EZRA 10:3 - Allah Wene Fano Wene Hupla Inane

³ Nit he haren komo wene yaganisagain mene inom, it Allah wene melalek yaganisugu mene a'nogo esinet fuluk hilingitu inaben inom, komotninabugun mene andoma niren higithogo nek hilingitik, At Allah nen wene melalek yi'nogo hilingi'no ti'nogo hilingi'no iluk werek mene a'nogo hologo hilingitik, hilingisugun en he, hemi andoma ineagwi inomat mugusogo wilaginabugun iluk Allah elokhoma nen hombuk paluok.

EZRA 10:3 ပူးပေါင်းရင်းမြစ်များ

2 RAJA-RAJA 11:17

A'nogo hilingitukwasik he at imam Yoyada nen it afuni holhu mene omanogo inom, at raja Yoas a'nogo inom, inoba yagaisikhi logolik he, ”Nit Tuhan againafuri asugun,” iluk hombuk palini o. Nen, aren ogo re, at raja ebe inom afuni holhu mene nen inomen inane hombuk paluageluk yagatikheat.

2 TAWARIKH 29:10

A'nogo hilinglagaikhe andi nen he, yogondak he At Tuhan Allah nen nit ninoba ekhe inom a'mage fei nogo re, an nen hit afuni Israel mene ineisena Tuhan Allah a'nogo inom wene wati lagi yi.

2 TAWARIKH 30:12

At raja inom it agoromi pegawai inom he wene melalogo wulafikhe mene a'nogo, higithogo hilingisuageluk he At Allah nen he it afuni Yehuda meneba welagaukwa mene omanogo inendawinggen misik asuageluk hilingfisasikhe.

2 TAWARIKH 34:21

”Nit ninambu-ninomba nen he wene melalek yi'nogo hilingi'no ti'nogo hilingi'no iluk buku yiba palek mene a'nogo higithogo hilingiti lagagu le'ma re Tuhan nen a'mage nit ninoba fikhi laga. Enggere hiren he an nobaget inom, it afuni Israel mene inom, Yehuda mene inom, inobaget he, buku yiba re ninggi'nogo palek werek? Iluk Tuhan oba heinok wani lani o,” iluk lakfisasikhe.

2 TAWARIKH 34:27

haren hendawimo waregendik, hendawimo sebel fakhegendik welagen. An nen he o Yerusalem inom, it afuni o andoma werek mene inom mondogat inoasigin iluk arat nane walhogo figirik welagi oba nen he, An nen a'nogo hilingisigin iluk hilingitigi mene a'nogo re hat hesanggo mondogat holhendik, fong warikhi logolik hakhogo re le yagaisogo hasu tilip-talaphogo lakfisegendik, welagen. Andiba re haren samban egen mene andi re An arat nesanggo holhigi o,

EZRA 10:11

Ariginik enggere At Tuhan Allah nit ninambu-ninombalagen apne wanhi lagaukwa mene a'nogoba hinaweak fakhogo herak fembik he, At endawimo agaiyek anggikherek mene nek hilingiti logolik he, it afuni endakwe mene nit ninanggweang yiba werek mene andoma hinom huniti lek logolik, hinagagwi inunggulenu endakwe mene woginafigip mene andoma re mugusogo wulak fisano,” iluk yagaisasikhe.

EZRA 10:44

It ap inebe mondogat andi nen he hemi inunggulenu endakwe mene woginafukwa ma re, hemi omanogo mondogat herak fisilik lagaukwasik he, inagainafuri inom mondogat mugusogo wulaginafukwa.

EZRA 10:9

Tugi sogongge tanggal 20 ba, inenggi henagan welagaukwasik a'nogo re it abenek o it Benyamin mene werek kwe nen inom, it Yehuda mene werek kwe nen inom, o Yerusalem wagaukwasik he o Tuhan Awi lilu a'nogo kabogetukwa. Kabogetukwama nen he andem oba re o meiso mondok hokho mene nunggu kwelek a'luk he sogoi aigengge nen he afuni omanogo hom-hombuk falhi logolik wene andi mondok esin mene faget hiligimo a'luk he sebethikhi logolik welagaukwa.

EZRA 9:4

An nebe hurek a'nogo werek kwelek enek he wam hu'mokwe warogo nolhu mene a'nogoba asi waga. Andi nen it afuni a'nogo an were'ma aremnogo maserogo kwelaknobagai wagaikhasik he, it afuni Israel mene ineisena Allah nen afuni hele warogo fisa lagaukwama hobuk wagaukwa mene andi inaweak werek mene andiba hilingfisagain iluk werek mene a'nogo inendawi wenggel hagasik he it inailo nek agaikha.

NEHEMIA 10:1

A'nogo agama it ap andem inenggi amusu faga mene attak he Gubernur Nehemia hun Hakhalya amlogo a'nogo tak fikhe. Nen at ombo'ne re hun Zedekia, It andem inombo'ne inenggi amusu fesukwa mene a'nogo inenu re yi:

NEHEMIA 8:14

Wagaukwama wene yagaisugunem he, TUHAN nen, ”Yi'nogo hilingi'no, ti'nogo hilingi'no,” iluk Musa bene nen At againafuri Israel mene yagaisikhi logolik he, ”Tugi 6 oba wela'luk ekhe 7 meneba, O Sabu Enggaba elama faget salhigik logolik pesta hilingiti logoino o,” iluk yagaisasikhemo, hilingiti lagaukwa mene a'nogo hobuk yagaisasikhemo inesanggo holhukwasik inelu agaikhe.

NEHEMIA 9:38

Allah ayonggo a'nogo fesukwasik he, iren mel isukwa: ”Nit afuni Israel mene nen, yi'nogo hilingiti logouwok, iluk lisu palogo fogosik he, ninogogwi fetninarek werek mene inom, ap Lewi mene inom, Allah eisewerek mene ekhe inom, en inenggi amusu fouwageluk yagaisogoma inenggi amusu mondogat faga andi,” iluk isukwa.

MAZMUR 119:120

Hat hoba nendawimo ailo agunem he noak leigeti lagi, wene Haren tekhogo ikhi lagen mene andoma faget an he nailo nek ari'lago.

MAZMUR 119:59

An he nonggwarek nobabut faget mondogat ebethikhi logolik he, Hat hawene melalek werek mene a'nogo nek hilingiti logogin iluk nane tekhogo igi.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

ULANGAN 29:12

At hineisena Tuhan Allah nen hit hinom wene katokhogo wasimbik he hiren wene warek andi hinebe seberogo hinane lambulhik, nen hiren yi'nogo hilingiti logogun iluk wanhik, hilingiti logouwogeluk yoma kabogesi wagep andi.

YOSUA 9:6

A'nogo hilingitukwasik he. at Yosua ambit o Gilgal awi sabu wuri'mo lagaukwasik iren at inom afuni Israel mene inom inoba ikhi logolik, ”Nit he ninawi ero mondogat yatma mene o, ma re nineisugwi hit ninom wene wasugun iluk wago o,” iluk isukwa.