FILIPI 1:27 - Allah Wene Fano Wene Hupla Inane

²⁷ Wene fano wene Kristus nen hilingitikhe wene a'nogoba: ”Yi'nogo hilingiti logoino o, ti'nogo hilingiti logoino o,” iluk yagahisagarek meneat hilingiti logoino o. A'nogo hilingiti logolik, hinebe lambulogo hilingiti logoumo, it afuni ekhe nen hinabok ikhi logolik he: ”It inobabut he, fano wene yagaisugunem holi'lagwi higithogoat inendawinggen Allah oba himbiret fuluk ninghogo mendek werego,” iluk, an nebe yatma were'ma yaganesugun hea? Hinoba wesimbik neilenggen hisagain hea? Wene Fano wene yagahisogorek hak, hinom lambulogo logolik, weim yafi logolik ninghogo yafarek hak, wene andi faget ninghogo hilingiti logoino.

FILIPI 1:27 ပူးပေါင်းရင်းမြစ်များ

1 TAWARIKH 19:12

At Yoab en agot oba ikhi logolik he, ”An it tentara Siria mene andi ninom walhugunemen elo'lek agu halok he, hat he weak-weak an lebetnea we'no. Nen an nen ogore hat it tentara Amon mene hinom walhugunemen elo'legat agu halok he, an nen hat lebethea wesigin.

MAZMUR 122:3

O kota Yerusalem a'nogo ebe fano mondok logouwageluk, ele'lagat mondok pugun paganhogo sep hun-hun wutukwa.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

AMSAL 22:23

Andi re At Tuhan he it inebikhit a'luk inili waganogo afuni inenggi lek mene inoba enggin fenggin fisagarek mene andoma re inebe ineluk waganogo wanigin enggere.

YEREMIA 32:39

Iren An foge'nabuogeluk inebe misik inobabut misigat a'luk hilingiti logouwageluk wogisagain mene andi re, inenggi mondok-mondok andoma faget An noba inailorogo hilingiti logouwageluk hilingfisagain. Andiba re it inebe inom iren tagomangge mene inom fanorogo nek logogun.

MATIUS 12:25

at Yesus nen it inendawimo anggasukwa mene enegat futfisasikhesik he, mel yagaisasikhe: ”Ap kaindek inenupogot inagoromi inawe a'ma ferinarek welagaikharekwe lombok, it-it inom hulit fakhaluk, inom weak logogun halok he, maben asugun o. Nen, afuni inawi sili lombok misigat mene inom, ap inebe lombok inagainafuri inom, hulit fakhaluk inom weak logogun halok, weak asugun aro.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

KISAH PARA RASUL 24:24

At Feliks nen a'nogo, ”Kagalek logoino,” iluk yagatikhesik, inenggi endebat welagaukwasigen, at agwe enu Drusila he ebe Yahudi mene. Waluk wagaikhesik he, agoromi nen Paulus wani loageluk yagaisasikhemo lagaukwasik ebe waluk wagaukwama re, at Paulus nen afuni inendawinggen Kristus Yesus oba himbirik welagaikharek wene andi yagaisugunem, Feliks esanggo holek welagaikhe.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

ROMA 1:5

At wa'lagaikhemo nen Allah Areagun en eluget fesikhe andiba, an nen yi afuni ti afuni inunggulenu lombok inendawinggen at Yesus oba himbiret fuluk ane hologo hilingiti logogun mene yagaisugunem, at enu hokho asuageluk Allah obabut fano nen nayonggo fesikhesik laknobagai wagaikhe o.

ROMA 1:9

A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.

ROMA 10:8

Halok he, wene andi mel anggaluk isikhe: ”Allah ane andi ebe horogat werego. Andi hambeba inom, hendawinggenma inom, werego,” iluk isikhe andi, afuni nen inendawinggen Allah oba himbiret fogoin wene niren yagahisikhi lago andi fagerat isikhe o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

ROMA 15:29

An arat hisa wagi halok he, at Kristus nen hit faget wo'netikhe mene mondogat wokhisa wesigin anggigi.

1 KORINTUS 1:10

A'nogo meneat he, nerugwi nagaila'lak. Ninoe Enupogot Yesus Kristus enuba, wene ekhe komothinabik. Hit mondogat hinebe minggilhi'lek hai warogo logolik he, hinane misigat mene igik, hinendawinggen misigat welagik, hinendawimo nen wene misigat mene ebetik, ikhi logoino.

