FILIPI 1:22 - Allah Wene Fano Wene Hupla Inane

²² Nebe kweangma yoma neluk logolik Allah eabu hobuk hokhorogo hilingisigin welagi andi nen, neluk logogin hea? Wa'lasigin hea? Ki mene wenasik he, nonggoraro.

FILIPI 1:22 ပူးပေါင်းရင်းမြစ်များ

KEJADIAN 21:26

A'nogo isikhemo at Abimelekh en Abraham yagati logolik he, ”Hilinglaga mene andi faget he, haren endep yaganeten le'ma re we an he, yogondak yiba nen nesanggo holhimo re, ebe sa nen hilingite iluk ogo re an nonggorat,” iluk yagatikhe.

KEJADIAN 39:8

A'nogo yagatikhe meneat he, at Yusuf a'nogo hilingisu abiren he, mel yagatikhe: ”Nagaisa e. Noe Potifar en angge yi mene ti mene aiba welagarek mene mondogat an halhi logouwageluk nenggiba fikhemo re, at endawinggen menenei ebeti'lek katokhogo werek andi nen he, haren a'nogo yaganetun o, nagaisa.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

KELUARAN 32:1

Afuni Israel mene Musa ebe pi wagi'lek tom oba andoma aninurogoat weregen he, Harun oba andogosi wagaukwasik, mel yagatukwa: ”At Musa o Mesir en wo'ninarek wulibi wagasik waga mene a'nogo oba ninggi'nogo hilinglagama he, nit ninonggoro. Ma re, nit wo'ninarek loagen Allah higit tugwi kembu ekhe wu'nisan o,” iluk yagatukwa.

KISAH PARA RASUL 3:17

Mene re, nerugwi nagaila'lak. Hit hinogogwi kaindek hinom Yesus faget hilingitep andi, hinonggot logolik hilingitep andi, an nelu o.

ROMA 1:13

Nerugwi nagaila'lak. An nen, afuni endakwe mene fena o yi awi ti awi a'lima wene yagaisilik lagagimo wanhukwa hak, hit a'nogoat wanubagaigeluk nenggi hokhorogoat hinoba wesigeluk anggikhi lagi meneat he, nanggwe palegen kamo ikhi lagi andi hinelu asubagaigen iluk yagahisigi o.

ROMA 11:2

Allah nen againafuri attagaren wenaginafikhe mene andi herakfisasikhe lego. Wene at Elia nen hilingitikhe wene lisu palek werek a'nogo hinonggot nogo? Aren he, Allah nen it wene inoba fikhi logouwageluk, mel ikhi lagaikhe:

2 KORINTUS 10:3

Nit ninebe kweangma logolik afuni sikhe sigeba weim yafarek hak yafi lago lego.

GALATIA 2:20

Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

FILIPI 1:24

Meneat he, an hit faget kweangma yoma neluk logoumo fano aro.

KOLOSE 2:1

An nen he, hit inom, it afuni o Laodikia mene inom, it ekhe hokhorogoat inom, an nebe hinonggot mene faget nomamerogo hilingiti lagi mene andi, hit hinelurogo logobagaigeluk yagahisigi andi.

1 PETRUS 4:2

Andi nen hiren he, afuni yi mene ti mene inamolo nen inendawinggen en ninggerek andi mene herakfisaluk, huli yogondak huli nen he, hineluk logolik Allah endawimo amolo anggikherek mene andi higithogo hilingiti logoino o.