EZRA 2:68 - Allah Wene Fano Wene Hupla Inane

⁶⁸ It afuni hele warogo hugisa lagaukwa mene a'nogo o Tuhan Awi wuri'mo Yerusalem omanogo asi wagaukwasik he, it ap inogogwi fenakwe inunggulenu akhogo hilingik mene melalinafi lagaukwa mene omanogo nen he o Tuhan Awiba a'nogo wutu mene faget iluk inendawi fanoba yi mene ti mene Tuhan wogetukwa.

EZRA 2:68 ပူးပေါင်းရင်းမြစ်များ

1 TAWARIKH 21:18

A'nogo isikhemo re, at malaikat Tuhan a'nogo nen hun Gad oba Daud yagasi loageluk yagati logolik he, ”Hun Arauna nen gandum enggen kigilhi lagaikheba andem laluk he, Tuhan faget wam warogo nolhuba obalik andem wu'no, iluk yaga'no,” iluk yagatikhemo yagasi lagaikhe.

1 TAWARIKH 22:1

A'nogo logolik, at Daud en ikhi logolik he, ”O Tuhan Allah Awi andi re, obalik arem at wusugun o. Nen, mezbah yiba re afuni Israel mene nen ineisena Tuhan obaget wam warogo noleti logogun o,” iluk yagaisasikhe.

2 TAWARIKH 3:1

O Tuhan Awi a'nogo ebe wusugun oba faget he, at Daud en, ”O Yerusalem Tom Moriaba hun Arauna awi Yebus agun a'nogo nen gandum enggen lolhi lagaikheba andem wusugun,” iluk tukhumet fesikhe. O Tuhan Awi andi ebe wusigin mene re,

EZRA 2:69

Iren he we it inenggimo were'ma hilingisu higithogo nek fei wagaukwama re, iren fei wagaukwangge andi ambisangma hilingik welagaikhe mene hunogo lombok wenagaisogo re emas re enggin 500 kilogram en hilingik welagaikhe, nen perak he enggin 2.800 nen welagaikhe, nen su jubah it ap imam labetu mene faget he 100 nen hilingik welagaikhe.

EZRA 3:3

Wutukwa andi, iren afuni o andoma mene inailo logolik meneat he, Tuhan Allah faget wam yi mene ti mene noleti logogun oba a'nogo attak wurik welagaikhebaat hobuk wutukwa andi. Wutukwasik he, hubet inom, hu'mokwe inom, wam yi mene ti mene, Allah faget noleti logogun mene arat eroratukwa.

EZRA 9:9

Nen nit hele warek inamingmingengge higit werek kwelek Haren herak ninobagaluk lagalagen lek. It ap raja Persiaba welagaukwa mene omanogo nen nit inendawit ninafakwasik, o Hat hawi meisalogo kabok lagali'lago mene yi wusuakhogo loagen yagaisoageluk hilingiten. Haren enek nit o afuni Yehuda mene were'ma inom, it afuni Yerusalem mene were'ma inom, ninalong palogo welagen.

MAZMUR 110:3

Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

KELUARAN 25:2

”Afuni Israel mene nen An nobaget fili'lagwi mene andoma wo'nesi wesuagen yagaisan o. Ap ekhe endawimo nen wo'nesigin iluk An nobaget waluk fei wesigiluk he,

KELUARAN 35:21

ap sa nen ekhe endawimo abologet hugunem halok, Tuhan Awi Sabu andi faget wusugun mene iluk yi mene ti mene waluk fei wagaukwa. Andi fena iren wene kabogeti logolik hilingitu mene faget iluk inom, imam inasu kwatu mene faget inom, waluk kabogesi wagaukwaat.

KELUARAN 35:29

Afuni Israel mene, hemi ogo ap ogo, inendawimo fogoin anggugu mene inebe mondogaren yi mene ti mene Tuhan nen wene melalek Musa bene nen yagaisasikhe mene a'nogo higithogo Tuhan faget kabogesi waga lagaukwa.

KELUARAN 36:3

A'nogo yagaisasukwasik at Musa nen he, ap Israel mene nen O Sabu Tuhan faget andi wusuageluk kabogesi wagaukwa mene omanogo wogisasikhe. Oba nen he, afuni Israel mene nen yi mene ti mene omanogo hubet-habet hundik-handik Musa ambit kabogesi waga lagaukwa.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

2 KORINTUS 8:3

Wogisogoin higithogo wogisikhi logolik ekhe inom oba mangorogo wogisili'lagwiat. An inobabut nelu. Neilenggen isigirigen yagahisikhi lagi o. It afuni ekhe nen inendawimo kagalhi'le'ma, inonggwarek inendawimo nen kagalogo,

2 KORINTUS 9:7

Afuni inendawimo inagaiyek mondok anggikhi logolik it ekhe fisagarek mene andi, Allah nen inebe endawi welagarek andi nen he, hit hinebe lombok hinagarek hinendawi werek kwelek, it ekhe nen hinendawimo ninghogo kagalhunem fisogoin elo'lego. We, hit hinendawimo fano logolik, hinonggwarek hinendawimo nenat kagalogo fisogoino.