1 KORINTUS 15:58

Andi nenat, nerugwi nagaila'lak. Hinebe nendawi e. Hinendawinggen en wurikhogo, hambukhogo logoino. Ninoe Enupogot ninom hundik logolik he, at faget yi mene ti mene hilingitunem alomat lasigin lego, iluk, hundik-handik ninghogo hilingitu mondok logoino o.

2 KORINTUS 13:11

Nerugwi, nagaila'lak. Wene wurep kobokhogo ekhe yi yagahisak. Hinendawinggen hinagaiyek anggigik, hinendawinggen katokhogo wurigetfakhigik ikhi logoino. Wene komothinabik wagi andi, hinesanggo fanorogo holino. Hinendawinggen misigat logolik, hinom lambukhogo logoin o. A'nogo hilingiti logogun halok, Allah afuni endawirinafik, inom lambukhogo fanot fisigik, ikherek mene a'nogo nen kwelakhinarek logogin o.

2 KORINTUS 4:4

A'nogo werek andi re, it afuni kweangma mene ineisena Iblis a'nogo nen inendawinggen Allah oba himbiret figi'lek mene andi, inendawinggen mumerinafikhemo werego. At Kristus Allah hanggeatma re, ebe fogeratarek wene, fano wene andi nen selegerinabugun meneat he, selegerinabinogo iluk, inendawinggen mumerinafikhemo werek andi.

2 KORINTUS 9:13

A'nogo leberisikhi logogun andiba, it Allah againafuri o Yudea mene nen he, ”It afuni Korintus mene Kristus hilingitikhe wene fano wene a'nogo wanhukwasik, Ninobabut higithogo hilingiti logoguno, iluk isukwa higithogoat hilingiri'lagwi. A'nogo hilingiti logolik it mene ekhe agi'lek nit lebe'nisigik, it ekhe mondogat leberisigik, aga o,” iluk hinobabut enegat paliluk Allah fogerasugun aro.

GALATIA 1:7

Ebe re, wene fano wene hunogoat ekhe welagarek le'ma aro. Meneat he, it afuni ekhe nen fano wene Kristus nen hilingitikhe wene andi mene hunogoat hilingisogo lalhinabuogeluk yagahisili'lagwi andi nenat igi o.

EFESUS 1:13

Andi hagat he, hiren wene ebe wene, fanotninaferek wene a'nogo hinesanggo holhigipsik he, eberogoat iluk hinendawinggen Kristus oba himbiret fesigipmo Allah nen he, ”Nareagun wokhisagain,” iluk, abok yaganisasikhe higithogoat, ”It an nonggwarek nagainafurio,” iluk Areagun wokhisasikhe andi.

EFESUS 1:15

Andi nen he, hit hinendawinggen Tuhan Yesus oba himbiret fuluk, Allah againafuri ekhe mondogat hinendawirogo hilingiti lagep mene andi, afuni ekhe nen hinabok ugunem nesanggo holhi.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

FILIPI 2:12

Nerugwi nagaila'lak. Hinebe nendawi e. An ninom logolik, nane hundik-handigat ugunem hologo hilingiti lagagip andi hagat an yogondak nebe weat werek kwelek, nane andiat esinet fuluk he, hologo mondok hilingiti logoino o. At Allah nen, hiren hilingiti logobagaigeluk, hinendawinggen wenggelogo hilinghinafunem, hit hinendawimo nen he: ”I, nit a'nogo hilingiti logou ninamolo,” iluk, Allah endawimo amolo mene hilingiti lagep andi nen, at ebe hinailorogo hinoak elekwe lei'leik ikhi logolik: ”Aren telninabigin,” iluk andi fagerat hilingitu mondok logoino o.

FILIPI 2:24

At ebe lak fei wesimbik he, an nendawinggen ninoe Tuhan oba himbirik welagi andiba, aren lebetniugunem he, nebeat weak-weak wesigin iluk anggikhi lagi.

FILIPI 3:18

An attak he, nenggi hobuk alep yagahisasigi hagat, yogondak nane hebekhogo yagahisagat. Afuni inebe hokhorogoaren: ”Kristus nit faget eba menfuluk watukwa a'nogo, ninabit,” iluk inom weim palek hak logolik inobabut weak hilingiri'lagwi mene andi inobaget le aga logolik yagahisikhi lagi.

