EZRA 9:2 - Allah Wene Fano Wene Hupla Inane

² It ap Yahudi mene nen he hemi inunggulenu endakwe mene woginafunem he, Tuhan againafuri ebe mene a'nogo re mondogat emetlagaikhama fano mene ekhe werek mondok lek. Ero ariginik mene andi hilingitu aplere it ap inogogwi kaindek mene inom, it afuni Israel mene yabu legoma hilingiri'lagwi mene omanogo nen tak erorata.

EZRA 9:2 ပူးပေါင်းရင်းမြစ်များ

KEJADIAN 6:2

A'nogo taginafukwama, it ap Allah againafuri mene nen hemi andi fano mondogen ineilenggen isasukwasik he, it inamolo anggasukwa mene inebe woginafukwa.

1RAJA-RAJA 11:1

Raja Salomo nen he hemi pok mene endawinggen nasikhesik, hun ekhe Mesir mene a'logo a'nogo waganek logoligen he, at Salomo nen afuni inawi Het mene inom, Moab mene inom Amon mene inom Edom mene inom Sidom mene inom ina'logomi woginabik lagaikhe.

EZRA 10:2

A'nogo le agunem he at hun Yeiel unggulenu Elam mene amlogo Sekhanya a'nogo nen Ezra ba ikhi logolik he, ”Niren afuni inunggulenu endakwe mene ninom wok-wok aga lago andiba re Tuhan oba weak hilingito, oba nen he it afuni Israel mene faget he hilingisu mene ekhe werek.

EZRA 9:12

Niren afuni andoma mene ninom wok-wok agik, hilingitu mene faget inom, it afuni andoma inenggi werek hilingfisugunem it inebe fini-fanorogo logouwageluk it nabi andoma nen ili wanhi lagaukwa. A'nogo yaganisikhi logolik he, hit ambi ninane hologo hilingitu halok he, hit hinebe hinomame mene aga logolik, hiren he hinanggweang andi meneba nen enggen ugu palogo ninggik, hinenggi andoma mondok-mondok hit hinagainafuri inoba hinaminingengge hakhogo pelak hisigik, hilingiti logogun, iluk yaganisikhi lagaukwa.

EZRA 9:14

Arigini'mo re niren Hat Hawene melalek a'nogo herakfuluk taganhogo hilingiti logolik afuni inobabut weak mene andi re ninggi'nogo woginafo aplerek? Niren nekhe aple a'nogo nek hilingisugun halok he, eberogo Hat mondok ha'mage lagaluk ap misik iluk ogo ekhe eluk figi'lek mondok alpisanghogo ninoaten aplerek.

NEHEMIA 13:17

A'nogo hilingiti lagaukwa ma re an nen it ap Yehuda mene melalinafi lagaukwa mene omanogo wenagisikhi logolik he yi'nogo isigi, ”Yago, hiren linggene Sabat sambul a'nogo emetfegepsik hilingiti lagep ari re hinonggoragepsiga, hit hinendawimo nen weak hilingiti lago lek iluk anggegepsigen inafe morue a'luk welageba?

NEHEMIA 13:28

At Yoyada andi re hun Imam Agung Elyasib a'nogo amlogo, oba nen he at Yoyada andi amlogo misik ekhere at Sanbalat awi kota Bet-Horon mene a'nogo eyamal agaikhe. Andiba re at Yoyada a'nogo o Yerusalem logogin lek iluk mugusogo wilakfisasigi.

KELUARAN 19:6

hinebe an nonggwarek faget eisewerek logolik an faget hilingiti logogun o. Wene mondogat yagaheti mene andi afuni Israel mene yagaisano o,” iluk yagatikhe.

KELUARAN 22:31

Hit hinebe re An nagainafuri horek logolik, hinanggo tati logogun mene andoma mene olomene nen senggelhu halok he ninggi logou fuk, meneat he, senggelek mene andoma hiren mene wogeti logoino,” iluk yagatikhe.

