FILIPI 1:14 - Allah Wene Fano Wene Hupla Inane

¹⁴ An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.

FILIPI 1:14 ပူးပေါင်းရင်းမြစ်များ

MARKUS 3:3

A'nogo ineil werek kwelek, at Yesus nen he, ap enggi wutwarek mene a'nogo mel yagatikhe: ”Hebe menla'luk he, tulem ya eme o,” iluk yagatikhemo,

LUKAS 1:74

It afuni ekhe ninom weim palek mene inenggimo nen telogo re, ninailo agi'lek nineluk logolik, Allah eilenggen werek kwelek nit weak hilingiti'lek at faget enek higithogo hilingitik, ikhi logouwageluk hilingisi waga yi o.

2 KORINTUS 3:12

Hobuk a'nogo fano asigin iluk, ninendawimo agaiyek anggikhi logolik he, wene ninailo mondok legat yagaisikhi lagoo.

2 KORINTUS 7:4

An nendawimo nen, hit fano hilingisugun, iluk nendawinggen hambukhogo logolik agaugwethinafu mondok welagirego. A'nogo logolik, it afuni ekhe nen weagetninabuogeluk yi enggin ti enggin hilingninafu kwelegat he, an nendawinggen mondok fano agik, hokhorogoat nagaiyek agik, ikhi lagio.

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILIPI 4:1

Andi nenat, nerugwi nagaila'lak. Hinebe nendawi e. Ninoe Enupogot hinom hundik logolik ninghogoat logoino o. Hit hinobabut hilingiti lagep oba an nendawimo nagaiyek anggigik, fogerakhigik ikhi logolik, hinoba we'luk nebe ninom logoilo e, iluk, anggikhi lagi.

KOLOSE 4:4

Wene andi, an nen yagaisagain higithogoat furogo yagaisikhi logoigen he, samban ikhi logoino o.

KOLOSE 4:7

At Tikhikus ninagot ninendawi mene, nit ninomat ninoe Enupogot amingmingengge logolik, at faget obabut hombunhogo hilingiterek mene nen wene an nabok hobuk yagahisa wesigin a'naga o.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.