Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




FILIPI 1:11 - Allah Wene Fano Wene Hupla Inane

11 Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

အခန်းကိုကြည့်ပါ။ ကော်ပီ




FILIPI 1:11
34 ပူးပေါင်းရင်းမြစ်များ  

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.


Aren eabu ebe wanhi logolik he helebenggen yogologo fanorogo pugunhogo wanhe, a'nogo wanhesik anggur ebe mene awi yatesik he kagalek werek oba faget he o ekhe uan mene legeisogo wute. Wutfikhesik anggur agai perelogo pelafuba faget kweang fate ekhe habulhesik he, aren enggen fano mene isigin iluk nenangot ikhi logolik welaga, oba nen he anggur a'nogo enggen he arik weak mene ite.


Afuni andoma logogun mene re eberogo mene nek hilingiti logogun, iren he o kweang andi mondok-mondok faget eise a'luk logogun. Ithe e awi kigilogo An nonggwarek nalong welagi mene a'nogo weinamet fagain iluk yakfesigi mene hangge hilingik logogun.


Enggen feik lakfugunem inenggi nen yago mene hangge fulelherek andi hak, nineisena Tuhan Allah nen nit ninebe telninabigin mene a'nogo ninomamet ninafunem, afuni inunggulenu lombok inebe mondogaren Allah fogerasugun o,” iluk ikhe o, isikhe.


it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.


Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.


Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.


Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.


Hit hinenggen hokhorogo isu hak fano mene hokhorogo hilingisugun halok, afuni nen an neisena fogerasugun o. Hit hinebe nagoromi ebe mene nane wanhi lagep mene logolik, a'nogoat hilingiti logogun o,” iluk yagaisasikhe.


A'nogo arat fisaga mene andi, a'nogo Allah faget fisaga mene andi an nen it Yerusalem mene arat wogisa lagi halok he, o Spanyol lageluk waga logolik, hinoba fa'larik wesigin o.


Mene re, hit weak hilingitu kwelek, weak mene nen fethinarek were'ma, Allah nen hele fikhalogo wulakhinobagasikhemo re, yogondak he at awe a'ma kuluk welagep andi. Logolik he, hinebe at faget fisaluk welagep andi mene helegebo. A'nogo logombik, wurep oba hineluk mondok logogun aro.


an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.


At Allah nen it awi yatarek mene awi wogisigik, sumburu ebe noageluk wogisigik, ikherek andi. A'nogoat, arenat afuni awi yasuageluk palisagarek hak, hinobabut it ekhe leberisikhi logogun andi mene wokhisigik, nen awi yatunem enggen hokhorogo isu hak, it ekhe hinendawi nen leberisugunem hokhotfigik, igin o.


At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.


Allah nen ikhi logolik he, ”An nen yi'nogo wokhisagain, iluk abok yagahisasigi mene andi, hobuk wokhisageluk, Nareagun lilu wokhisasigisik hinebe telogo wokhinabigin aro,” iluk yaganisasikhe. A'nogo yaganisasikhe andi nen, Allah fogeratu mondok welagaikharek mene andiat fogerati logouwogo.


Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.


E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.


Mene re, a'nogo lebetniikhi lagep meneat he, laknobagai wagunem wanhu mene andi faget esinet fikhi lagi fuk. We, hit onggo hela hak he, Allah nen ebe mene wokhisugunem hit eisewerek asubagaigeluk esinet fikhi lagi o.


A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.


Nineisena Allah, ninoe Enupogot Yesus Kristus emberek inobabut fano a'nogo nen hilinghinafunem a'nogo hilingiti logogun andi nen, hiren he, ninoe Enupogot Yesus enu hombuk palogo agaugweratik, aren he hit agaugwet hinafik ugun andi.


Afuni nit Allah againafuri mene ekhe, e enggen fano mene iti'lek welagarek hak, it andi fano mene eise agi'lek tulemat alemarogo logoinogo iluk, it ekhe yi mene ti mene legen nong a'luk were'ma, it inonggwarek fano hilingiti logolik leberisikhi logouwogeluk, andi mene esinet fuluk yanggulhi logouwago.


Komotninafu kwelek andemat ninendawimo fano agarek lek. We, ninendawimo weak agarek meneat he, hobuk komotninafarek andiba, komotninafunem welagorek mene halok, yi mene ti mene enggen iterek andi hak, ninobabut fano lioksek logolik higithogo nek hilingiti logogun andi.


It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.


A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.


Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.


Afuni ekhe nen at Kristus faget wenakhisugu halok he, hinendawimo nen he, ”Allah Areagun fogeratarek mene a'nogo ninoba louk ikhemo welago,” iluk hinendawimo hinagaiyek anggikhi logoino o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