KELUARAN 34:16

Hiren hinagainafuri inagagwi afuni endakwe mene ina'logomi mene igisogoin halok he, it hemi andi nen he, hit Allah obokhogo herakfisaluk nit ninandugwi kembu mene fogerati logogun o, iluk inendawimo kagalumo An obokhogo heraknobagaluk wulibugun andi nen he, a'nogo igisikhi logogubo.

YESAYA 6:13

It inebe 10 nen mene logogun oba nen ap misik ekhe o kweang andiba logogin halok he eiloak legasiginat. Oba nen he e wein mugusogo lakfugu mene andimiba nen asimit suphogo lagaikherek andi hak, afuni inunggulenu andi mene alinlan ekhe logogun mene re, hobuk An nagainafuri a'luk inebe horek mene logolik enogo logogun mene erorasugun aro,” iluk yaganete.

IMAMAT 21:15

Hineisena Tuhan nebe Anat hilingi'mo. An nenat inoe kain mene Imam Agung logouwageluk enogo fisigirek. Andi nen he, aren wene melalek yi sagalhu halok he at againafuri inobabut horek logou mene re andi inebe emetlasugun,” isikhe.

MALEAKHI 2:11

It afuni Yehuda mene omanogo nen he, o Yerusalem en inom, o amukwe omanogo mondogat inom, At Allah nen it wene warisasikhe mene a'nogo taganhogo hilingitik, weak mondok hokhorogo hilingitik, hilingiti lagaukwa. Iren he o Tuhan Awi onggwaregen endawi hundik mene a'nogo weagerogo fikhi logolik he, aben he helime kembu dewa it ekhe inunggulenu hunogo mene nen fogerati lagaukwa mene omanogo ina'logomi woginafi lagaukwa.

MALEAKHI 2:15

Nineisena Allah Enupogoren hinebe pire lek, misigat logouwageluk hit hinagagwi hinom hinebe hinendawinggen misigat hilingisogo hinobagaikherek lek nogo? At Tuhan nen a'nogo hilingiterek andi nenahalok nogo? Hiren hinagainafuri Allah againafuri ebe mene taginabubagaik iluk a'nogo hilinghinaferego. Andi nen he weak hilingito hanogoluk hinonggwaregen hinendawinggen sebel fakhikhi logoino. Hinagagwi hinebe alageba woginafigip mene andi ineil salinafi'lek inoba lomborogo logoino.

1 KORINTUS 7:14

At he Allah a'logo mene nen, agun endawinggen Kristus oba himbiret figi'lek mene, waganek emberek fano lambukhogo welagaikharek andiba, agwe nen agun ebe Allah faget fisili'logo. Nen, andi hak at ap Allah amlogo mene nen, agwe endawinggen Kristus oba himbiret figi'lek mene waganek emberek fano lambukhogo welagaikharek andiba, agun en agwe ebe Allah faget fisili'logoat. A'nogo inebe Allah faget fisigi'lek logoilepma re, hinagainafuri inebe Allah meneat he, endakwe mene logoilebo.

2 KORINTUS 6:14

Hit afuni inendawinggen Allah oba himbiret figi'lek mene andi, hinom hunetubo. Afuni higithogo hilingiri'lagwi mene inom, komore'lek hilingiri'lagwi mene inom, inom hundik logogun nogo? O selek andi inom, o mum andi inom, inom misi'mo logogun nogo? Mondok elo'lego.

ULANGAN 14:2

Hit he hineisena Tuhan Allah onggwarek angge mene hilingik welagep. Nen afuni inunggulenu lombok o kweangma welagaikharek mene oma nen he At Allah nen hit enek he, At againafuri asuageluk penogo hinobagaikhe o.” iluk yagaisasikhe.

ULANGAN 7:6

Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.

YOSUA 22:15

A'nogo lagaukwasik he it a'nogo inunggulenu Ruben, Gad, Manasye o Gilead werek mene inom were'ma omanogo asi lagaukwa.

YOSUA 23:12

Nen, hiren At oba tiphogo hilingiti'legengge ap inunggulenu hit hinanggelek kwe welagaikharek mene hinom agaum fagaumhogo hilingitik, nen hiren it hinom wok-wok agik, hilingiti logogun halok he,