EZRA 3:4 - Allah Wene Fano Wene Hupla Inane

⁴ A'nogo hilingiti logolik, iren ekhe re yi'nogo hilingiti lagaukwa. O attagat inombalak O Sabu Enggaba salhigik welagaukwa mene a'nogo inendawinggenma eberek logolik, pesta hilingisugun oba higit asi wagaikhemo re, hilingitukwa. A'nogo hilingiti logolik, o ebe lombogat, ”Yi sambul yi'nogo warogo nolesugun,” iluk wene palek werek higit hogoat warogo ineisena Allah faget noleti lagaukwa.

EZRA 3:4 ပူးပေါင်းရင်းမြစ်များ

1 TAWARIKH 16:37

A'nogo hilingitukwasik he, at raja Daud en he, it hun Asaf inom, ap Lewi inap fena inom he Peti Tuhan nen wene warek a'nogo o fisogo were'ma andoma nen Tuhan fogerati logolik hilingitu mene faget hundik-handik halhi logouwageluk menfisasikhe.

2 TAWARIKH 31:16

It ap enek inebe umur 30 tahun ambolkwe asi lagu mene linggene hundik-hundik o Tuhan Awi wuri'mo yabu hilingisi kwigik, wulifik hilingiti logouwageluk fisikhi lagaukwa mene omanogo ogore, it inebe ineabu lombok hilingik higithogo inebe kaboksek higit-higit nunggu mene sumburisikhi lagaukwa.

KELUARAN 23:16

Hit hineabumo nen Enggen Palogo erosugun andi faget hinagaiyekhogo fogerati logolik isati logoino. Tahun wurep kobokhogo hiren yi agayonggen ti agayonggen inom, anggur yabumo nen enggen taganek mene inom, kabogetu sambul andem oba re hiren Seni O Sabu wuto mene andi faget isati logogun.

KELUARAN 29:38

”Inenggi ekhe sambul-ekhe sambul linggene hundik-handik andoma re, mezbah andi amboloba andoma domba ai mene pire umur satu tahun oba mene warogo nolhi logogun.

KELUARAN 5:13

Wulifukwama, afuni Israel mene yabu hilingitu kwelek kwelaginarek welagaukwa mene omanogo nen he, it afuni Israel mene omanogo mel yagaisasukwa: Hinenggi misik oba re, engga puk engga wokhisugunem helep hokhorogo werati lagep hagat werasino o. Endebat werasugun lek, iluk inane ning-nanghogo yagasikhi lagaukwa.

IMAMAT 23:33

At Allah nen Musa a'nogo yagatikhesik ekhe mel yagatikhe: ”O Sabu e Engga Palogo salfuluk Pesta nouwogeluk, tugi 7 mene tanggal 15 oba attak mene nambik, huli 7 hari nen ninggi logoino o.

BILANGAN 29:39

Andire hiren hinenggi hokho mene logogun aremnogoba fogerati logolik he, Tuhan endawimo fanorogo iluk warogo nolhu mene nolhik, amep lek mene wogetik, anggur agai hinago wogetik, lambulogo ninobagagu mene iluk warogo noletik, ikhi logogun. Andoma mondogat he hiren yi'nogo hilingisugun iluk hinane menfogoin mene a'nogo faget inom, nen hinendawi fano nen warogo nolhu mene a'nogo faget inom, oba andoma mangot fugu mene faget fikhi logogun.

YOHANES 7:2

A'nogo nikhi lagaikhe andem sambul he, it afuni Yahudi mene o endamat O Sabu Enggaba wutfuluk welagaukwa mene inendawimo eberogo seni isago nogoin oba arat horogasi wagaikhe.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.