EZRA 7:23 - Allah Wene Fano Wene Hupla Inane

²³ Allah nen a'mage an noba figik, an nombo'ne menlasimbik melalinafi logogun mene inoba figik, hilingiti logoinogo re, it Israel mene ineisena Allah pogoroba mene nen at awi wuri'mo hilingiti logogun mene faget, kino yagahisikhi logogin mene higithogo nek wogeti logoino.

EZRA 7:23 ပူးပေါင်းရင်းမြစ်များ

EZRA 7:13

”An ninom, an nagoromi komotnafarek mene inebe 7 nen mene omanogo ninomenat, hat o kota Yerusalem inom Yehuda inom oba andoma laluk, it afuni andoma wene Allah nen komorinafikhe wene hat hoba fesikhe mene andi higithogo hilingiri'lagwi a? Lega, iluk isa lanogeluk yogondak an nen wene ikhi logolik he, mel ikhi lagi. It afuni Israel mene o an nen ferinarek welagirek oba yoma yi awi ti awi welagaikharek mene mondogat, it imam-imam mene mondogat inom, afuni Lewi mene inom, it ekhe inom, inendawimo nen he, O Yerusalem lelo e, iluk, anggili'lagwi mene halok, haren woginarek lano.

EZRA 7:18

Meneat he, perak inom, emas inom, fena tindelaga mene halok he, hat hagaila'lak hinomen helogoin anggogoin mene halok, hit hineisena Allah endawimo anggikhe higithogoat helano o.

EZRA 7:22

At wogeti logogun mene andi yi huliba wogeti logoino. Perak halok he, 3.400 kilo nen, gandum halok he, 10.000 kilo nen, anggur enggen amusu halok he, 2.000 liter en, minyak zaitun enggen amusu halok he, 2.000 liter en, mayu halok he, aren kino igin higithogo wogoti logoino.

MAZMUR 119:4

Tuhan nineisena, Hat hawene melalek a'nogo niren tiphogo hilingiti logouwageluk wo'nisegen.

KELUARAN 5:3

A'nogo yagaisasikhemo, it Musa Harun emberegen mel yagatukwa: ”Allah afuni Ibrani mene nineisena nit ninelokhoma menlagama o. Halok nit o leimo afuni le'ma andoma kweba ninenggi hup henagan nogoluk lagaikharesik arat kwi lagaikhare'ma andoma lambik, Nineisena Tuhan obaget, warogo nolesi logoin enggere, lani, iluk yaganisan o. Niren a'nogo hilingiti'lek halok, Allah nen he, nit ninebe wa'lasuageluk ou ninoba figik, athe, weim yafi logolik ninoasuageluk selei mene inenggiba ninobagagik, igin o,” iluk yagatukwa.

YEREMIA 29:7

Hiren yabu hilingiti logolik he o An nen hukhinabi lagagiba andoma fano logobagaigeluk hilingiti logoino. O kota-kota andoma inawene faget An noba samban ikhi logoino, andi re kota-kota andoma sik pik igin halok he hirogo hinebe sik pikhogo wialasugun o.

ZAKHARIA 12:3

Oba nen linggene andi asi wesigin oba re An nen Yerusalem andi re helep enggin mene hakhogo hilingisogo fagain o, nen it inunggulenu ekhe mene nen lekhogoin iluk hilingisugun mene re inebe alomat laga logogun. Ap kweangma werek mene inunggulenu lombok omanogo re misik sebe imbik he Yerusalem inom weim yabi wesugun.