EZRA 3:10 - Allah Wene Fano Wene Hupla Inane

¹⁰ It ap tukang omanogo nen Allah awi a'nogo wusuogeluk tik watunem a'nogo re, it imam-imam omanogo, inasu endakwe uan mene laberogo, inebe mondogat he, pinggong ane hokho mene a'nogo inenggim lombok wanhukwasik he inobalik lombok tegelik lagaukwa. A'nogo were'ma afuni inunggulenu Lewi mene ap Asaf en tagongge mene omanogo re andoma mendek logolik, abologet hugu mene magendek mene omanogo inebe lombok fisogo welagaukwaat. Fisogo logolik, attagat at Daud en, Wuni pinggong oba yi'nogo wati logogun, iluk isikhemo awene palek werek higithogoat, pinggong andi wati logolik, Tuhan fogeratukwa.

EZRA 3:10 ပူးပေါင်းရင်းမြစ်များ

1 TAWARIKH 15:27

A'nogo hilingitukwa sambul andi re at Daud he asu kain linen eil sakhorek meneba seleben segengge laberogo, nen it pinggong warik laga lagaukwa mene inom, hun Kenanya it melalinafi lagaikhe agun andi inom, it Lewi inap inom, ogore a'nogo nek laberek welagaukwa. Nen at Daud ogore asu efod su mene labetikheat.

1 TAWARIKH 16:37

A'nogo hilingitukwasik he, at raja Daud en he, it hun Asaf inom, ap Lewi inap fena inom he Peti Tuhan nen wene warek a'nogo o fisogo were'ma andoma nen Tuhan fogerati logolik hilingitu mene faget hundik-handik halhi logouwageluk menfisasikhe.

1 TAWARIKH 16:42

At Heman inom Yedutun inom he, iren trompet inom simbal inom kwengeti lagaukwa mene andi inom, pinggong amu mene inom, wuni Tuhan fogeratu awuni watunem andi watu logouwageluk fisasikhe. It inunggulenu Yedutun mene nen agoromi a'nogo re kwe ambe palek hokho mene kwi wagaikharek kwe omanogo kagalek logouwageluk fisasikhe.

1 TAWARIKH 23:5

Nen it inebe 4.000 nen he yaga werek mene faget fisasikhe, nen 4.000 ekhe re wuniba Tuhan fogerasuogeluk pinggong fouksegenggeba anethugu mene faget fisasikhe.

2 TAWARIKH 35:14

It ap imam inap andi re wam noletu mene omanogo faget inom, asei noletu mene omanogo faget inom hilingitu kwelek enek he inoba nen o hubaga lagaikhe. A'nogo hilingitu logolik it ap Lewi inap andi nen wam it inonggwarek faget mene inom, it ap imam Harun nen tagongge omanogo faget mene inom, fougerati lagaukwa.

2 TAWARIKH 35:15

It inunggulenu Lewi mene nen inunggulenu akhogo hun Asaf ambisangma mene pinggong watu mene faget mondok inelu-pinelu inap omanogo re, at raja Daud en ineabu fisasikhe mene higithogo ineabumo inobalik lombok welagaukwa. It ap andi inenu re yi: Asaf, Heman, Yedutun, at ebe re nabi oba nen at raja obaget yabu hilingiti lagaikhe mene a'nogo inom. It ap kwe kuguba kagalek werek mene omanogo faget ogore it ap Lewi mene fenakwe nen leberinafunem, it ineabu were'ma omanogo nen herakfuluk lagi'lek we omanogo nen enek Paskah a'nogo hilingiti lagaukwa.

EZRA 5:16

A'nogo ikhemo re, at Sesbazar a'nogo o Yerusalem yoma wagasik he o Tuhan Awi ari faget helep ubule fei waga. A'nogo fei waga huli andi nen yogondak huli wutu mondok welagoba nen he, oan welagoat ari o,” iluk aga.

MAZMUR 150:5

Piring anggwe meneba watik, ane lego mene watik, sebelek mene watik, ikhi logolik, Allah fogerati logouwok.

HAGAI 2:15

Tuhan nen ikhi logolik, ”Hiren o yogondak linggene welago mene yi asi wagi'lek werek kwelek welagagu aremnogoba An nawi yi fano pugunhogo wurik le'ma agaikhe mene aremnogo fanorogo wenggel haluk futfeni o! Aremnogoba re hit hinebe ningginik welagagip nogo?

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

ZAKHARIA 6:12

A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.

ZAKHARIA 7:3

A'nogo lakfisa waga logolik, ”O Tuhan awiba meisalkhukwa mene andi faget niren tahun hundik-hundik andoma tugi fuap meneba werek kwelek he sumburu ninggi'lek ninambe pok welago aremnogo hakhogo logouwoga? Iluk imam inom, nabi inom inoba heinok woginabi lano,” iluk lakfisa wagaikha.

1 SAMUEL 22:18

Andiba re, Saul en hun Doeg oba yagati logolik he, ”Weak-weak haren it inoasin!” iluk yagatikhemo, at Doeg a'nogo weak-weak siakhogo menla'luk laga logolik he, it imam omanogo mondogat inoatikhe. Linggene andi sambul he aren it imam mene inami'mo walimo hak mene enu efod elok isu hak mene inebe lambulogore 85 nen inoatikhe.