FILIPI 3:20

A'nogo meneat he, nit ninawi ero pogoroba werego. Ninawi eroma andoma nen, ninoe Enupogot Yesus Kristus hobuk telninabi wesigin andi nenangorogo welago.

FILIPI 4:1

Andi nenat, nerugwi nagaila'lak. Hinebe nendawi e. Ninoe Enupogot hinom hundik logolik ninghogoat logoino o. Hit hinobabut hilingiti lagep oba an nendawimo nagaiyek anggigik, fogerakhigik ikhi logolik, hinoba we'luk nebe ninom logoilo e, iluk, anggikhi lagi.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

1 TESALONIKA 3:6

Nen, at Timotius hinoba lakfei wagimo wagasik a'naga, yogondak ambotkwe ninoba wagasik he, hit hinendawinggen Kristus oba himbirik logolik, afuni ekhe hinendawirogo hilingiti lagep mene andi yaganisigik, niren: ”It hinelokhonggen nineilenggen iselo e,” iluk ninamolo anggikhi lago hak, hiren a'nogoat ninoba eberek mondok logolik: ”It inobabut fano a'nogo nineilenggen iselo e,” iluk, anggikhi lagep mene andi, yaganisa wagama re, ninendawimo ninagaiyek anggikhi lago o.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

1 TIMOTIUS 1:11

Nen, wene andi higithogo, fano wene a'nogo an nen yagaisilik nikhi logouwageluk noba fesikhe. Fano wene andi re, Allah fogeratik, hai watik, ogorek mene a'nogo ane aro.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

2 TIMOTIUS 4:7

Sa awewerek-sa awewerek lagaikharek hak, an nendawinggen eberogo nenat Allah oba himbirik mondok logolik, at faget nomamerogoat fano hilingirik waga lagarik he, huliba arat asi wagi o.

TITUS 2:10

inagarek mene yogot wanhi logogun lek. We, inobabut enegat futfisoageluk, yi mene ti mene faget humbunhogo higithogo hilingitunem, it afuni ekhe nen Allah telninaferek mene a'nogo abok ikhi logolik, ”At ane yaganisili'lagwi andi fano,” iluk, ikhi logouwageluk, inobabut a'nogo hilingiti logogun.

YAKOBUS 3:18

E fano mene awi yatunem enggen fano iterek andi hak, afuni inobabut lioksek logolik, it ekhe inom liokhogo logouwageluk lambulinafunem inobabut higithogo fano hilingitarek andi.

2 PETRUS 3:11

Yi mene ti mene mondogat a'nogo legasigin andi nen, hit hinobabut ninggi'nogo hilingiti logogun anggegep? Allah nen hilingisigin andi sambul pogot endu foumo re, amulogen felelenghogo ninggik, yi mene ti mene ero inom tamuk-tamakhogo ninggik, igin andi nen, weak hilingiti'lek tegelek logolik, hinebe Allah faget fisaluk, at ebe nenangorogo logolik, ebe weak-weak wesuageluk anggilukhogo hilingiti logoino o.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

YUDAS 1:3

Nerugwi nagaila'lak. Hinebe nendawi e. Wene Allah nen hit ninomat telninafikhe a'nogo faget wene lisu palogo hinoba lakfei wesigeluk nendawinggen eberek mondok welagirik he, hobuk nendawinggen sebelu elo'lek agama re, wene mel faget lakfei wagi andi. Andi re, it afuni ekhe Allah ebe inabit mene nit ninonggot werek kwelek ninanggele'ma kwi wesimbik he, Allah obabut fano nen wo'ninaferek mene andi, iren lagakhogo wene hunogo mene yagahisikhi logolik he, ”Weak mene hesanggeat hilingiti logogun,” iluk, ninoe Enupogot Yesus Kristus omame hokho a'nogo ebe herakfisaluk, hilingiri'lagwi andi. A'nogo hilingiri'lagwi andi nen, Allah nen he, ”Wene yi'nogo inoba fagain,” iluk isikhemo fagearen lisu palogo fesukwama werek. Wene Allah nen misigam faget nit againafuri wo'nisasikhemo ninendawinggen oba himbirik welago andi mene, it andi nen legetfouwogeluk ugunem, hiren elele waganogo hinomamerogo fisogo logobagaigeluk hinendawimo kagalogo lakfei wagi andi.