EZRA 3:11 - Allah Wene Fano Wene Hupla Inane

¹¹ A'nogo fogeratu kwelek, it afuni mondogat omanogo nen ineisena Tuhan fogeratu logolik wuni elugun warogo hobugalep agap sagalogo watu logolik, yi'nogo ikhi lagaukwa: ”Nineisena Tuhan andi re fano mondok logolik, nit afuni Israel mene ninoba endawi hundik ninafu mondok welagarego,” iluk wuni watunem, o Tuhan awi a'nogo wusuogeluk, o tik arat watukwa. A'nogo watukwa andi nen he, afuni omanogo mondogaren inendawimo inagaiyegen he a'mit sup igik, wuni watik, ikhi logolik, ineisena Tuhan fogeratukwa.

EZRA 3:11 ပူးပေါင်းရင်းမြစ်များ

1 TAWARIKH 16:34

Tuhan andi re mondok fani-fanore'ma re hai wati logoni o, Aren endawi hundik hilinginaferek mene andi re mondok-mondok logogin mene o.

1 TAWARIKH 16:41

At imam Zadok a'nogo inom, it imam fenakwe omanogo inom he, Tuhan en endawi hundik hilinginafu mene andi mondok-mondok logogin iluk, wuni Tuhan fogeratu awuni ikhi logouwageluk wenagaisogo fisasikhe mene re, hun Heman inom Yedutun inom it ap fenakwe amu mene inom andi nen leberinafi lagaukwa.

2 TAWARIKH 7:3

Ariginhikhe sambul andi it afuni Israel mene nen endu pogoroba nen pi wagik, Tuhan Aselek ombak-bak a'nogo Tuhan Awi wurik a'nogoba hoposi pi wagik, ugunem a'nogo ineilenggen mondogat hasukwasik he, At Tuhan mondok fano mene nen endawi hundik mondok-mondok ninafi logolik were'ma, iluk Tuhan fogeratukwa.

NEHEMIA 12:24

It ap inogogwi melalinafu mene hun Hasabya inom, Serebya inom, Yesua inom, Binui inom, Kadmiel inom, andem en melalinafu kwelek he it ap Lewi inap a'nogo inebe sumburogo kabok-kabok fisasukwa. A'nogo fisilik lagaukwama logolik, linggene hundik-hundik at raja Daud Allah amingmingengge a'nogo nen wene melalek fesikhe higithogo it andi inebe kabok pire mene hilingfuluk he TUHAN fageratik, wuniba onggo lak figik, wak figik, hilingiti lagaukwa.

NEHEMIA 12:40

A'nogo asi lagagumo re ap wuni ugu inap esa pire aremnogo re hilingirik-hilingirik o TUHAN Awi wuri'mo horokhogo omanogo asi lagaukwa. Esa an ninom laga lagagu mene a'nogoba it melalinafu mene omanogo werek kwelek oba nen he,

MAZMUR 100:5

Tuhan andi re mondok fano, nen Aren endawi hundik hilinginaferek mene andi re mondok-mondok logogin mene. Nen ninebe ta'larik lagu kwelek, At he ninoba lombokhogo logolik higithogo mondok hilingiterek, iluk wuni watukwa.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 106:1

At Tuhan andi re ebe fano mene logolik, Aren endawi hundik ninaferek mene a'nogo re etok mondok logoginmo re, At oba hai watu mondok logoni o.

MAZMUR 107:1

Tuhan obabut fano andi nen, hai wati logouwogo o. Aren endawitninafu mondok welagarek andi nen, fogeratu mondok logouwogo.

MAZMUR 118:1

Nineisena Tuhan obabut fano nen, endawit ninaferek mene andi mondok-mondok logogin mene hilingi'mo re, hai watik fogeratik ikhi logouwogo.

MAZMUR 131:1

Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

MAZMUR 135:3

At Tuhan ebe fano andi nen he, Arenek fogerati logoni, At endawinggen lebeksek andi nen he, At enu nek seralhu logoni!

MAZMUR 47:1

It ekhe nen wuni wati logouwagaluk, ap Korah werekwe mene nen wuni felalogo watukwa mene.

MAZMUR 47:5

Nit Yakub en tagongge mene re, Aren nit ninebe endawit ninafesik, nit ninanggweang eise a'luk logouwagaluk he, wenagaisogo wo'nisasikhemo ninalonghogo welagorek andi o.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 44:23

Hat pogot yi re, hagaiyegeti logoin, nen hit fena kweang elonggoma welagep mene nen ogore hinagaiyegeti logoni, Israel At againafuri a'nogo onggo palinafe andiba re, Tuhan omame hokho mene a'nogo inugisikhe. Andiba re, hit tom-tom andoma nen hinagaiyegetik, o engga ogoi andoma nen inom, nen e ebe lombok anggelekwe andoma mondogaren inom ogore inagaiyegesuagat!

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

HAGAI 2:3

”Hit he An nawi yi o attak mondok fanorogo wurik welagaikhe mene a'nogo eberek welagep mene ekhe welageba? Hiren anggikhi logolik yogondak he ninggi'nogo hilingik anggikhi lagep? Hinendawimo anggalek hak hilingik lek nogo a?

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

LUKAS 1:50

Afuni mondogat, attak ta'lagaukwa mene inom, ket ta'lagaikha mene inom, hobuk ta'lasugun mene inom, at ebe inailo were'ma endawi nen fano hilinginafi logogin o.

YOSUA 6:10

A'nogo louwogeluk ugunem, at Yosua nen he, it ap tentara omanogo mondogat inoba yi'nogo yagaisasikhe: ”Hinane ami'mit sup igik, hinane nguluk igik, ekhe ugun mondok lego. We, an nen, hinane a'mit subini, igi halok enek he, subino o,” iluk yagaisasikhe.

YOSUA 6:16

Inenggi 6 en maset hasukwasik, hobuk ekhe 7 ba maset houwogoluk, it ap imam en inambinggong ane hokho mene a'nogo anethugunem he, at Yosua nen he, afuni omanogo mondogat inane ami'mit sup uagaluk yagaisikhi logolik mel yagaisasikhe: ”Nineisena Tuhan nen o kota yi nit ninenggiba arat fikhe o.

YOSUA 6:5

A'nogo walinget hikhi logolik, hobuk he, it ap imam andi nen inambinggong ane palfigi'lek hundik ugu mondok logouwak. A'nogo ugu mondok were'ma ane hinesanggo holhep halok he, it hinagoromi tentara omanogo mondogat inane ami'mit unggunggu ane hak subuago. A'nogo ugunem he, leget pa'leget wurik mene andi mondogat erabisak meisak langguk igin o. A'nogo hilinglagunem he, hit hinebe mondogat hinelokhe tukhum o kota andi kwi lano o,” iluk yagatikhe.