EZRA 7:11 - Allah Wene Fano Wene Hupla Inane

¹¹ At raja Artahsasta nen surat enegengge palogo hun Ezra ebe imam logolik, wene melalek faget mondok elu-pelurek agun welagaikhe mene a'nogoba wogotikhe mene a'nogo ebere yi,

EZRA 7:11 ပူးပေါင်းရင်းမြစ်များ

EZRA 4:11

Surat andi ane re yi'nogo palek welagaikhe, ”Hun raja Artahsasta nineisena, it hamingmingengge o Efrat en fena mo ubuk ikherek fikhit welago mene a'nogo nen hai wathafi lago o.

EZRA 5:6

Hilingik mene a'nogo faget iren at raja ba wene lak fesukwa mene re yi:

EZRA 7:10

At Ezra a'nogo re Tuhan Allah awene melalek a'nogoba fi-furogo kumuthigik, wene melalek a'nogo ebe hilingitik, yi'nogo ti'nogo hilingi'no iluk werek mene omanogo afuni inunggulenu Israel mene a'nogo yagaisigik ikhi logogin iluk endawinggen ma nen we misik tukumet fuluk furogo hilingiti lagaikhe.

EZRA 7:12

”An raja nenu Artahsasta nen he, hat imam Ezra Allah Pogoroba along welagarek mene awene melalek helu-pelurek hagun a'nogo surat yi palheti lagi:

EZRA 7:21

Nen, hit o propinsi Efrat barat fikhit welagep mene nen uang kerajaan mene halhi lagep mene omanogo hinoba yagahisikhi lagi andi. Ap Ezra Allah Pogoroba mene awene melalek mondok elu-pelu agun andi nen yi mene ti mene kino yagahisugu halok he, weak-weakhogo nek wogeti logoino;

EZRA 7:6

Ma re, ap Ezra andi sekolah mondok yanggulhikhesik eluatma re, wene at nineisena Allah Israel mene nen komotninafikhe wene a'nogo, at Musa yagatikhemo, lisu palhikhe mene omanogo mondogat elu mondok welagaikhe. A'nogo were'ma, at nineisena Tuhan nen Ezra ebe fanotfikhi lagaikhe andiba, at Ezra nen raja Artahsasta ba yi mene ti mene legen kino yagatunem ane hologoat wogoti lagaikhe. A'nogo wogeti lagaikhe andi re, at Artahsasta ebe raja menlagaikhesik logolik tahun 7 meneba were'ma, at Ezra inom, imam mene ekhe inom, afuni Lewi mene ekhe inom, wuni watu inelu mene inom, Allah awi wuri'mo kwe ambe palek oba kagelek logogun mene inom, nen yabu Allah awi wuri'mo hilingiti logogun mene inom, mondogat inagoromi inom inebe misik lambukhogo re, o Babel en Yerusalem wesuogeluk woginarek wagaikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 23:2

mel yagaisasikhe: ”It ap Allah ane lisu palek eisewerek mene inom, ap Farisi mene inom, inomen he, at Musa nen wene Allah nen komotninafikhe wene a'nogo yagaisikhi lagaikhe andi hak, obali'mo re, iren yagahisili'lagwi andi nen he,