FILIPI 1:20 - Allah Wene Fano Wene Hupla Inane

²⁰ An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

FILIPI 1:20 ပူးပေါင်းရင်းမြစ်များ

MAZMUR 119:116

An nebe neluk logouwageluk, Haren hawene wathigin higithogo an nomamet nobagakhi logoino, an eberek welagi mene a'nogo nendawimo waroageluk hilingnobagagun o.

MAZMUR 119:80

An nenggali asi nogoluk, Haren wene menfegen mene andiba nen an nen taganhogo hilingiti logogin lego.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 62:5

Hiren he at ebe yabu lego mene werek oba andi nen sebelogo pelak fogoin iluk hilingiti lagep. Hit he hineranen wene lalinafu aple nek hinagaiyek, hit hinambeba nen afuni fanot fisikhi lagep oba nen he, hinendawimo nen he hururung inafi lagep.

AMSAL 10:28

Ap fano mene re endawinggen eberek logogin a'nogoba ambisangma tip ugunem agaiyek asigin, Ap ina'mage weak mene re inendawimo eberek logogun mene a'nogo we alomarogo hilinglasumo legasigin.

AMSAL 23:18

A'nogo hilingisugun halok he logogun huli andoma re fanorogo logogun, nen hinebe hineluk faget he longgo ugun lek.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YESAYA 50:7

Tuhan Allah nen an lebetnafunem a'luk he, an nenggali wari'lagwi lek. An nendawinggen sebel hoageluk he nomamet nobagali'logo, an hobuk nenggali asigin lek, iluk nelu welagi.

YESAYA 54:4

Hat henggalirogo hilinghobagagun lek enggere hailo su fugo, nen inane aik weak wenakhetik, yinggilogo hilinglagik igin mondok lego. Hat hebe sougwe logolik tiphogo hilingiti lagagin lek mene omanogoba honggoragik, nen hane tingi tongorogo welagagin mene a'nogo oba ekhe ebet higi'lek welagik, igin o.

YOHANES 21:19

iluk wene a'nogo yagatikhe andi re, at Petrus hobuk yi'nogo hilingisogo wasugun oba Allah fogerasugun mene faget yagatikhe andi. A'nogo arat yagatikhesik he, mel yagatikhe: ”An nombo'ne nikhi logoino,” iluk yagatikhe.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

KISAH PARA RASUL 4:31

A'nogo Allah ayonggo fikhi lagaukwama re, o it andogorek welagaukwaba andi abolok isikhe. Abolok ikhi logolik he, Allah Areagun inebe mondogat inendawimo peterogo kwisikhemo, wene Allah nen isikhe mene andi afuni inailo legat yagaisikhi lagaukwa.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

ROMA 6:13

Hinenggi hineisok hinebeba welagarek mene ekhe inom mondogat he, weak mene asikhe arige hak a'luk he, weak hilingiti logouwageluk, at wogeti logogup. Hinebe warek hangge were'ma Allah nen hinelugethinafikhemo hineluk logolik hilingisugun higithogoat, hinebe abirenggeat Allah wogo'ni o. Hinenggi hineisok hinebeba welagarek mene inom ekhe mondogat he, at asikhe arige hak a'luk he, higit hilingiti logouwageluk Allah wogo'ni o.

ROMA 6:19

Hit hinobabut he, wene yagahisigi andi futfogoin elo'lek hangge andi nen, futfobagaigen iluk he, afuni inamingmingengge logolik hilingitarek mene inoba lirogo yagahisikhi lagi andi. Hit attak he, hinenggi hineisok hinebeba welagarek mene ekhe inom mondogat he, weak mene amingmingengge hangge woge'luk, hesanggeat hilingitik, hit komore'lek yi weak ti weak hilingitik, ikhi lagagip andi. Andi hagat he, yogondak hit hinenggi hineisok hinebeba welagarek mene ekhe inom mondogat he, Allah onggwarek faget fisaluk higithogo hilingiti logouwogeluk, at wogeti logoino o.

