EZRA 7:1 - Allah Wene Fano Wene Hupla Inane

¹ A'nogo hilingiti lagaukwasik oba nen, tahun ekhe hokhorogo welagaukwasik, afuni o Persia mene inoe raja ekhe enu Artahsasta kain logolik ferinarek welagaikhe andem oba, ap ekhe ebe Imam Agung Harun nen tagoma mene, enu Ezra andi welagaikhe. Ezra ta'lagaikheba nen wurep fikhiren ero fikhit wenarik wagaukwa mene re, yi'nogo: Ezra andi re, Seraya amlogo. Seraya re, Azarya amlogo. Azarya re, Hilkia amlogo. Hilkia re, Salum amlogo.

EZRA 7:1 ပူးပေါင်းရင်းမြစ်များ

2 RAJA-RAJA 22:8

At Safan nen, ”Raja Yosia nen a'nogo ikhe,” iluk Hilkia yagatikhemo, at Hilkia nen he Safan oba mel yagatikhe: ”Buku nineisena Tuhan nen, Wene melalek yi'nogo hilingi'no, ti'nogo hilingi'no, iluk komotninafikhe wene lisu palek werek mene a'nogo o Tuhan awi wuri'mo yoma were'ma herati o,” iluk buku a'nogo at Safan wogotikhemo, enu salhikhe.

2 RAJA-RAJA 25:18

At Nebuzaradan nen a'nogo waluk laga logolik, ap Allah eisewerek mene inoe kain enu Seraya ebe inom, leberisikhi lagaikhe mene enu Sefanya andi inom, ap inebe henagan mene Tuhan Awi wuri'mo kweba wulibik kwigik ugunem kagalek welagaukwa mene inom, ap inebe fuaben mene ap raja onggwarek endawinggen ago wati lagaukwa mene attak woginarek lagi'lek o kota welagaukwa mene inom, ap tentara inoe kain mene ebe inom, at awe a'ma mene it tentara inobaget lisu palhi lagaikhe mene inom, ap kaindek ekhe inebe 60 nen inom, inebe fakfisasikhe.

2 TAWARIKH 34:15

A'nogo heratikhesik he, at Hilkia nen Safan oba ikhi logolik he, ”Buku Tuhan awene melalek palek a'nogo an nen o Tuhan Awi wuri'mo yoma nogo nen herati o,” iluk yagatikhe. Andi yagatikhesik he buku a'nogo at Safan enggimo wogetikhe.

2 TAWARIKH 34:9

It Lewi inap o Tuhan Awi wuri'mo a'nogo solombonma kagalek welagaukwa inap omanogo nen he, it afuni Efraim mene inom, Manasye mene inom, it afuni kerajaan utara fikhit welagaukwa mene nen inom, it afuni Yehuda, Benyamin mene nen inom, it afuni Yerusalem mene nen inom, uang fesukwama iren kabogetukwa mene omanogo hun Imam Agung Hilkia a'nogo wogosi wagaukwa.

EZRA 4:7

Andi hakhogo re at Artahsasta o Persiaba Kaisar mendek logolik melalinafi lagaikheba ogo, it hun Bilsam inom, Mitredat inom, Tebeel inom it inagaila'lak fenakwe inom, en nekhe mene surat raja ba palhukwaat. Surat palhukwa andi re Aram inaneba palhukwa ma re pilingisuogeluk he it ekhe nen agam etu kwelek wenati lagaukwa.

EZRA 6:14

A'nogo hilingitu kwelek, it ap Allah ane yagaisikhi lagaukwa mene Ido amlogo enu Zakaria inom, nen, ap enu Hagai inomen, ”Wu'ni o,” iluk inendawinggen ago watu kwelek, it afuni Yahudi mene inogogwi kaindek omanogo nen o ebe wutukwa. O weak-weagat wutukwa andi re, wene it afuni Israel mene ineisena Allah a'nogo nen, ”Yi'nogo wu'no,” iluk isikhesik oba nen, it afuni o Persia mene inogogwi raja Kores nen inom, Darius nen inom, Artahsasta nen inom, yagaisasukwa higithogoat o a'nogo mondogat eil hondologo wutukwa andi.

EZRA 7:10

At Ezra a'nogo re Tuhan Allah awene melalek a'nogoba fi-furogo kumuthigik, wene melalek a'nogo ebe hilingitik, yi'nogo ti'nogo hilingi'no iluk werek mene omanogo afuni inunggulenu Israel mene a'nogo yagaisigik ikhi logogin iluk endawinggen ma nen we misik tukumet fuluk furogo hilingiti lagaikhe.

EZRA 7:12

”An raja nenu Artahsasta nen he, hat imam Ezra Allah Pogoroba along welagarek mene awene melalek helu-pelurek hagun a'nogo surat yi palheti lagi:

EZRA 7:2

Salum he, Zadok amlogo. Zadok he, Ahitub amlogo.

EZRA 7:21

Nen, hit o propinsi Efrat barat fikhit welagep mene nen uang kerajaan mene halhi lagep mene omanogo hinoba yagahisikhi lagi andi. Ap Ezra Allah Pogoroba mene awene melalek mondok elu-pelu agun andi nen yi mene ti mene kino yagahisugu halok he, weak-weakhogo nek wogeti logoino;

NEHEMIA 2:1

Allah ayonggo a'nogo fikhi lagagisik, tugi nit wenatorek higithogo 4 oba welagagisigen, tugi ekhe enu Nisan agarek andiba, nenggi ekhe sambul at raja Artahsasta amburu nuggu were'ma, an noba sinurogo logolik, at agai anggur amusu mene hinagaisogo wogotigi. An at elokhoma a'nogo hilingiti lagagi lek mene, andi sambul enek he, a'nogo hilingiti andi.

NEHEMIA 8:1

It afuni Israel mene inawi kota welagaukwa kwe lombok kwi wagaukwasik were'ma tugi iren wenati lagaukwa higithogo 7 mene folelhikhemo re, tanggal 1 ba inebe mondogat o Yerusalem leget pak leget ambe palek mene enu Pintu Gerbang Air salhukwaba andoma elonggoma o silimo andogotukwa. A'nogo andogotukwasik he buku Allah awene melalek afuni Israel mene faget Musa ba fesikhe mene a'nogo ap imam Ezra wene TUHAN nen, ”Yi'nogo hilingiti logoino, ti'nogo hilingiti logoino,” iluk komorinafikhe wene andi mondok elu agun a'nogo nen wanuageluk yagatukwa.