FILIPI 1:28 - Allah Wene Fano Wene Hupla Inane

²⁸ It ekhe nen he: ”Wene andi ninabit,” iluk, ugu kwelegat he, hit enek he, hinailo agi'lek ninghogo mondok fisogo logoino o. A'nogo fisogo logogun andiba, it andi nongasugun iluk enegat hilinglagik, hit telhinabigin iluk enegat hilinglagik, Allah nenat hilingisigin werego.

FILIPI 1:28 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

MATIUS 10:28

Afuni nen hinareagun inom hinoasugun elo'lek. We, hinebe nek hinoasugun andi nen he, hinailorogo logogubo. Meneat he, at Allah nek he, hinareagun inom, hinebe inom, elok mondok warogo endu ai'mo lakhinobagagin werek andi nen he, at Allah oba nek hinailorogo logoino.

MARKUS 3:3

A'nogo ineil werek kwelek, at Yesus nen he, ap enggi wutwarek mene a'nogo mel yagatikhe: ”Hebe menla'luk he, tulem ya eme o,” iluk yagatikhemo,

LUKAS 3:6

A'nogo hilingitep halok, Allah nen afuni telninabigin mene ekhe lakfei wagunem hineilenggen hogoin o,” iluk, Yesaya nen lisu palogo fesikhe mene higithogoat, at Yohanes nen a'nogo yagaisilik nikhi lagaikhe andi.

YOHANES 16:8

At andi ebe wesimbik he, it afuni kweangma mene nen hilingitarek mene faget fakhogo yagaisikhi logolik, hit hinendawimo ebeti lagep andi re, weak hilingitarek mene faget inom, higit hilingiti logogun mene faget inom, Allah nen wene inoba figik, kotik, ikherek mene faget inom, hinendawimo weak ebeti lagebo, iluk wene fakhogo yagahisa wesigin o.

KISAH PARA RASUL 28:28

A'nogo yagaisasikhesik, wene elugun warogo re, mel yagaisasikhe: ”A'nogo isikhe andi nen, wene yi hinelu asubagaigeluk yagahisak: Allah nen he, afuni ekhe nen, aren telinaferek wene andi, it afuni endakwe mene yagaisa loageluk inayonggo fikhemo yagaisili'lagwi. It a'nogo yagaisugunem, inesanggo hologo hilingisugun o, iluk hinelu asubagaigeluk yagahisigi andi o,” iluk Paulus nen yagaisasikhe.

ROMA 8:17

Nit ninebe Allah againafuri halok he, at Kristus yi enggin ti enggin hasikhe hak, hogoin halok, Allah nen nit Kristus ninomat fogetninabigin andi nen he, Allah nen yi mene ti mene at againafuri wogisageluk abok yagaisasikhe mene andi, at Kristus ninomat wo'nisamo, eise logogun o.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.