EZRA 9:4 - Allah Wene Fano Wene Hupla Inane

⁴ An nebe hurek a'nogo werek kwelek enek he wam hu'mokwe warogo nolhu mene a'nogoba asi waga. Andi nen it afuni a'nogo an were'ma aremnogo maserogo kwelaknobagai wagaikhasik he, it afuni Israel mene ineisena Allah nen afuni hele warogo fisa lagaukwama hobuk wagaukwa mene andi inaweak werek mene andiba hilingfisagain iluk werek mene a'nogo inendawi wenggel hagasik he it inailo nek agaikha.

EZRA 9:4 ပူးပေါင်းရင်းမြစ်များ

2 TAWARIKH 34:27

haren hendawimo waregendik, hendawimo sebel fakhegendik welagen. An nen he o Yerusalem inom, it afuni o andoma werek mene inom mondogat inoasigin iluk arat nane walhogo figirik welagi oba nen he, An nen a'nogo hilingisigin iluk hilingitigi mene a'nogo re hat hesanggo mondogat holhendik, fong warikhi logolik hakhogo re le yagaisogo hasu tilip-talaphogo lakfisegendik, welagen. Andiba re haren samban egen mene andi re An arat nesanggo holhigi o,

EZRA 10:3

Nit he haren komo wene yaganisagain mene inom, it Allah wene melalek yaganisugu mene a'nogo esinet fuluk hilingitu inaben inom, komotninabugun mene andoma niren higithogo nek hilingitik, At Allah nen wene melalek yi'nogo hilingi'no ti'nogo hilingi'no iluk werek mene a'nogo hologo hilingitik, hilingisugun en he, hemi andoma ineagwi inomat mugusogo wilaginabugun iluk Allah elokhoma nen hombuk paluok.

EZRA 10:9

Tugi sogongge tanggal 20 ba, inenggi henagan welagaukwasik a'nogo re it abenek o it Benyamin mene werek kwe nen inom, it Yehuda mene werek kwe nen inom, o Yerusalem wagaukwasik he o Tuhan Awi lilu a'nogo kabogetukwa. Kabogetukwama nen he andem oba re o meiso mondok hokho mene nunggu kwelek a'luk he sogoi aigengge nen he afuni omanogo hom-hombuk falhi logolik wene andi mondok esin mene faget hiligimo a'luk he sebethikhi logolik welagaukwa.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

KELUARAN 29:39

Misik ekhe re, hubet warogo nolfuluk, ekhe hu'mokwe warogo nolhi logogun.

KELUARAN 29:41

Domba eak hu'mokwe warogo nolhi logogun mene andi ogore, obabut hubet mene hilingisugun andi higithogo tepung inom zaitun amusu inom, anggur amusu inom fuluk nolhunogo. A'nogo nolhunem amben andi nen An nendawinggenma healhi logogin.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

DANIEL 10:2

Andem sambul he an Daniel minggu henagan inukhogo fong warogo welagi.

DANIEL 9:21

Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.

BILANGAN 25:6

A'nogo yagaisasikhemo Musa inom afuni mondogat omanogo inom o Tuhan Awi sabu sale'ma solombonma omanogo nen le aga logolik were'ma nen he, ap Israel mene misik ekhe nen he, he Midian mene ekhe waluk awi sabu sale'ma a'nogo kugunem ineilenggen welagaukwa

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.