EZRA 9:9 - Allah Wene Fano Wene Hupla Inane9 Nen nit hele warek inamingmingengge higit werek kwelek Haren herak ninobagaluk lagalagen lek. It ap raja Persiaba welagaukwa mene omanogo nen nit inendawit ninafakwasik, o Hat hawi meisalogo kabok lagali'lago mene yi wusuakhogo loagen yagaisoageluk hilingiten. Haren enek nit o afuni Yehuda mene were'ma inom, it afuni Yerusalem mene were'ma inom, ninalong palogo welagen. အခန်းကိုကြည့်ပါ။ |
EZRA 9:9
25 ပူးပေါင်းရင်းမြစ်များ
Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.
A'nogo meneat he, an nen hobuk it mel yagaisasigi: ”O kota Yerusalem mondok wolelenggen tagalogo fotfisigik, nen kwe ambe palek kwe mondogat endu fesukwama felelenghogo ninggik, isikhemo, wene nit ninoba were'ma, yi enggin ti enggin hugu mondok welagorek andi hikhi lageba? Afuni nen inendawimo seramet ninobagaluk weaget ninafarek andi lek asuagen he, o kota Yerusalem ebe inom, leget pa'leget wurik welagaikhe mene inom, meisalhukwa a'nogo hobuk ambotkwe legeisogo wusuogo,” iluk yagaisasigi.
Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.
Aren eabu ebe wanhi logolik he helebenggen yogologo fanorogo pugunhogo wanhe, a'nogo wanhesik anggur ebe mene awi yatesik he kagalek werek oba faget he o ekhe uan mene legeisogo wute. Wutfikhesik anggur agai perelogo pelafuba faget kweang fate ekhe habulhesik he, aren enggen fano mene isigin iluk nenangot ikhi logolik welaga, oba nen he anggur a'nogo enggen he arik weak mene ite.
Andi faget he An nen iren hilingisuageluk hilingiti lagi mene yi hagaila'lak hele warek were'ma andoma yagaisa lan o, An nenat it inebe woginarek wagagisik o yatma yi afuni ti afuni inunggulenu hokhorogo were'ma inanggelekwe it inanggweang ebene andoma telfol isasigi. Oba nen it inebe andoma werek kwelek An ninom hundik mondok logogun.
Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.
Hiren he, enggen ugu hokhorogo palogoin iluk hinendawimo ebet-ebet ugunem en he, we endebengge nek palhikhi lagep, a'nogo palaluk hinaiba helaluk waga lagep oba nen he, An nen futhugunem he sogoi en funhogo waluk lili'lago andi. Ninggi'nogo iluk a'nogo hilingiti lagi anggikhi lagep nogo? Andi re, An nawi a'nogo o meisalegenek kabok lagagu kwelek hit hinebe lombogen hinonggwarek hinawi hinebe werekwe omanogo nek wurikhi lagep andiba hilingiti lagi o.
ကြော်ငြာတွေ