EZRA 5:6 - Allah Wene Fano Wene Hupla Inane6 Hilingik mene a'nogo faget iren at raja ba wene lak fesukwa mene re yi: အခန်းကိုကြည့်ပါ။ |
EZRA 5:6
7 ပူးပေါင်းရင်းမြစ်များ
At Artahsasta nen surat lakfesikhe mene a'nogo it Rehum inom, Simsai inom, it inagaila'lak omanogo inom, inoba pilingisogo yagaisasikhemo re, it ap a'nogo o Yerusalem lagaukwasik he, it afuni Yahudi mene nen o kota nekhengge wuti lagaukwa mene a'nogo inane nen ninghogo wusugun lek iluk kwe palhukwa.
Oba nen he at Gubernur Tatnai o propinsi Efrat barat fikhit a'nogo inom, Syetar-Boznai inom, at agaila'lak inom weak-weak o Yerusalem wagaukwasik it afuni Yahudi mene omanogo heinok wogisikhi logolik he, ”Hit he sa nen yagahisikhemo O Wene kabogetuba ari wutik, elonggokwe oma fougeratik ikhi lagep?” iluk heinok wanhukwa.
A'nogo heratukwama, at Darius en wene a'nogo onggo lisu palogo lakfei waga logolik he yi'nogo isikhe: ”Hat Tatnai gubernur o propinsi i Efrat aik iliba mo ubukhogo kwi lagarek higit andoma ferinarek welagen mene inom, hat ap kain Syetar-Boznai inom, hinagaila'lak kaindek fena andoma welagep mene inom, wene heinok wanhep mene a'nogo, onggo hinoba lakfei wagi yi. Hiren afuni Yahudi mene nen o ineisena Tuhan Allah Awi wutunem andi re menggelinabi la fuk. Andi nen he, it gubernur o propinsi Yehuda mene inom, nen it Yahudi mene inogogwi kaindek inom, ineisena Tuhan Awi wurik welagaikheba andoma hobuk wusuageluk hineil feino o.
A'nogo hilingfogosik he, at raja nen lisu palogo it wogisasikhe mene a'nogo re iren ap o Propinsi Efrat barat oba welagaukwa mene gubernur inom, it yabu legoma hilingiri'lagwi mene omanogo inom, inoba yagaisikhe. Yaisikhemo re it ap yabu legoma hilingiri'lagwi inap omanogo nen he it afuni a'nogo TUHAN Awi wuri'mo omanogo kabogetu logouwageluk yi mene ti mene leberisaga andi.
ကြော်ငြာတွေ