EZRA 5:11 - Allah Wene Fano Wene Hupla Inane

¹¹ A'nogo hilingito ma nen he, ”Iren onggo yaganisikhi logolik he, ’Nit he At Allah pogot inom kweang inom walhasikhe mene onggwarek agun a'nogo amingmingengge mene welago, tahun-tahun engge hilingiti lagagu mene omanogoba it afuni Israel mene faget raja mondok lego mene welagaikhe mene a'nogo nen o Tuhan Awi yi wutikhesik fik-foukhogo hilingfesikhe mene a'nogo niren nekhengge wuti lago yi.

EZRA 5:11 ပူးပေါင်းရင်းမြစ်များ

KEJADIAN 24:3

Kwelakfembik he, Tuhan Allah pogot kweang enggiba welagarek mene a'nogo enuba hombuk mel iluk palin: An nen Abraham amlogo Ishak agwe afuni o Kanaan yoma mene herasigin lek.

1RAJA-RAJA 6:38

A'nogo watikhesik, wuti lagaikhesik at Salomo nen afuni Israel mene ferinarek 10 tahun welagaikhesik, tahun ekhe 11 meneba ferinarek logolik, tugi it inenggi wenati lagaukwa higithogo, inenggi 7 ba wenatukwasigen ekhe 8 wenati lagaukwa mene tugi enu Pul andiba aren, ”Tuhan Awi andi, ti'nogo wusigin,” iluk anggasikhe higithogoat wurik waga lagaikhesik eil hondologo wutikhe. Tuhan Awi andi wutu kwelek he, 7 tahun hilingitukwa.

1RAJA-RAJA 9:10

At Salomo nen, Tuhan Awi inom nen at raja ebe werek oba istana inom 20 tahun nen oba logolik wutikhe.

EZRA 5:10

Andi nen it ap yabu hilingitu mene faget kepala welagaikha mene andoma ogo heinok wanhosik he inenu lisu palogo ninoe hat yagahesugun nen iluk hilingito.

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

MAZMUR 136:26

At Allah pogoroba along werek mene andi nek hai wati logoni, Endawi hundik hilingninaferek mene andi re mondok-mondok logogin mene,” iluk hai warogo wuni watikhe.

DANIEL 3:26

Andi nen at Nebukadnezar ebe endu fesukwaba kwe ambeba a'nogo lagaikhesik, ane hokho mene kweti logolik mel isikhe: ”Sadrakh, Mesakh, Abednego, hit hinebe Allah Lego Mondok welagarek mene a'nogo amingmingengge mene yi sani. Hit hinebe endumo ari nen wulibi we'ni a,” iluk ane kwetikhemo it aremnogo wulibi wagaukwa.

YUNUS 1:9

A'nogo yagatukwama aren he, ”An nebe Ibrani mene o. Neisena Tuhan Allah pogoroba mene i laut yenggelek inom, kweang inom, elalhikhe mene andi fogeratirek mene o,” iluk yagaisasikhe.

MATIUS 10:32

A'nogo yagaisasikhesik, ekhe mel yagaisasikhe: ”Sa nen, Yesus andi an noe o, iluk, afuni ineilhanem ane fakhogo ugu halok he, an nen ogo re, at andi An nagoro, iluk neisena pogoroba mene eilhanem, nane fakhogo igin aro.

LUKAS 12:8

A'nogo yagaisasikhesik, ekhe mel yagaisasikhe: ”Ap sa nen, Yesus andi an noe o, iluk afuni ineilhanem fakhogo ugu halok he, An Abat ta'lasi wagagi a'nogo nen ogo re, At yi an nagoro, iluk, it malaikat Allah nen yonggo lakfisa wagarek mene omanogo ineilhanem nane fakhogoat yagaisagain o.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

ROMA 6:16

Hit he, ap ekhe amingmingengge a'luk he, ane holek logouwogeluk, awe a'ma kuluk logolik, at ane holhi lagep halok he, at amingmingengge meneat welago iluk hinonggot nogo? Weak hilingitarek mene andi awe a'ma kuluk he, wurep oba wa'lagaikharek andi. Meneat he, at Allah ane hologo logolik he, at awe a'ma kugunem, wurep oba aren wene ninoba mene korogo wokhaluk at ninom hobuk ninambotkwe hunogo ninobagaikherek andi.

GALATIA 6:14

Mene re, an yi mene ti mene faget fogerakhagain mondok nabiro. We, ninoe Enupogot Yesus Kristus eba menfuluk watukwa mene a'nogo faget enek fogerakhamo elok. At ebe watukwa andi nen, afuni kweangma inobabut inetogat logolik hilingitarek mene andi arat mabenetfisasikhe anggigi. Halok he, afuni wa'la'luk, yi mene ti mene hilingisugun oba inonggot agarek hak, afuni inobabut inetogat logolik hilingitarek mene a'nogo inonggoret fisasigi andi.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.