EZRA 4:2 - Allah Wene Fano Wene Hupla Inane

² Andiba re, iren hun Zerubabel inom, it afuni ineisok erokwe lombok omanogo faget kepala welagaukwa mene omanogo inom, inoba ikhi logolik he, ”Nit he hun Esar-Hadon raja Asyur mene a'nogo nen wo'ninarek o yoma wagaikhe huli nen engge, niren hundik-handik Allah oba wam warogo noleti lagoma re, ninagaila'lak hiren hilingiti lagep hakhogo, niren ogo ninom hit ninagaila'lak hineisena Allah andiba wene kabogeti logogun nen he, o Tuhan awi ari nit ninom wusuogen he fano ini o,” iluk yagaisasukwa.

EZRA 4:2 ပူးပေါင်းရင်းမြစ်များ

KEJADIAN 10:11

Andoma nen at o Asyur lagaikhesik o it kota Niniwe inom Rehobotir inom Kalah inom,

2 RAJA-RAJA 17:24

It afuni Israel mene huginabi lagunem woginapluk lagaukwa mene omanogo inobali'mo re raja Asyur mene nen o Samaria kota andoma bene re afuni Babel mene inom Kuta mene inom, Awa mene inom, Hamat mene inom, Sefarwaim mene inom, andoma fisa wagaukwa. Afuni andoma o andi kwi wagaukwasik femhogo welagaukwa.

2 RAJA-RAJA 17:41

Ariginhi lagaukwa andiba re, iren Tuhan fogerati logoligat he, kembu faget ogo fogerati lagaukwaat. Nen huli yogondagen ogo re, iren tagomangge mene nen a'nogo nek hilingitu mondok werek.

2 RAJA-RAJA 19:37

A'nogo lagaikhesik, inenggi ekhe sambul he, it afuni o Niniwe mene nen he, tugwi kembu faget, ”Nineisena ebe yi aro,” iluk agarek mene enu Nisrokh andi faget hilingitunem, at Sanherib onggwarek againafuri Adramelekh inom, Sarezer inom, emberegen karok weim yafarek meneba watukwa. A'nogo warogo fuluk heise o Ararat lagaukwa. A'nogo watukwama, at Sanherib obulu'mo amlogo ekhe enu Esarhadon andi raja menlagaikhe.

EZRA 1:5

Wene a'nogo wulafikhemo, it afuni inunggulenu Yehuda mene, Benyamin mene, inogogwi kaindek inom, ap imam omanogo inom, ap Lewi mene omanogo inom, nen it afuni ekhe inebe lombok Allah nen inendawimo kagalhikhe mene omanogo mondogat Allah awi o Yerusalem a'nogo wusi wesuogeluk inasunggwe tegelogo fesukwa.

EZRA 2:2

It afuni andoma wagunem melalinafi lagaukwa mene re hun Zerubabel, Yesua Nehemia, Seraya, Reelaya, Mordekhai, Bilsan, Mispar, Bigwai, Rehum, Baana inom andem. It afuni Israel mene nen inunggulenu akhogo hilingik mene omanogo ineisok erokwe lombok ap inebe wagaukwa mene inom, wenagaisogo hele warogo welagaukwaba omanogo nen inaiba wagaukwa mene re inebe inenu palek he yi:

EZRA 3:12

A'nogo meneat he, ap inaluendek fena inebe hokhorogo omanogo inebe imam mene inom, afuni Lewi mene inom, it ekhe ineisugwi inebe arat yaman agaukwa mene inom, Allah awi attak wurik welagaikhe mene a'nogo ineilenggen hasukwasik inelure'ma nogo nen he, o hobuk Allah awi wusuogeluk tik watunem andi ineilenggen logolik he o attak mene oba ebethikhi logolik le inane mondok hokhorogo agaukwa. Meneat he, it afuni fena welagaukwa mene omanogo inendawimo inagaiyek hokhorogo hikhi logolik, inane hokhorogoat a'mit sup ikhi lagaukwa.

EZRA 3:2

Andogotukwasik logolik he, Yozadak amlogo, Yesua agaila'lak imam omanogo inom, Sealtiel amlogo, Zerubabel a'nogo agaila'lak inomat en, attagat at Allah amingmingengge Musa a'nogo nen, ”Nineisena Allah anggo warogo a'nogo noleti logoino,” iluk isikhesik lisu palhikhe higithogo noleti logouwogeluk, yi mene ti mene nineisena Allah Israel faget noleti logogun oba a'nogo, hobuk wutukwa.

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

MAZMUR 73:8

Inane asegen waganogo weagerinabugun mene nek hilingitarek, Inonggwarek fogerakhikhi logolik, enggin mene inoba fogoin iluk inailo asu hak mene nek yagaisagarek.

YESAYA 37:37

A'nogo hilingik welagaikhemo re raja Asyur mene Sanherib a'nogo higil agaikhesik sugulogo re o Niniwe lagaikhe.

YESAYA 37:38

Linggene ekhe sambul he at ebe anggembu dewa Nisrokh eroma omanogo nen obaget hilingitunemen he, at ebe hun Adramelekh inom Sarezer inom at againafuri omanogo nen karok oba talogo watukwa. Ariginhukwasik he Esarhadon amlogo ekhe amu mene at obali'mo raja menlagaikhe.

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

GALATIA 2:4

A'nogo meneat he, it ekhe meneat he, ninagaila'lak Allah againafuri mene hak hilinglagaukwasik hinagaisogo kwi wagaukwasik he, agap enggalimo mene paluageluk isukwaat. A'nogo hinagaisogo kwi wagaukwasik he, nit Kristus ninom misigat a'luk ninale'ma logolik ninobabut hilingitorek mene andi, iren he, ”Ero ninggi'nogo nen hilingiri'lagwi,” iluk ero herasuogeluk kwi wagaukwa andi. A'nogo herakfuluk inawe a'ma ninobagasukwasik it hilingitarek mene andi hilingiti logouwageluk ineilenggen nisa kwi wagaukwa andi.

2 TIMOTIUS 3:8

Attagat, it ap Yanes inom, Yambres inom, Musa ane sagalogo herakfisaluk hilingitukwa hak, it andi ebe wene sagalogo herakfisaluk weak hilingiti logolik, inendawimo nen wene higit mene ebeti'lek, weak mene eberi'lagwi andi. A'nogo eberi'lagwi andiba, inendawinggen Allah oba himbirik mene kobokhogo herakfisaga iluk, enegat asigin andi.