EZRA 4:5 - Allah Wene Fano Wene Hupla Inane

⁵ It Yahudi mene nen yabu hilingisugun iluk wene melalhukwasik hilingiti lagaukwa mene a'nogo sugwi asuageluk he, it afuni omanogo nen he ap pemerintah Persiaba yabu lego mene logolik hilingitarek inap omanogo onggo palinabi laga lagaukwa. A'nogo hilingitu werek kwelek enek he at Kores raja welagaikhesik obali'mo Darius inoe raja menlagaikhe huliba asi lagaikhe.

EZRA 4:5 ပူးပေါင်းရင်းမြစ်များ

2 TAWARIKH 22:4

At Ahazia eisena wa'lagaikheba andem he it hun Ahab eisok erokwe mene omanogo re Ahazia komotu mene agaukwasik komotunem he, it Ahab eisok erokwe mene andoma nen hilingiti lagaukwa hakhogo re at Ahazia ogo Tuhan elokhoma kwanirogo nek hilingiti lagaikhe. At Ahazia ebere it komoti lagaukwa mene andoma nen alomarogo fesukwa.

EZRA 4:24

O Tuhan Awi wuti lagaukwa mene a'nogo kwe palhukwaba nen, ap inoe raja ket mene Darius it afuni Persia mene faget menlagaikhesik melalinafu werek kwelek enek he tahun pire hilinglagaikhe.

EZRA 4:4

A'nogo isukwama re it afuni o attagen engge andoma welagaukwa mene omanogo nen he o wusuogeluk isukwa mene a'nogo legasuageluk he it afuni Yahudi were'ma omanogo youk kwelabi wagik, inaberali kwelaginafik, hilingiti lagaukwa.

EZRA 4:6

At Ahasyweros raja menlagaikhesik ket melalinafi lagaikhe andem oba re it afuni Yerusalem mene inom, Yehuda mene inom, inaselei mene omanogo nen he surat ekhe wene warek mene a'nogo oak lolugun iluk lisu palhukwa.

EZRA 5:5

Oba nen he it afuni Yahudi mene inogogwi melalinafi lagaukwa mene aremnogo At Allah nen fut fisasikhesik he, inalong palogo ferinarek were'ma re it ap o Persia oba yabu hilingiti lagaukwa inap aremnogo nen he, at Darius oba surat lak fembik onggo oan yaganisigi'lek kwelek he niren ferekhogo hilingisugun lek iluk he wene a'nogo herakfesukwa.

DANIEL 10:13

Malaikat o Persia kagalinarek logolik werek mene a'nogo nen enggi 21 hari andem oba re an nomame leget nobagagin iluk hilingite. A'nogo hilingitemo nen he it malaikat melalinafarek mene misik ekhe enu Mikhael a'nogo nen an lebetnabi waga. Nen at ebere an nen o Persia andoma fuluk wagi o,” iluk yaganete.

NAHUM 1:11

Hat hoba nen ap misik ekhe endawimo nen weak hilingisigin iluk wenggeli'lago mene arat weinam agama werego. Aren he Tuhan ane sagalogo hilingitu awene a'nogo nek yagaisili'lago.