ROMA 8:19

Pogot kweang yi mene ti mene Allah nen elalhikhe mene yoma nen he, ”Allah againafuri inebe hunogoat hilinginafunem sele'ma fogerinabugun andi mera hilinglasigin,” iluk, alik wari'lagwi.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

1 KORINTUS 15:31

Nerugwi nagaila'lak. Hinendawinggen en ninoe Enupogot Kristus Yesus oba himbiret fuluk ninom hundik welago andi nen, an hit faget nalong agi iluk anggikhi logolik mel yagahisak. An he, hundik-handik nebe noasuogeluk ugu kwelek nafe morogo welagi o.

1 KORINTUS 6:20

Allah nen he, hinebe onggo arat katokhogo palogo wokhinafikhemo welagep andi nen he, hinebe abirengge Allah faget fisaluk at enek fogerati logoni o.

1 KORINTUS 7:34

A'nogo ebeti logolik he, inendawinggen pire agarek andi. Helime yenggerugwi inaguni lek silerik mene andi re, inebe inom, inendawinggen inom, ninoe Enupogot faget logouwogeluk he, at faget esinet fuluk inendawimo ebetarek andi. Mene re, it hemi inaguni werek mene andi re, inaguni inendawimo fano asuageluk, it faget yi mene ti mene kweangma mene esinet fuluk inendawimo ebetarek andi.

2 KORINTUS 10:8

Ninoe Enupogoren he, an nen weagethinabuageluk eisewerek nobagaikhe fuk. We, hinendawinggen wurigethinabuageluk, eisewerek nobagaikhemo welagi andi faget hokhorogo fogerakhikhi lagi halok he, nenggali asigin lego.

2 KORINTUS 3:12

Hobuk a'nogo fano asigin iluk, ninendawimo agaiyek anggikhi logolik he, wene ninailo mondok legat yagaisikhi lagoo.

2 KORINTUS 4:10

A'nogo wa'lagi'lek welago andiba, at Yesus ebe wa'lagaikhesik eluk agaikhemo re, nit ninendawimo eluk welagarek andi, enegat asuageluk, at watukwa hak, nit hundik-handik ninoasuogeluk ugunem telninaferek andi.

2 KORINTUS 5:15

Nit mondogat faget wa'lagaikhe andi re, nit ninebe ninonggwarek faget nineluk logouwageluk wa'lagaikhe fuk. We, nit ninebe at faget logouwageluk, at ebe nit faget wa'lagaikhesigen ambotkwe eluk agaikhe andi.

2 KORINTUS 7:14

An nen attagat Titus yagati logolik he, ”It hobuk fano hilingisugun,” iluk agaugwethinafi lagagi hak hilingitepma re, an nenggali agi'lego. Niren yi wene ti wene eberogoat enek yagahisasugu hak, at Titus yagati logolik hit agaugwethinafugu andi re, eberogo aro.

2 KORINTUS 7:4

An nendawimo nen, hit fano hilingisugun, iluk nendawinggen hambukhogo logolik agaugwethinafu mondok welagirego. A'nogo logolik, it afuni ekhe nen weagetninabuogeluk yi enggin ti enggin hilingninafu kwelegat he, an nendawinggen mondok fano agik, hokhorogoat nagaiyek agik, ikhi lagio.

FILIPI 1:14

An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.

FILIPI 2:17

Mene re, afuni nen wam domba Allah faget fisaluk, warogo endu nolesuogeluk, amboloba enggen amusu pelafarek hak, hit hinendawinggen Allah oba himbiret fuluk wogetunem, amboloba afuni nen an nebe warogo namep pelafa halok, an nendawimo nagaiyek anggugunem hit mondogat hinendawimo hinagaiyek anggogoin aro.

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

1 TESALONIKA 5:23

A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.

1 PETRUS 4:16

Meneat he afuni ekhe nen, ”Hat Kristus agot, hebe Kristen mene,” iluk yi enggin ti enggin hilinghinafa halok, hinenggali agubo.” We, an Kristus agot halogat at enu mene an nenu salogo yaganeri'lagwi andi fano aro,” iluk Allah fogerati logoino.

1 YOHANES 2:28

Nagainafuri e. Kristus wesigin andi sambul ebe wagunem he, nit ninenggali agi'lek, ninailo legat at elokhoma awe a'ma kuogen, hirat at hinom hundik mondok logoino o.