiba o Tiatira mene. Su kain elokhonggen e enggen warek hangge mene it ekhe inoba onggo hokhoat wanhi lagaikhe mene, enu Lidia andi nen Allah ane wanhikhesik Yahudi mene hangge were'ma, wene Paulus nen ugunem fano wanuageluk, Tuhan endawimo kagalhikhemo, wanhikhe.

1 KORINTUS 1:8

Hobuk wurep oba ninoe Enupogot Yesus Kristus wesigin andi sambul, hit weak were'ma hisa wesinogo iluk, at Kristus nenat hinendawinggen wurigethinafi logogin o.

2 KORINTUS 1:15

A'nogo futfogoin iluk anggigi andi nen, hit hinendawimo hinenggi pireba hinagaiyek asubagaigen iluk, an attagen o Makedonia yoma waga logolik hit hinoba fa'larik wagirik he, hobuk nambotkwe laga logolik hinoba fa'larigat, o Yudea lageluk lagunem, hiren lebe'neobagaigen iluk anggasigi.

2 KORINTUS 2:3

Hirenat an nendawinggenma fanotnabugun andi. Hit an nendawinggen fanotnabumo an nendawimo nagaiyek anggigi halok he, hit mondogat hinendawimo hinagaiyek asugunat anggikhi lagi. Andi nen he, an hit hinoba wagunem hiren an nendawimo weaget nabinogo iluk, hinoba wesu nabiren, wene arat lisu palogo hinoba lakfei wagagi andi o.

2 KORINTUS 7:16

Nen, an nen he, ”It yi mene ti mene fano hilingiti logogun,” iluk, nendawinggen hambukhogo logolik nendawimo nagaiyek anggikhi lagi o.

2 KORINTUS 9:4

A'nogo lakfisa wagi andi re, hiren oan andogorogo fisigi'lek were'ma, an afuni Makedonia mene ninom hinoba wesugun elo'lego. Attagat an nen ikhi logolik, ”It yi'nogo eberogoat fano hilingisugun werego,” iluk isigisi'mo re, an nenggali agik, hit hinenggali agik, inogo iluk, it tak lakfisa wagi andi. Hiren wene andi faget futfesigipmo re, hit hinenggali asinogo iluk yagahisa lek mene igi andi.

GALATIA 5:10

A'nogo meneat he, ninoe Enupogot ninom misigat agosik hundik welago andi nen, an nendawimo nen he, ”It inobabut he, wene hunogo mene ekhe oba ebesugun legat,” iluk, futfikhi lagi aro. Sa nen hit weagethinabigeluk hinendawinggenma kagali'logo mene andi, Allah nen wene oba fagain werego.

FILIPI 1:10

Hit a'nogo futfuluk hilingiti logogun halok, hinendawimo nen he: ”Yi fano hilingisu mene,” igik: ”Andi weak hilingisu lek mene,” igik, futfikhi logogun andi. A'nogo hilingisugun halok, Kristus wesigin andi sambul wene hinoba lekhogoat, fano tegelek were'ma wesigin andi.

FILIPI 1:29

At Allah obabut fano nen, hit hinendawinggen Kristus oba himbiret fouwageluk enek hinayonggo fesikhe fuk. Lego. At faget yi enggin ti enggin hikhi logouwageluk hinayonggo fesikhe aro.

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

FILIPI 2:16

A'nogo hilingiti logolik, yi mene ti mene sumburogo wogisouwogeluk inugisagarek hak, wene afuni inebe inelugerinaferek wene andi yagaisilik nikhi logoino o. A'nogo yagaisikhi logogun halok, at Kristus wesigin andi sambul, an nen: ”Mep awi wil-walhogo nomamerogoat hilingiti lagi mene andi we elalinat alemarogo hilingiti'lek. We, Kristus faget higit hilingisogo fisigimo,” iluk nalong asigin andi.

KOLOSE 2:12

At Kristus wa'lagaikhemo ebe warek salhukwa hak, hit ima pelakhinafi logolik, hinom hundigat salhinafukwao. Nen, at hinom hundik warek were'ma, Allah omameba eluget fesikhe, iluk, hinendawinggen at omameba himbiret fesigip andi nen, ima nen yegelogo liakhinafunem he, at hinom hundigat hineluget hinafikhe o.

1 TESALONIKA 1:3

Nineisena Allah eilhanem samban a'nogo ikhi logolik he, hit hinendawinggen Allahba himbirik logolik hinobabut hilingiti lagep mene inom, afuni ekhe hinendawirogo logolik hinomamerogo leberisikhi lagep mene inom, hinendawimo nen: ”Ninoe Enupogot Yesus Kristus nen fano hilingninabigin,” iluk hinafe morogo welagep mene inom, niren hit hilingiti lagep mene andi faget hinoba kamo igi'lek eberek mondogat welago.

2 TESALONIKA 1:11

At Allah nen he: ”Hit a'nogo hilingiti logoino o,” iluk, hinayonggo fesikhe hagat higithogo hilingiti logobagaigeluk, niren hit faget samban ugu mondok welago. Hit hinendawimo nen he: ”Nit fano hilingiti logoilo e,” iluk, anggikhi lagep mene andi, Allah nen a'nogo hilinghinafik, nen, hinendawinggen at oba himbiret fuluk logolik hilingiti lagep mene andi, arenat hinendawinggen wurigethinafik, at omame andiba hilinghinafi logouwago.

2 TESALONIKA 3:4

Fethinarek were'ma, nit ninendawimo nen he: ”Iren he, niren it komorinafi lagagu mene a'nogo, yogondak higithogo hilingitik, hobuk a'nogo hilingitik, ikhi logoguno,” iluk ninoe Enupogot ninom hundik logolik, eberogoat anggikhi lago.

FILEMON 1:21

Wene an nen yagaheti mene andi haren hesanggo hologo hilingisiginat higi, iluk, nendawimo anggigirigen he, wene yi lisu palogo hoba lakfei wagi andi o. An nen, ”Ebe wanino,” iluk, yagaheti mene andi, haren a'nogo hilingiti logolik fano mene ekhe inom hilingisiginat higi, iluk, an nelu aro.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.